I lenei Faaaliga, o i matou, O Le Ekalesia a Iesu Keriso o le Au Paia o Aso e Gata Ai ma ona itutino, ua tuuina atu ia te oe ni faamatalaga e uiga i le auala matou te faagaoioia ai ou faamatalaga patino. Pe a faasino ia i “matou” po o “tatou” po o “ā matou”, o lona uiga o le Ekalesia ma itutino o le Ekalesia.
1. O ai e faatautaia ou faamatalaga patino?
O Le Ekalesia a Iesu Keriso o le Au Paia o Aso e Gata Ai e galue e ala atu i ona sui ma itutino o le Ekalesia pe a matou faagaoioia ou faamatalaga patino. Pe a e faasoa maia sau faamatalaga patino ia i matou, o loo e faasoaina atu i le Ekalesia e ala i itutino o le Ekalesia.
a. O Le Ekalesia: O Le Ekalesia a Iesu Keriso o le Au Paia o Aso e Gata Ai (o le “Ekalesia”) o se faalapotopotoga o tagata o e talitonu i aoaoga faavae faalelotu lava e tasi, faia tapuaiga ma sauniga faalelotu lava e tasi, ma e pulea i mataupu faavae faale-ekalesia. O iunite o le Ekalesia i le lotoifale e pei o uarota, paranesi, siteki, itu, misiona, ma eria, ua na o ni vaevaega o lenei faalapotopotoga o le au talitonu ma e le o ni itutino faaletulafono ua tuueseese; e faaaoga ai tuusaunoaga faatapulaaina.
e. Itutino o le Ekalesia: Ina ia faamalieina manaoga o mataupu faaletino ma faataunuuina isi faamoemoega o le Ekalesia, o loo lagolago ai e se faatulagaga faaletulafono e aofia ai itutino eseese ma’oti faaletulafono le Ekalesia i le lalolagi atoa. O nei itutino ma’oti faaletulafono (iinei “Itutino o le Ekalesia”) ua tuueseese faaletulafono mai le Ekalesia. O se tasi o na itutino o le Ekalesia, O Le Ekalesia a Iesu Keriso o le Au Paia o Aso e Gata Ai,o se faalapotopotoga tumaoti i Utah, e aofia ai se itutino e tasi soofaatasi, ma se tasi pe sili atu itutino o le Ekalesia, o loo faagaoioia ou faamatalaga patino o ni pulega soofaatasi e nafa ma faamatalaga. O nisi itutino o le Ekalesia e mafai ona mauaina faamatalaga patino i le avea ai ma ē faagaoioia faamatalaga ina ia tuu atu ai auaunaga i na itutino o le Ekalesia e galulue o ni pulega o faamatalaga. Pe a e talosagaina, o le a matou tuu atu ia te oe faamatalaga pe o le fea itutino o taulimaina ou faamatalaga patino.
2.O a faamatalaga patino matou te aoina?
Matou te aoina faamatalaga patino o loo (a) e auina mai ia i matou, (e) matou faamaumauina ma (i) matou maua mai i isi. E ono mafai ona matou taina ou faamatalaga patino faatasi ai pe aunoa foi ma auala otometi, e aofia ai le aoina mai, tusifaamaumau, faatulagaina, faavasegaina, teuina, fetuunaia pe suia, iloilo sii mai, feutagaiga, faaaoga, faalauiloa e ala i faasalalauga, faalauiloa pe faaavanoa, faaogatusaina pe tuufaatasia, faasa, tapeese, po o le faataumaoia ou faamatalaga patino.
