EnglishConnect Mga Termino sa Pag-apil (Gi-update niadtong 2021-01-22)

  1. Kinsa man Kami? Ang EnglishConnect usa ka programa sa pagkat-on sa pinulongang Iningles nga gisuportahan sa Ang Simbahan ni Jesukristo sa mga Santos sa Ulahing mga Adlaw, usa ka tibuok kalibotan nga Kristiyanong simbahan nga adunay punoang buhatan sa Siyudad sa Salt Lake, Utah, Estados Unidos sa Amerika (ang “Simbahan”). Among gipalambo ang kahanas sa pinulongang Iningles pinaagi sa pagtudlo og mga leksyon sa tawo mismo, sa internet ug sa audio nga mga module, ug uban pa nga mga kalihokan sa pagpraktis. Bisan kon ang mga leksyon gituyo aron sa pagpalambo sa kahanas sa pinulongang Iningles, naglangkob usab kini og hilisgotan bahin sa relihiyon. Wala kami magdala og bisan unsa nga matang sa akreditasyon o bisan unsa nga matang sa kurso o credit gikan sa bisan unsa nga programa sa edukasyon o pagbansay.
  2. Mga Sumbanan sa Pag-apil. Ang tanan pwede nga moapil sa EnglishConnect, kon mosunod lang sila niini nga mga Termino sa Pag-apil. Dili kami mohashas sa mga partisipante sa bisan unsa nga paagi sa dili pa sila makaapil. Kami naglaom kaninyo nga tagdon ninyo ang ubang mga partisipante uban sa pagkamabination ug pagtahod. Ayaw pangayo og kwarta, pagpalabi-labi, o pangharas ni bisan kinsa. Gamita ang maayong paghukom sa unsay inyong ipaambit mahitungod sa inyong kaugalingon ngadto sa uban. Ang bisan unsang pamatasan o pinulongan nga gikonsiderar nga dili tukma o makamugna og dili luwas nga palibot alang sa uban dili madawat. Ang mga tigdumala sa grupo makatangtang ni bisan kinsa gikan sa grupo sa bisan unsang rason sumala sa ilang paghukom.
  3. Pagkapribado sa Datos [Data Privacy]. Kon kamo mo-sign up sa EnglishConnect ug mohatag kanamo sa inyong personal nga impormasyon, kamo mipili nga moapil sa among komunidad. Mahimong kontakon mo namo aron mapahibalo mo bahin sa dugang nga mga paagi nga kamo makaapil kanamo. Kami nagtahod sa inyong pagkapribado ug mogamit lamang sa inyong personal nga impormasyon sumala sa lokal nga balaod ug sa Global Privacy Notice sa Simbahan.  Sumala sa Pahibalo [Notice], ang among mga magtutudlo, mga boluntaryo, ug mga trabahante, ingon man ang lokal nga mga miyembro o mga lider sa Simbahan, makagamit ug makaproseso sa personal nga impormasyon nga inyong gihatag kanamo, sa basihan nga kinahanglang makaila kaninyo, aron sa pagtabang ug pagsuporta sa inyong pag-apil sa EnglishConnect o sa ubang mga programa sa Simbahan. Gibuhat nila kini aron makatubag sa inyong mga hangyo, makahatag og impormasyon ug mga serbisyo, makapadayon og lehitimo nga mga interes, ug makatuman sa legal nga mga obligasyon.
  4. Paggamit sa Internet ug mga Bayranan. Kinahanglan kamo nga mogamit og computer nga adunay paspas nga koneksyon sa internet ug audio recording aron epektibong makaapil sa EnglishConnect. Walay bayad ang pag-apil sa EnglishConnect 1 & 2, apan adunay gamay nga inyong bayranan alang sa mga kopya sa giprinta nga mga materyal. Ang EnglishConnect 3 usa ka barato nga online nga kurso nga gitanyag pinaagi sa BYU-Pathway Worldwide. 
  5. Pagtugot sa Ginikanan. Kon kamo menor de edad pa diha sa estado o nasod nga inyong gipuy-an, kinahanglan gayod kamong mohatag og porma sa pagtugot nga pinirmahan sa ginikanan/tigbantay sa dili pa moapil sa EnglishConnect. Ang mga porma anaa sa mga magtutudlo sa EnglishConnect.
  6. Pag-enrol ug Pagtambong. Ang minimum nga gidaghanon sa mga aplikante gikinahanglan aron makasugod og EnglishConnect diha sa inyong dapit. Kon wala makaabot sa minimum, dili kamo makaapil sa EnglishConnect niining higayona. Sa higayon nga ang programa sa EnglishConnect magsugod na, ang pagtambong sa sinemana nga panagpundok sa paghisgot sa EnglishConnect gilaoman, makahimo kini og mahinungdanong bahin sa inyong kinatibuk-ang kalamboan, ug gikinahanglan aron makadawat og sertipiko sa paghuman.
  7. Pagpahiluna sa mga Baldado. Ang Simbahan nagpakabana sa kalamposan sa tanang partisipante sa mga programa niini. Bisan og wala kinahanglana sa legal nga paagi ang pagpahiluna o pagtabang sa mga partisipante nga baldado, ang Simbahan naningkamot sa paghatag og makataronganon nga tabang niadtong nagkinahanglan niini, sa boluntaryong paagi ug sumala sa kaugalingong paghukom lamang niini. Ang mga partisipante nga baldado mahimong mohangyo og tabang gikan sa mga magtutudlo ug sa mga misyonaryo. Kana nga tabang mahimong lahi kay sa mga pagpahiluna nga gihatag sa ubang mga institusyon.