’Api fa’ari’ira’a - Te ’Ēkālesia a Iesu Mesia i te Feiā Mo’a i te mau Mahana Hope’a nei

E aha tā mātou e ti’aturi nei

Ha’api’i i te parau nō Te ’Ēkālesia a Iesu Mesia i te Feiā Mo’a i te mau Mahana Hope’a nei

Ha’api’i i te parau nō Iesu Mesia

Ha’amātau iāna ’e pe’e iāna

E aha te aura’a o tō ’oe orara’a

Hi’o mai tā te Atua hi’ora’a

Fa’aruru i te mau fifi o te orara’a

’Ite mai i te pūai, te arata’ira’a ’e te hau

E fa’ari’i-pōpou-hia te ta’ata. Haere i te fare purera’a piri ia ’oe.

E pupu orara’a ’āmui mātou tei fa’atumuhia i ni’a i te Mesia, ’e tē fa’aitoito nei ho’i ’ia here ’e ’ia tāvini ia vetahi ’ē. E vāhi nō ’outou i’ō nei.

’Imi i te hō’ē fare purera’a piri ia ’oe.

People attending church and fellowshipping

Te mau uira’a mātauhia

E keresetiāno ānei te mau melo o Te ’Ēkālesia a Iesu Mesia i te Feiā Mo’a i te mau Mahana Hope’a nei ?

’Ē ! Mātou te melo nō Te ’Ēkālesia a Iesu Mesia i te Feiā Mo’a i te mau Mahana Hope’a nei, tē ti’aturi nei mātou ē e Tamaiti ’o Iesu Mesia nā te Atua ’e e Fa’aora ho’i nō te ao nei. E rahi a’e tōna here ia tātou i tā tātou e nehenehe e feruri. Tē hi’o nei mātou ia mātou ’ei feiā ’āpe’e ia Iesu. Parau mau e mea ta’a ’ē ri’i te tahi o tō mātou mau ti’aturira’a, tē ti’aturi nei rā mātou ē, nā roto i tōna orara’a, tāna tāvinira’a, tāna tusia ’e tōna ti’afa’ahoura’a, ’ua fa’aora Iesu Mesia ia tātou i te hara, i te māuiui ’e i te pohe.

Ha’api’i rahi atu ā nō ni’a i tō mātou mau ti’aturira’a.

Mai te aha te huru te mau purera’a a te ’Ēkālesia ?

E nehenehe te mau hora purera’a a te ’Ēkālesia e taui mai terā ’āmuira’a i terā ’āmuira’a. Terā rā, e mea pāpū e fa’atupuhia te hō’ē purera’a ha’amorira’a nō te tā’āto’ara’a, ’e i muri iho te mau piha ha’api’ira’a nō te mau tamari’i, te feiā ’āpī ’e te feiā pa’ari.

Te purera’a nō te tā’āto’ara’a, e parauhia ïa te « purera’a ’ōro’a. » Teie rurura’a, e mau hīmene ïa, e mau pure ’e e mau ’ōrero ’evanelia (’aore rā, « mau a’ora’a ») tei hōro’ahia mai e te mau melo o te ’āmuira’a i te mau hepetoma ato’a. Te tuha’a faufa’a roa a’e rā o te rurura’a, ’o te ravera’a ïa mātou i te ’ōro’a mo’a (mai te komunio) nō te ha’amana’o i te Fa’aora.

Ha’api’i rahi atu ā nō ni’a i te mau purera’a i te sābati ’aore rā ’a ’imi i te hō’ē fare purera’a piri ia ’oe.

Nō te aha e mau hiero tā Te ’Ēkālesia a Iesu Mesia i te Feiā Mo’a i te mau Mahana Hope’a nei ?

Nō te feiā mo’a i mau mahana hope’a nei e mea ta’a ’ē te hiero i te tahi atu mau fare a te ’Ēkālesia. E vāhi te hiero i reira te feiā mo’a e fa’ari’i ai i te ha’api’ira’a ta’a ’ē nō ni’a i te Atua ’e ia Iesu Mesia. I roto i te hiero, e rave te mau melo i te mau fafaura’a (’aore rā te mau parau fafau) mure ’ore ’e te Atua. ’Oia ho’i ïa te parau fafau e ha’apa’o i te mau fa’auera’a, e ora i te ’evanelia a Iesu Mesia, e ha’avare ’ore i roto i te fa’aipoipora’a ’e e tauturu i te aupurura’a i te tahi ’e te tahi maoti te ’ōperera’a i tā tātou.

’E nō te mea tē ti’aturi nei mātou ē e mea mure ’ore te mau ’utuāfare, te rahira’a o te ’ohipa i roto i te mau hiero, ’o te ha’apūai-atu-ā-ra’a ïa i te natira’a ’utuāfare. E ravehia te mau fa’aipoipora’a i roto i te hiero ’ia vai a muri noa atu te reira, ’eiaha rā « ē tae noa atu i tō ’oe pohera’a. » E riro mai te mau metua ’e te mau tamari’i ’ei ’utuāfare mure ’ore i roto i te mau hiero. E nehenehe ato’a te mau tupuna e fāri’i i te mau ha’amaita’ira’a ato’a o te hiero mai te mea e rave te hō’ē ta’ata i te mau ’ōro’a mo’a nō rātou ’e ’ua fāri’i rātou i te reira ’ohipa tāvinira’a. E mau vāhi ’ohipa roa te mau hiero !

E aha te Buka a Moromona ?

