Temepara o Tāmaki Makaurau AotearoaTūwheratanga Whare Tūmatanui
Haere mai ki te Temepara o Tāmaki Makaurau Aotearoa o Te Hāhi o Ihu Karaiti o te Hunga Tapu i ngā Rā o Muri Nei. Ka nui te koa i tā koutou haerenga mai!
Nau Mai te Katoa
E hiahia ana kia haere mai te katoa ki te ako e pā ana ki te temepara. E rere atu ana tēnei pōhiri ki ngā mema o te Hāhi, ki ngā mema o te hapori, me te hunga katoa e hiahia ana ki te ako i ngā mea e pā ana ki te temepara.
He whare tapu ngā temepara i hangaia ai hei āwhina i ngā tamariki a te Atua kia whakatata atu ai ki a Ia, ki Tana Tama hoki, a Ihu Karaiti. Ina oti te whakatapu i te temepara, ka whakaae noa kia uru anake ngā mema o te Hāhi. He wā motuhake rawa tēnei tūwheratanga whare ki te katoa kia ārahina ai ki roto ki tēnei whare tapu o te Ariki me te tirotiro i ōna whenua ātaahua.
He whare tapu ngā temepara i hangaia ai hei āwhina i ngā tamariki a te Atua kia whakatata atu ai ki a Ia, ki Tana Tama hoki, a Ihu Karaiti. Ina oti te whakatapu i te temepara, ka whakaae noa kia uru anake ngā mema o te Hāhi. He wā motuhake rawa tēnei tūwheratanga whare ki te katoa kia ārahina ai ki roto ki tēnei whare tapu o te Ariki me te tirotiro i ōna whenua ātaahua.
Ko ngā Pātai e Kaha Pātaihia ana
He aha te utu mō tēnei tūwheratanga whare?
Kāore he utu mō tēnei, engari e tika ana kia whakarāhuitia e koe tētahi wā mōu.
He aha te āhua o te ārahitanga tūwheratanga whare?
He ārahitanga māraro, ā, ka eke ki te 45 miniti te roa. I a koe e ārahina ana, ka wātea ētahi māngai o te Hāhi ki te whakautu i ngā pātai.
Me tū tōku waka ki whea?
E toru ngā kōwhiringa tūnga waka:
1. Te tūnga waka ki te Temepara mō ngā whānau e whai tamariki nohinohi ana, mō te hunga kaumātua, me te hunga hauā anake
2. Te tūnga waka kei te Whare Karakia i Kerrs Rd, kei reira hoki tētahi waka kawekawe mai i Kerrs Rd ki te Temepara
3. Te tūnga waka kei te Life church South (3 Lakewood Court, Manukau City), he hīkoi poto noa i reira
1. Te tūnga waka ki te Temepara mō ngā whānau e whai tamariki nohinohi ana, mō te hunga kaumātua, me te hunga hauā anake
2. Te tūnga waka kei te Whare Karakia i Kerrs Rd, kei reira hoki tētahi waka kawekawe mai i Kerrs Rd ki te Temepara
3. Te tūnga waka kei te Life church South (3 Lakewood Court, Manukau City), he hīkoi poto noa i reira
He aha ngā kākahu tika?
Kei a koe te tikanga he aha ngā kākahu e mau ai koe. E akiaki ana mātou kia mau ngā kākahu hui ōpaki me ngā hū pai mō ngā waewae, i te mea he ārahitanga hīkoi tēnei i roto i te temepara.
Ko wai mā e taea ana te haere mai ki te tūwheratanga whare nei?
E hiahia ana kia haere mai te katoa ki te tirotiro i te temepara. E pai ana kia haere mai ngā reanga katoa.
He wharepaku, he mea inu kei reira?
He wharepaku kei reira, ā, e taea ana te peka atu ki reira i mua i te ārahitanga, i muri hoki. Kāore he wharepaku i waenganui i te ārahitanga. E wātea ana ngā mea inu puta noa i te hīkoi.
He mea atu anō me mōhio au i mua i taku toronga ki reira?
E āhei ana ngā tūru wīra.
Kāore e whakaaehia ana ngā mōkai āwhina ki roto i te temepara.
Tēnā koa, kaua e kaipaipa, e momi haurehu rānei i ngā whenua o te temepara.
Kāore e whakaaehia ana ngā mōkai āwhina ki roto i te temepara.
Tēnā koa, kaua e kaipaipa, e momi haurehu rānei i ngā whenua o te temepara.
Ko ngā Temepara Hunga Tapu i ngā Rā o Muri Nei
He wāhi tapu ngā temepara o te Hunga Tapu i ngā Rā o Muri Nei, i reira meatia ai e ngā mema o te Hāhi ngā oati ki te Atua. Ko ētahi o ēnei oati, arā, ko te pupuri i Ana whakahaunga me te āwhina i ētahi atu. I whakatūria ngā temepara i ngā wā onamata, ā, e tū tonu ana hei wāhi maungārongo i ēnei rā.