Temipale Auckland New ZealandʻOupeni Hausi ki he Kakaí

Haʻu ʻo ʻaʻahi ki he Temipale Auckland New Zealand ʻo e Siasi ʻo Sīsū Kalaisi mo e Kau Māʻoniʻoni ʻi he Ngaahi ʻAho Kimui Ní. Te mau fiefia ke ke kau mai!
English | Gagana Samoa |Faka-Tonga| Te Reo Māori

ʻOku Talitali Lelei ʻa e Tokotaha Kotoa

ʻOku mau talitali lelei ʻa e tokotaha kotoa ke haʻu ʻo ako fekauʻaki mo e temipalé. ʻOku kau heni ʻa e kāingalotu ʻo e Siasí, kau mēmipa ʻo e koló, mo ha faʻahinga taha pē ʻoku fie mamata pe ko e hā ʻoku fekauʻaki mo e temipalé.

Ko e ʻū temipalé ko ha fale toputapu ia naʻe fokotuʻu ke tokoni ki he fānau ʻa e ʻOtuá ke nau ongoʻi ofi kiate Ia mo Hono ʻAló, Sīsū Kalaisi. Ko e lava pe hono fakatapui ʻo e temipalé, ʻe ʻatā leva ke hū ki ai ʻa e kāingalotu ʻo e Siasí. Ko e ʻoupeni hausi ko ʻení ko ha faingamālie makehe ia maʻá e tokotaha kotoa pē ke ʻaʻahi ki he fale toputapu ʻo e ʻEikí pea fiefia ʻi hono kelekele fakaʻofoʻofá.

Fakamatala ki he Polokalamá

Taimí



Tuʻapulelulu, 27 Fēpueli–Tokonaki, 22 Māʻasi 2025 (ʻikai kau ai e ngaahi ʻaho Sāpaté)
Mōnite–Tokonaki 9:00 a.m. – 9:00 p.m.



Tuʻasilá



19 Redoubt Road, Goodwood Heights, Auckland 2105, New Zealand

Ngaahi Fehuʻi ʻOku Lahi Hono ʻEké

ʻOku taʻetotongi ʻa e huú, ka ʻoku mau fokotuʻu atu ke ke puka ha taimi pau ki hoʻo ʻalú.
Ko e takimamatá ko ha ʻaʻahi luelue holo ia pea ʻe miniti nai ʻe 45. Lolotonga ʻa e takimamatá, ʻe ʻatā ha kau fakafofonga ʻo e Siasí ke tali ha faʻahinga fehuʻi pē.
ʻOku ʻi ai ha ngaahi tauʻanga meʻalele ʻe 3:

1. Tauʻanga meʻalele ʻi he Temipalé maʻa e ngaahi fāmili pē ʻoku ʻi ai ʻenau fānau iiki, toulekeleka mo e kau faingataʻaʻi

2. Tauʻanga meʻalele ʻi he Falelotu Kerrs Rd pea ʻoku ʻi ai mo ha meʻalele ki he fetukutuku ʻi he vahaʻa ʻo e Kerrs Rd mo e Temipal

3. Tauʻanga meʻalele ʻi he siasi Life he Sauté (3 Lakewood Court, Manukau City), ʻa ia ko ha kiʻi lue nounou
ʻOku talitali lelei koe ke ke haʻu pē ʻi ho tuʻunga lolotongá. ʻOku mau fokotuʻu atu ke teunga lelei pe mo ha sū ʻoku faingofua ki he lué, he ʻoku luelue holo pē ʻa e takimamata ʻi he temipalé.
ʻOku mau talitali lelei ʻa e tokotaha kotoa ke haʻu ʻo mamata ki he temipalé. ʻOku talitali lelei ha faʻahinga taʻu motuʻa pē ke kau mai.
ʻOku ʻi ai ha ʻū falemālōlō ʻi he feituʻú, pea ʻe lava ke fakaʻaongaʻi ia kimuʻa pe ʻi he ʻosi ʻa e takimamatá. ʻOku ʻikai ʻatā ke fakaʻaongaʻi ʻa e ʻū falemālōloó lolotonga ʻa e takimamatá. ʻOku ʻatā pe ʻa e ʻū fauniteni inú ia ha taimi pē.
ʻOku lava foki ʻo ngāue ʻaki e ʻū saliote teketeké ʻi he temipalé.

ʻOku ʻikai fakangofua ʻa e fanga monumanu ngāue tokoní ʻi he temipalé.

Kātaki ʻo fakaʻehiʻehi mei he ifi tapaká pe veipí ʻi he kelekele ʻo e temipalé.

Ngaahi Temipale ʻo e Kau Māʻoniʻoni ʻi he Ngaahi ʻAho Kimui Ní

ʻOku hoko ʻa e ngaahi temipale ʻo e Kau Māʻoniʻoni ʻi he Ngaahi ʻAho Kimui Ní ko ha ngaahi feituʻu toputapu ʻoku fakahoko ai ʻe he kāingalotu ʻo e Siasí ha ngaahi palōmesi mo e ʻOtuá. ʻOku kau he ngaahi palōmesi ko ení ʻa hono tauhi ʻEne ngaahi fekaú mo e tokoni ki he niʻihi kehé. Naʻe ngāue ʻaki e ngaahi temipalé ʻi he kuonga ʻo e tohitapú pea ʻoku hokohoko atu ʻene hoko ko e ngaahi feituʻu ʻo e nongá ʻi he kuongá ni.

Ako Lahi Ange fekauʻaki mo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní

ʻOku fakatefito kotoa ʻemau tuí ʻia Sīsū Kalaisi. ʻOku mau fakafiefiaʻi ʻEne moʻui maʻongoʻongá mo ʻEne ʻaloʻofa taʻefakangatangatá, pea ʻoku mau fakaafeʻi ʻa e taha kotoa pē ke haʻu kiate Ia.