EnglishConnect Tuutuuga o le Auai (Toe Faafouina 2021-01-22)

  1. O Ai i Matou? O le EnglishConnect o se polokalama e aoao ai le gagana-FaaPeretania o loo lagolagoina e le Ekalesia a Iesu Keriso o le Au Paia o Aso e Gata Ai, o se ekalesia Kerisiano i le lalolagi atoa o lona laumua o loo i le Aai o Sate Leki, Iuta, Iunaite Setete o Amerika (le “Ekalesia”). E matou te faateleina le agavaa i le gagana FaaPeretania e ala i lesona e auai ai tagata, luga o upegatafailagi ma masini pu’e ma faaleotele leo, ma isi gaoioiga o faataitaiga. E ui o lesona ua faamoemoe e faaleleia ai le atamai i le gagana-FaaPeretania, ae o le a i ai foi ma anomea faalelotu. E matou te le o tauaveina ai soo se ituaiga o togi, tikeri, po o se iunite a soo se polokalama faalea’otauina pe faaleaoaoga po o se faalapotopotoga faaleaoaoga.
  2. Tulaga Faatonuina mo le Auai E talia tagata uma e o mai e auai i le EnglishConnect, pe afai latou te utagia ia nei Tuutuuga o le Auai. E matou te le faia muamua ni siaki o tagata auai i soo se auala ona faatoa latou mafai ona auai. E matou te faamoemoeina oe e fegalegalea’i ma isi i le mamalu ma le faaaloalo. Aua le fesili mo ni tupe, faailoga tagata, pe faasoesa i soo se isi. Ia faaaoga le faautautaga lelei i mea e te faasoa atu i isi e faatatau ia te oe lava. E le taliaina soo se amio po o se gagana ua manatu e le talafeagai pe fausia ai se siosiomaga le saogalemu mo isi. E mafai e tagata faamaopoopo o vaega ona aveesea soo se isi lava mai le vaega mo soo se mafuaaga e tusa ma la latou faaiuga.
  3. Faamatalaga E Le Faalauaiteleina. Pe a e lesitala mo le EnglishConnect ma tuuina mai ia te i matou au faamatalaga patino, ua e filifili e auai i totonu o lo matou faalapotopotoga. Matou te ono faafesootaia oe e uiga i ni isi ala faaopoopo e mafai ai ona e auai faatasi ma matou. E matou te faaaloalogia ou tulaga e le faalauaiteleina ma e pau le ala o le a faaaoga ai au faamatalaga patino o le tusa ai lea ma tulafono o le lotoifale ma le faasilasilaga a le Ekalesia i leFaasilasilaga i le Lalolagi o Faamatalaga Patino.  E tusa ai ma le Faasilasilaga, o o matou faiaoga, volenitia, ma tagata faigaluega, faapea ma tagata auai po o taitai o le Ekalesia i le lotoifale, e mafai ona maua ma faagasolo faamatalaga patino e te tuuina mai ia i matou, i se tulaga e tusa-ma-le-manaomia-ona-iloa, e fesoasoani ma lagolago ai i lou auai i le EnglishConnect po o isi polokalama a le Ekalesia. Latou te faia lea ina ia mafai ai ona tali atu i au talosaga, tuuina atu faamatalaga ma auaunaga, e tulitulimatai ai mea talafeauga e fiafia i ai, ma faafetaiaia ai matafaioi po o tulaga manaomia faaletulafono.
  4. Faaaogaina ma le Totogiina o le Initoneti. O le a e manaomia ona e faaaogaina se komepiuta e i ai se fesootaiga initoneti malosi ma televave ma pu’e leo ina ia [e] auai lelei ai i le EnglishConnect. E leai se totogi mo le auai ai i le EnglishConnect 1 & 2, e ui atonu e manaomia ona e totogiina sina tupe itiiti mo le faiga o kopi o anomea ua lolomiina. O le EnglishConnect 3 o se kosi taugofie i luga o le initoneti ua saunia e ala i le BYU-Pathway Worldwide. 
  5. Maliega a Matua. Afai o oe o se tamaitiiti (lalo ifo ma le 18 tausaga) i se setete po o se atunuu o loo e nofo ai, e manaomia ona e tuuina mai se fomu o le maliega ua sainia e le matua/tagata e tausia ae e te lei auai i le EnglishConnect. O loo maua fomu mai faiaoga o le EnglishConnect.
  6. Lesitalaga ma le Auai. E laitiiti se numera e manaomia o tagata talosaga e amata ai le EnglishConnect i la outou eria. Afai e lei ausia le numera aupito laitiiti, e ono le mafai ona e auai i le EnglishConnect i lea taimi. O le taimi lava e amata ai le polokalama a le EnglishConnect, e faamoemoeina le auai faalevaiaso i talanoaga faatasitasi a le EnglishConnect, e aofia lea i se vaega taua o lou alualu i luma, ma e manaomia ia maua ai se tusipasi o le faamaeaina.
  7. Fetuunaiga mo i Latou e I Ai Manaoga Faapitoa. E taua i le Ekalesia le alualu i luma o tagata auai uma i ana polokalama. E ui e le faatulafonoina le manaomia ona tuuina atu o ni fetuunaiga po o se fesoasoaniga i tagata auai e i ai ni manaoga faapitoa, e taumafai lava le Ekalesia e tuuina atu ni fesoasoani talafeagai mo i latou e manaomiaina, e tuu i le faitalia ma i lana lava maliega. E mafai e tagata auai e i ai ni manaoga faapitoa ona talosaga mo se fesoasoani  mai faiaoga ma faifeautalai. O nei fesoasoaniga e ono ese mai isi fetuunaiga o tuuina atu e isi faalapotopotoga.