a. Faamatalaga e auina sa’o mai. E te auina maia ou faamatalaga patino ia i matou pe a e auai i le Ekalesia, sailia sauniga o le Ekalesia, talosagaina anomea a le Ekalesia, talosagaina le maua o isi meafaigaluega po o tautua a le Ekalesia, pe auai ai i isi fegalegaleaiga po o fesootaiga ma le Ekalesia. A e fegalegaleai ma le Ekalesia, e masani ona matou faagaoioia le igoa, aso fanau, nuu na fanau ai, numera o le telefoni, tuatusi imeli, tuatusi o le mea e nofo ai, ata, itupa, ma faamatalaga o foai/tupe totogi, ma isi. E mafai ona e aumaia nisi faamatalaga faaopoopo e te auai ai i au lava faamoemoega i sailiiliga, tauvaga, po o isi gaoioiga po o mea e tutupu e aofia ai pe a fai sou sao i se puega o se ata vitio po o se leo, e pei o le faaaogaina o tekinolosi faakonafesi. O le auai i sailiiliga, tauvaga, ma gaoioiga faapena e tuu i lou faitalia pe fai. Afai e te le manao e auai ai, pe aumaia ni faamatalaga patino e fesootai i na gaoioiga, o le a le aafia ai le tulaga o lou pepa faamaumau po o le mafai ona faaaoga meafaigaluega po o tautua o loo maua a le Ekalesia. I tulaga taitasi o le a e iloa po o a faamatalaga patino na e aumaia ia i matou aua sa e ofofua e auina sa’o mai ma lou loto malie ia faamatalaga.
e. Faamatalaga matou te maua mai isi ma sa auina mai e isi. Pe a faatagaina ai e tulafono i le lotoifale, e mafai ona e auina mai faamatalaga patino, e aofia ai faamatalaga e faafesootai e uiga i se isi nai lo oe lava (i se isi faaupuga, o isi) e faataga ai i matou e faafesootai lena tagata, auina atu, pe faafetaia’ia ai lau talosaga. A aumai faamatalaga patino e uiga i se isi nai lo oe lava, e tatau ona e muai maua le maliega o le isi tagata e ta’u mai ai pe manaomia faaletulafono lana maliega.
Afai na e aumaia pe aumai foi e se isi tagata ia i matou ou faamatalaga patino e fesootai ai ma e te manao e talosagaina matou e aua ona matou toe faafesootai atili atu oe, faamolemole mulimuli i le faiga e faaleaoga ai lau lesitala po o le faiga e filifili ai ua le manaomia o loo maua i le saite patino, faasilasilaga, po o faailo imeli, pe faafesootai mai i matou i le www.ChurchofJesusChrist.org/DataPrivacy.
E mafai ona matou faagaoioia ma faaavanoa faalauaitele faamatalaga patino e maua mai punaoa ua lolomi ma faasalalauina. E mafai ona matou faagaoioia ma lolomi ma faasalalau faamatalaga o ē ola ia tausisia tulafono talafeauga i le lotoifale.
O ou faamatalaga e faatatau i le mea e te i ai e mafai ona ao mai ni polokalama o masini feaveai mo le faamoemoe e fesoasoani ia te oe ia maua le malumalu aupito lata ane po o se falelotu po o se isi foi mafuaaga faapena. E mafai ona e faia ni suiga o faatulagaga i lau masini e alu ese ai mai auaunaga faatatau i nofoaga.
A e asiasi i soo se vaega o a matou punaoa, e mafai e a matou komepiuta autu (e faaaoga ai faila faamaumau po o polokalama faamama) ona aoina faamatalaga e auina mai e lau faagaoina o le initoneti i soo se taimi e te asiasi ai i se upega tafailagi. O lea faamatalaga e ono aofia ai ae e le faatapulaaina i le tuatusi o lau Tagavai i le Initoneti (IP Adress), soo se metotia i le faagaoina o le initoneti, polokalama e faagaoioi ai, gagana moomia, soo se upega tafailagi sa e asiasi i ai muamua ae e te lei oo mai i le matou upega tafailagi, o le aso ma le taimi o talosaga a tagata taitasi e asiasi mai, faamatalaga e te sailia i a matou punaoa, ma isi faamatalaga e aoina e kuki (cookies) po o isi tekinolosi faapena. Faamolemole tagai i le Aiaiga Faavae o Kuki (“Cookies Tool”) i luga o a matou polokalama taitasi mo masini feaveai ma upega tafailagi e aoao atili ai e uiga i kuki, o loo aofia ai m aituaiga o kuki ma faapatino atu ai pe o a kuki matou te faaaogaina. Peitai, afai e te taliaina kuki, atonu e le mafai ona e faaaogaina nisi vaega o aoga o a matou saite po o polokalama, e pei ona otooto atu i le Cookies Tool.
