ʻI he Fakatokanga ko ʻení, ko kimautolu, ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní mo hono ngaahi potungāué, ʻoku mau ʻoatu ha fakamatala fekauʻaki mo e founga ʻoku mau ngāue ai ki hoʻo fakamatala fakatāutahá. ʻI hono ngāue ʻaki ʻo e “kimautolu,” pe “mau,” pe “ʻemau,” ʻoku ʻuhinga ia ki he Siasí mo e ngaahi potungāue ʻa e Siasí.
1.Ko hai ʻokú ne puleʻi hoʻo fakamatala fakatāutahá?
ʻI he taimi ʻoku mau ngāue ai ki hoʻo fakamatala fakatāutahá, ʻoku ngāue ʻaki ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa hono kau fakafofongá mo e ngaahi potungāue ʻa e Siasí. ʻI hoʻo vahevahe hoʻo fakamatala fakatāutahá mo kimautolú, ʻokú ke vahevahe ia mo e Siasí ʻo fakafou ʻi he ngaahi potungāue ʻa e Siasí.
a. Ko e Siasí: ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (ko e “Siasí”) ko ha falukunga kakai ʻoku nau tui ki he tokāteline fakalotu tatau, fakahoko e ngaahi founga mo e ngaahi ouau fakalotu tatau, pea ʻoku puleʻi ʻe he ngaahi tefitoʻi moʻoni fakalotú. Ko e ngaahi ʻiuniti fakalotofonua ʻo e Siasí, hangē ko e ngaahi uooti, kolo, siteiki, vahefonua, misiona, mo e ngaahi ʻēliá, ko e ngaahi vaʻavaʻa pē ʻo e falukunga kakai tui fakalotu ko ʻení pea ʻoku ʻikai ko ha ngaahi kupu fakalao kehekehe kinautolu; ʻoku ʻi ai ʻa e fakangatangata ʻo e ngaahi fakaʻatā makehé.
e. Ngaahi potungāue ʻa e Siasí: Ke lava ʻo feau e ngaahi fiemaʻu fakatuʻasinó mo fakakakato ʻa e ngaahi taumuʻa kehe ʻo e Siasí, ʻoku ʻi ai ha faʻunga fakalao ʻoku faʻu ʻaki ʻa e ngaahi potungāue kehekehe mo māvahevahe fakalaó, ʻoku nau tokoniʻi ʻa e Siasí ʻi he funga ʻo e māmaní. Ko e ngaahi potungāue māvahevahe fakalao ko ʻení (ʻoku ui heni ko e “ngaahi potungāue ʻa e Siasí”) ʻoku nau mavahe fakalao pē mei he Siasí. Ko e taha ʻo e ngaahi potungāue ko ia ʻo e Siasí, ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ko ha kautaha ʻi ʻIutā, fakataha mo ha potungāue kehe ʻe taha pe lahi ange ʻo e Siasí, ʻoku nau ngāue ki hoʻo fakamatala fakafoʻituituí pea fengāueʻaki ke tokangaʻi fakataha ia. ʻE ala maʻu ʻe ha ngaahi potungāue ʻo e Siasí ʻa e fakamatala fakatāutahá ʻi heʻenau hoko ko e kau ngāue ki he fakamatalá, ke fakahoko e ngaahi ngāue ki he ngaahi potungāue kehe ko ia ʻa e Siasí ʻoku nau hoko ko e kau pule fakamatalá. ʻI haʻo kole mai, te mau ʻoatu kiate koe ʻa e fakamatala ko ia fekauʻaki mo e ngaahi potungāue ʻa e Siasí ʻoku ngāue ki hoʻo fakamatala fakatāutahá.
2. Ko e hā ʻa e fakamatala fakataautaha ʻoku mau tānakí?
ʻOku mau tānaki ʻa e fakamatala fakataautaha ko ia (a) ʻokú ke fakahū mai kiate kimautolú, (e) ʻoku mau lekooti, mo ia (f) ʻoku mau maʻu mei he ngaahi kautaha kehé (third parties). Te mau ala fakaʻaongaʻi hoʻo fakamatala fakatāutahá ʻo ngāue ʻaki pe ʻikai ngāue ʻaki e ngaahi founga fakakomipiutá, ʻo kau ai hono tānaki, lekooti, fakamāʻopoʻopo, fokotuʻutuʻu, tauhi, fulihi pe liliu, ʻanalaiso, maʻu mai, fealeaʻaki, ngāue ʻaki, fakahā ʻaki hono ʻave, fakamafola pe ko hano fakafaingamālieʻi pē ke maʻu, fakafenāpasi pe fakatahaʻi, fakangatangata, toʻo, pe fakaʻauha hoʻo fakamatala fakatāutahá.