E buka pāpa’ira’a mo’a fa’auruhia Te Buka a Moromona, ’o tē ha’api’i nei nō ni’a i te Atua ’e Iesu Mesia. E tauturu mai te reira ’ia fāna’o i te arata’ira’a nō tō tātou orara’a ’e e nehenehe te reira e fa’atupu i te mana’o fātata atu ā ia Iesu Mesia. Nō hea roa mai te i’oa ? E rave rahi hānere matahiti i ma’iri, ’ua ha’aputu te hō’ē peropheta tahito, ’o Moromona te i’oa, i te hō’ē pāpa’a parau nō tōna mau ta’ata. ’Ua fa’aruru rātou e rave rahi tāmatara’a tā tātou e fa’aruru nei. ’E mai ia tātou, ’ua ’itehia ia rātou te pūai i te fāriura’a i ni’a ia Iesu Mesia. Fāna’o i te hō’ē vauvaura’a nō ni’a i te Buka a Moromona ’e te mau misiōnare.

Tē ti’a nei te Buka a Moromona ’e te Bibilia mai te tahi fa’ahou ’ite nō Iesu Mesia ’e nō tāna misiōni hanahana ’ei Fa’aora ’e ’ei Tāra’ehara nō teie nei ao. ’Āpīpiti, tē fa’afāna’o nei te Bibilia ’e te Buka a Moromona i te māramaramara’a rahi atu ā nō te here rahi a te Atua ia tātou pā’āto’a, ’e e nehenehe te reira e tauturu ia tātou ’ia ha’afātata atu ā iāna. 

Ha’api’i rahi atu ā nō ni’a i te huru te Bibilia ’e te Buka a Moromona e ’ohipa ’āmui nei.

Tē ti’aturi ra ānei mātou i te Bibilia ?

’Ē. Te Bibilia ’o te parau ïa a te Atua ’e e buka pāpa’ira’a mo’a ho’i, ’e e tae mai te ’oa’oa i roto i tō tātou orara’a ’ia pe’e tātou i tō te reira mau ha’api’ira’a. Tāpiri i te Bibilia, tē ’ite ato’a nei mātou i te fa’aurura’a i roto i te tahi atu mau buka pāpa’ira’a mo’a ta’a ’ē a Te ’Ēkālesia a Iesu Mesia i te Feiā Mo’a i te mau Mahana Hope’a nei. E ’ohipa ’āmui rātou pā’āto’a nō te ha’api’i mai i te mau parau mau faufa’a rahi nō ni’a i te Atua ’e ia Iesu Mesia.

Ha’api’i rahi atu ā nō ni’a i tō mātou ti’aturira’a i te Bibilia.

Hi’o rahi atu ā

Ha’afātata atu ā i te Atua. Fārerei i te mau misiōnare.

Fārerei nā ni’a i te natirara ’aore rā fārerei tino. E pāhono mātou i tā ’oe mau uira’a ’e e fa’afārerei mātou ia ’oe i tō mātou pupu orara’a ’āmui i reira.

Poro’i nō te ti’aturira’a

E rave rahi mea nehenehe e tīa’i mai nei ia tātou. I te mau mahana i muri nei, e ’ite tātou i te mau fa’a’itera’a rahi a’e o te mana o te Fa’aora ’aita ā tō te ao nei i ’ite a’enei. I rotopū i teie nei taime ’e i te taime e ho’i mai ai ’oia « ma te mana ’e te hanahana rahi » (Iosepha Semita—Mataio 1:36), e hōro’a mai ’oia i te mau ha’amaita’ira’a e rave rahi, ’e te mau temeio i ni’a i te feiā ha’apa’o maita’i.

Russell M. Nelson

Te peropheta ’e te peresideni nō Te ’Ēkālesia a Iesu Mesia i te Feiā Mo’a i te mau Mahana Hope’a nei

E pupu orara’a fa’aro’o tei fa’atumuhia i ni’a ia Iesu Mesia

E aha te fa’anahora’a i te fare purera’a

E ha’apūra’a te ’Ēkālesia i mua i te ti’arepu o te orara’a nei––e vāhi e nehenehe ai e ha’amori i te Atua nā muri i te tahi atu feiā fa’aro’o, nō te tāmata i te riro hau atu mai ia Iesu. E mea ’oa’oa nā mātou ’ia haere a’e mai ’oe !

Haʼapiʼi rahi atu ā

Tō tātou mau ti’aturira’a

E fa’atumu tō mātou mau ti’aturira’a ato’a i ni’a i te Atua ’e ia Iesu Mesia. Ha’api’i rahi atu ā nō ni’a i te mea tā mātou e ti’aturi nei ’e nāhea teie mau ti’aturira’a tumu e fa’auru ai ia ’oe ’ia pe’e i te Fa’aora.

Tuatāpapa

Māramarama ’o vai mātou nei

E ’itehia ia ’oe te mau melo nō Te ’Ēkālesia a Iesu Mesia i te Feiā Mo’a i te mau Mahana Hope’a nei nā te ao ato’a nei. E hoa ’e e ta’ata tupu mātou nō ’oe, ’o tē ’ohipa ’āmui nei nō te tāmata i te fa’ariro i te ao nei ’ei vāhi maita’i a’e.

’O vai mātou

Hi’o i te mau parau ’āpī hope’a a te ’Ēkālesia.

E mau mea maitata’i e tupu nei nā te ao ato’a nei. Fa’ari’i i te mau fa’atanora’a ’āpī nei nō ni’a i te mau ’ōpuara’a a te ’Ēkālesia, te ’ohipa e tupu, te mau tauto’ora’a tauturu ’ati ’e tē vai atu ra.

’Imi i te fare purera’a
piri ia ’oe

Fārerei i te mau misiōnare

Tai’o i te Buka a Moromona