3.O a faamoemoega matou te faagaoioiga ai faamatalaga patino?
Matou te faagaoioia faamatalaga patino mo faamoemoega faaleekalesia, gafa, fesoasoaniga alofa, soifua manuia faaleagafesootai, faafaifeautalai, ma isi faamoemoega faagaoioi ma faalepulega.
Matou te faaaogaina faamatalaga patino e avatu ai auaunaga faaleekalesia ma isi e faataunuu ai le misiona a le Ekalesia. Atonu matou te faaaogaina faamatalaga patino e (aofia ai faamatalaga e uiga i le auala e te faaaogaina ai a matou meafaigaluega ma auaunaga) e (a) faafesootai ai isi, (e) fatu ma tausia ai pepa faamaumau, (i) faataunuu talosaga e te faia, (o) saili atu mo sou lava finagalo faaalia, (u) faaogatasia mata po o anotusi i luga o a matou meafaigaluega po o auaunaga, (f) iloilo le tatau ai ona auai i sauniga o le malumalu ma isi, auaunaga faafaifeautalai, auaunaga loto malie, ma tulaga faaleautaitai , pe (g)faatautaia a’oga faalelotu a le Ekalesia, faamanuiga, po o isi polokalama a le Ekalesia. I lenei matalalaga, o le faavae faaletulafono mo lo matou faagaoioia o au faamatalaga patino a le o le tatau ai ona faatino matafaioi faakonekarate ma isi a matou matafaioi e faatatau ia te oe po o le faatinoina o a matou gaoioiga e tatau ai o se Ekalesia.
E ono mafai foi ona matou faaaogaina ou faamatalaga ia ogatusa ai ma tulafono talafeagai ma faaaoga ai aia tatau faaletulafono e fai ma faavae o lo matou faagaoioiga o faamatalaga.
E mafai foi ona matou faaaogaina ou faamatalaga patino mo faamoemoega o le ekalesia lava ia, e aofia ai suegatusi, faavasegaga o faamatalaga, foiaina o faafitauli o masini, ma sailiiliga. I nei tulaga, e fua la matou faagaoioiga i faanaunauga talafeagai i le faatinoina o gaoioiga a le Ekalesia.
4.O ai matou te faasoa i ai faamatalaga patino?
Matou te faasoa atu ou faamatalaga patino mai isi po o vaega i tulaga nei:
a. O isi e aumaia faamatalaga. E mafai ona matou saunia faamatalaga patino i isi mo lo latou faagaoioiga i le faatinoga o galuega mo matou i le avea ai ma e faagaoioia faamatalaga (mo se faataitaiga, faagaoioiga o tupe e totogi atu, tausiga, puipuiga, faavasegaga o faamatalaga, talimalo, tautua mo le fuaina, feau o ala faasalalau faaagafesootai e maua mai faamaumauga, sailiiliga, ma isi, ). I ni tulaga faapea, e tusa ai ma lenei Faasilasilaga ma tulafono e faatatau i ai, o le a manaomia i se tulaga faakonekarate i latou e aumaia faamatalaga ia puipuia faamatalaga patino mai nisi faagaoioiga (e aofia ai faamoemoega o fefaataua’iga) ma mai fesiitaiga.
e. Itutino o le Ekalesia. E mafai ona matou fesiitaiina faamatalaga patino i soo se itutino o le Ekalesia e faataunuu ai faamoemoega o le Ekalesia.
