Ang Dios Nakaila ug Nahigugma Kanimo

Oo! Isip mga miyembro sa Ang Simbahan ni Jesukristo sa mga Santos sa Ulahing mga Adlaw, kami nagtuo nga si Jesukristo mao ang Anak sa Dios ug ang Manluluwas sa Kalibotan. Siya nahigugma kanatong tanan labaw pa kay sa atong mahunahunaan. Gikonsiderar namo ang among mga kaugalingon nga mapahinungoron nga mga sumusunod ni Jesus. Samtang pipila sa among mga gituohan lahi, kami nagtuo nga pinaagi sa Iyang kinabuhi, pangalagad, sakripisyo, ug pagkabanhaw, si Jesukristo moluwas kanato gikan sa sala, pag-antos, ug kamatayon.

Pagkat-on pa og dugang mahitungod sa among mga gituohan.

Ang mga oras sa tulumanon sa pagsimba sa simbahan managlahi sa matag kongregasyon. Bisan paman, ikaw kanunay nga makasalig nga adunay usa ka nag-una nga tulumanon sa pagsimba alang sa tanan, nga gisundan sa mga klase alang sa kabataan, kabatan-onan, ug mga hamtong.

Ang tulumanon alang sa tanan gitawag og “panagtigom sa sakramento.” Kini nga panagtigom naglangkob sa mga kanta, mga pag-ampo, ug mga sermon (o “mga pakigpulong”) nga ihatag sa lainlaing mga sakop sa kongregasyon matag semana. Apan ang labing importante nga bahin sa panagtigom mao ang higayon nga kami nag-ambit sa sakramento (nga sama sa pagkalawat) aron sa paghinumdom sa Manluluwas.

Pagkat-on pa og dugang mahitungod sa mga tulumanon sa pagsimba sa Dominggo o pangita og simbahan duol kanimo.

Alang sa mga Santos sa Ulahing mga Adlaw, ang usa ka templo lahi kay sa ubang mga bilding sa Simbahan. Ang templo mao ang dapit diin ang mga Santos sa Ulahing mga Adlaw modawat og espesyal nga instruksiyon mahitungod sa Dios ug ni Jesukristo. Diha sa templo, ang mga miyembro mohimo og mahangtoron nga mga pakigsaad (o mga saad) ngadto sa Dios. Kini naglakip sa mga saad sa pagtuman sa mga sugo, pagsunod sa ebanghelyo ni Jesukristo, pagmatinuoron sa kaminyoon, ug pagtabang sa pag-atiman sa usag usa pinaagi sa pagpakigbahin sa unsay anaa kanamo.

Usab, tungod kay kami nagtuo nga ang mga pamilya mahangtoron, kadaghanan sa buhat nga gihimo sa sulod sa mga templo mao ang paghimo sa mga koneksiyon sa pamilya nga mas lig-on. Ang mga kaminyoon diha sa templo gipahigayon nga molungtad sa kahangtoran, dili lang “hangtod ang kamatayon mobulag ninyo.” Ang mga ginikanan ug mga anak mahimong mahangtoron nga mga pamilya diha sa mga templo. Ang mga katigulangan makadawat usab sa tanang panalangin sa templo kon adunay usa ka tawo nga mohimo sa sagrado nga mga ordinansa alang kanila ug sila modawat niana nga buhat sa serbisyo. Ang mga templo bisi nga mga dapit!

Ang Basahon ni Mormon usa ka basahon sa dinasig nga kasulatan nga nagtudlo kanato kabahin sa Dios ug ni Jesukristo. Kini motabang kanato nga makadawat og direksiyon alang sa atong personal nga mga kinabuhi ug makatabang kanato nga mobati nga mas suod kang Jesukristo. Diin man gikan ang ngalan? Gatosan ka tuig ang milabay, usa ka karaan nga propeta nga ginganlan og Mormon mitipon og rekord sa iyang katawhan. Sila miatubang og daghang mga hagit nga susama sa atoa. Ug sama kanato, sila nakakaplag og kalig-on dihang sila midangop kang Jesukristo. Pagkuha og pasiuna sa Basahon ni Mormon uban sa mga misyonaryo.

Ang Basahon ni Mormon nagsuporta sa Biblia isip laing tugon ni Jesukristo ug sa Iyang balaang misyon isip Manluluwas ug Manunubos sa kalibotan. Magkauban, ang Biblia ug ang Basahon ni Mormon naghatag og dugang nga panabot sa dakong gugma sa Dios alang kanatong tanan ug makatabang kanato nga mas maduol ngadto Kaniya. 

Pagkat-on pa og dugang mahitungod kon sa unsang paagi ang Biblia ug ang Basahon ni Mormon nagtambayayong.

Oo. Ang Biblia mao ang pulong sa Dios, usa ka sagrado nga basahon sa kasulatan, ug ang pagsunod sa mga pagtulon-an niini magdala og hingpit nga kalipay sa atong mga kinabuhi. Uban sa Biblia, makakaplag usab kami og inspirasyon sa ubang mga basahon sa kasulatan nga talagsaon ngadto sa Ang Simbahan ni Jesukristo sa mga Santos sa Ulahing mga Adlaw. Kining tanan nagtinabangay sa pagtudlo kanamo mahitungod sa importante nga mga kamatuoran mahitungod sa Dios ug ni Jesukristo.

Pagkat-on pa og dugang mahitungod sa among gituohan sa Biblia.