O au faamatalaga lautele o ou pepa faamaumau (pe afai o oe o se tagata o le Ekalesia) ma soo se faamatalaga e tuu i le faitalia e mafai ona e filifili e tuuina mai (mo se faataitaiga, tuatusi imeli ma se ata po o se ata vitio e te aumaia pe matou te pueina i lau faatagaga) e mafai ona faasoa atu i tagata o le Ekalesia i lau uarota po o le paranesi ma le siteki po o le itu, po o isi tagata auai i se polokalama o loo e auai ai, pe a tatau ai mo faamoemoega o le Ekalesia o loo lisi atu i luga. E mafai foi ona vaaia nisi o ou faamatalaga i se tulaga e faatapulaaina ma tapui i a tatou punaoa i le initoneti, e aofia ai le ChurchofJesusChrist.org E mafai na e filifili e le faasoaina atu faamatalaga pe faatapulaa foi ia faamatalaga e filifili ai e te faasoaina e ala i le fesuia’ia o faamuamua moomia i le atatosi o lou talaaga i punaoa taitasi, pe ala i le faafesootai mai o i matou e faaaoga ai faamatalaga o loo tuu atu i lalo.
i. O mea e moomia faaletulafono. E mafai ona matou maua ma faailoa atu ou faamatalaga patino, tusiga faalauaitele, tusiga i api talaaga, talanoaga i luga o le initoneti, faamatalaga a le tagata lava ia, anotusi, po o isi anotala e auina mai i soo se punaoa pe afai e i ai so matou talitonuga ma le faatuatua lelei o le faia o lena mea e manaomia e se poloaiga po o se faatonuga faalefaamasinoga po o le pulega, pe ua manaomia foi e le tulafono. E le gata i lea, e mafai ona matou faailoa atu ou faamatalaga patino ma isi faamatalaga: pe a manaomia ai e le tulafono pe, ina ia faaaoga ai foi e puipuia ai aia tatau faaletulafono; e puipuia ai faasaga i matafaioi faaletulafono; e puipuia ai aia tatau, meatotino, po o le saogalemu o le punaoa o soo se tagata se toatasi po o tagata lautele; ia tausisia ai ma puipuia le saogalemu ma le amiosa’o o a matou auaunaga po o fuafuaga faataatitia; e puipuia ai i matou lava ma a matou auaunaga mai le taufaasese, faia faatautala, po o le faaaogaina e aunoa ma se faatagaga; e suesue ai ma papuipuia i matou lava mai tagi po o tuuaiga a pati lona tolu; pe fesoasoani ai foi i vaega o loo faamalosia tulafono faalemalo.
5. O fea matou te teuina ai faamatalaga patino?
E mafai ona matou teuina ou faamatalaga patino i nofoaga tutotonu o faamatalaga i le Iunaite Setete, i failateu i peaulagi, po o nofoaga o itutino o le Ekalesia. Ina ia mautinoa e lava lelei le puipuiga o faamatalaga matou te fesiitaia i isi pulega, ua matou faia ai se faaiuga e fesiitai ma faagaoioia ni maliliega i le va o itutino fitoitonu o le Ekalesia ma a latou tautua autu, o ia maliliega ua aofia ai Vaega Laugatasia Faakonekarate ua faamaonia e le Komisi a Europa e ogatusa ma tulafono a le EU (ia e mafai ona e agavaa e iloilo pe afai e te faafesoota’ia i matou e pei ona fautuaina ai i le faaiuga o lenei Faaaliga).
6. E faapefea ona matou malupuipuia faamatalaga patino?
Matou te faaaogaina ni fuataga faametotia ma faalefaalapotopotoga e puipuia ai faamatalaga patino matou te mauaina mai le leiloloa, faaaogaseseina, ma mai suiga e le faatagaina ma puipuia lona le faalauaiteleina. Matou te iloiloina e le aunoa a matou faagasologa o le puipuiga ma iloilo tekinolosi fou talafeagai ma metotia o le puipuiga. Matou te faaaogaina foi tekinolosi faaliliu ua maua i le taimi nei e faaliliu ai le auina atu o faamatalaga i a matou itulau e alu ai i totonu [o se polokalama]. Peitai, talu ai e le mafai ona matou faamaonia le puipuiga malu atoatoa o nei tekinolosi faaliliu, faamolemole ia faaeteete pe a auina mai faamatalaga patino i le initoneti.
7. O le a le umi matou te teuina ai faamatalaga patino?
Matou te teuina faamatalaga patino e ao mai, e aofia ai faamatalaga e aoina e ala mai i polokalama feaveai ma isi anotala, mo se vaitau talafeagai e faataunuu ai faamoemoega o mea e faagaoioia o loo ta’ua i luga. Ona matou teumaluina ai lea mo ni vaitau e manaomia pe tatau ai e tusa ma tulafono po o aiaiga faaletulafono. A oo ina le toe manaomia le teumaluina i faleteufaamaumauga, ona matou tapeeseina loa lea o faamatalaga mai a matou faamaumauga, faatasi ai ma le tuusaunoaga o faamatalaga faatapulaaina o talaaga faasolopito, faamaumauga masani o gafa, ma faamatalaga patino sa taofia o se vaega o faamaumauga tumau o gafa, pepa faamaumau, po o faamaumauga faasolopito a le Ekalesia.
8. E mafai faapefea ona e maua ma faasa’o ou faamatalaga patino?
Matou te taumafai e tausisia le sa’o lelei o faamatalaga patino ma faalagolago ia te oe e faamautinoa ua atoatoa ma sa’o lelei ou faamatalaga patino. E mafai ona e talosaga ia e maua ou faamatalaga patino ma faamaonia, faasa’o, pe toe faalelei (e aofia ai ni faafouga), taofi ou faamatalaga patino e ala i lau lesitala patino i le uepisaite-patino, e ala i lou talaaga otooto, pe ala i lau Faitotoa AAG, pe a tatau ai.
Afai o oe o se tagata o le Ekalesia, ua na o le faia o ni suiga i lou pepa faamaumau o le Ekalesia e mafai ai ona faafou nisi o ou faamatalaga patino. O na suiga e tatau ona faia e ala i le faafesootai o le failautusi i lau iunite faale-Ekalesia ma le talosagaina o le suiga.
E mafai ona e faafesootai maia i matou e faaaoga ni tulaga faaleaia tatau faaopoopo e pei o le feaveaiga o faamatalaga, tetee e tusa ai ma tulafono e faatatau i ai, tapu o faagaoioiga, ma le tapeeseina o ou faamatalaga patino. Ua ia te oe foi le aia tatau e faaoo atu ai sau faitioga i se pule faafoe.
Afai e te fetaiai ma ni faafitauli i le fesuia’ia po o le faafouina o ou faamatalaga patino, e mafai ona e faafesootaia i matou e pei ona fautuaina ai i le faaiuga o lenei Faaaliga.
9. Aso e faamamalu ai ma suiga.
E amata faamamaluina lenei Faaaliga i le aso 6 Aperila, 2021, ma e mafai ona faia suiga mai lea taimi i lea taimi.
10. Faafesootai mai matou.
O faafesili e faatatau i lenei Faaaliga po o le puipuiga o faamatalaga patino o loo matou faagaoioia e mafai ona auina mai i la matou uepisaite, fesi, po o le meli:
Uepi: www.ChurchofJesusChrist.org/DataPrivacy
Fesi: +1-801-240-1187
Tuatusi: Data Privacy Office
50 East North Temple Street
Salt Lake City, UT 84150-0005
USA