a. Fakamatala kuo ʻosi fakahuú. ʻOkú ke fakahū mai hoʻo fakamatala fakatāutahá kiate kimautolu ʻi he taimi ʻokú ke kau ai ki he Siasí, fekumi ki he ngaahi ouau ʻa e Siasí, kole e ngaahi naunau ʻa e Siasí, kole ha fakaʻatā ki hono ngāue ʻaki e ʻū meʻangāue pe ngaahi ngāue ʻa e Siasí, pe kau ʻi ha ngaahi fengāueʻaki kehe pe fetuʻutaki mo e Siasí. ʻI he taimi ʻokú ke fengāueʻaki ai mo e Siasí, ʻoku mau ngāue ʻaki leva e hingoá, ʻaho fāʻeleʻí, feituʻu ne fāʻeleʻi aí, fika telefoní, tuʻasila ʻīmeilí, tuʻasila nofoʻangá, laʻitā, tuʻunga tangata pe fefine, fakamatala kau ki he foaki/totongi, mo e alā meʻa peheé. Te ke lava ʻo ʻomi kiate kimautolu ha fakamatala lahi ange ke kau ʻi hoʻo polokalama pē ʻaʻau ʻi he ngaahi saveá, ngaahi feʻauhí, pe ngaahi ʻekitivitī pe meʻa kehe naʻe hokó, kau ai mo e taimi ʻokú ke kau ai ʻi ha vitiō pe ngaahi lea kuo hiki, hangē ko e taimi ʻokú ke fakaʻaongaʻi ai ʻa e tekinolosia konifelenisi vitioó. ʻOkú ke fili pē pe te ke kau ʻi he ngaahi saveá, ngaahi feʻauhí, mo e ngaahi ʻekitivitī peheé. Kapau ʻoku ʻikai te ke loto ke ke kau ai, pe ʻoange hoʻo fakamatala fakatāutahá ʻi he ngaahi ʻekitivitī peheé, ʻe ʻikai ke uesia ai heni hoʻo hoko ko e mēmipá pe tuʻunga malava ke fakaʻaongaʻi e ʻū meʻangāue pe ngaahi ngāue ʻa e Siasí. ʻI he ngaahi tuʻunga takitaha te ke ʻilo ai ko e hā e fakamatala fakataautaha ʻokú ke ʻomai kiate kimautolú koeʻuhí ʻokú ke toutou ʻomi loto-fiemālie pē ʻa e fakamatalá.
e. Fakamatala ʻoku mau maʻu mei he ngaahi kautaha kehé (third parties) mo e fakamatala ʻoku fakahū ʻi he taumuʻa lelei. ʻI hono fakaʻatā ʻe he lao fakalotofonuá, te ke lava ʻo fakahū e fakamatala fakatāutahá, kau ai ʻa e fakamatala fetuʻutaki fekauʻaki mo ha tokotaha kehe meiate koe (ʻi hono toe fakalea ʻe tahá, ko ha tokotaha/kautaha kehe mei he Siasi) ke lava ai ke mau fetuʻutaki mo e tokotaha ko iá, fakaaʻu ha fiemaʻu, pe ko hano feau hoʻo kolé. ʻI he taimi ʻokú ke ʻomi ai ha fakamatala fekauʻaki mo ha taha kehe meiate koe, kuo pau ke ke tomuʻa maʻu ʻa e fakangofua ʻa e tokotaha ko iá kapau ʻoku fie maʻu fakalao ʻene fakangofuá.
Kapau kuó ke ʻomai pe ʻomi ʻe ha tokotaha kehe kiate kimautolu hoʻo fakamatala fetuʻutaki fakatāutahá pea ʻokú ke fie kole mai ke ʻoua te mau toe fetuʻutaki atu, kātaki ʻo muimui ki he ngaahi founga ʻo e ʻoua ʻe toe kaú (unsubscribe) pe founga toʻó (opt-out) ʻoku ʻoatu ʻi he uepisaití, tohi fanongonongó, pe fanongonongo ʻīmeilí, pe fetuʻutaki mai kiate kimautolu ʻi he www.ChurchofJesusChrist.org/DataPrivacy.
Te mau lava ʻo ngāue mo fakaʻatā ki he kakaí ʻa e fakamatala fakataautaha ʻoku maʻu mei he ngaahi maʻuʻanga tokoni kuo pulusí. Te mau lava ʻo ngāue ki ai mo pulusi ha ngaahi fakamatala ki he nofoʻangá ʻo fakatatau ki he ngaahi lao fakalotofonua ʻoku kaunga ki aí.
ʻE lava ke tānaki ʻa e fakamatala ʻo fakatefito ʻi he feituʻu ʻokú ke ʻi aí ʻe ha ngaahi polokalama ʻe niʻihi he telefoni toʻotoʻó, ki he taumuʻa ke tokoniʻi koe ke ke maʻu ai ʻa e tuʻuʻanga ʻo e temipale pe ʻapisiasi ofi taha atú pe ko ha ʻuhinga pehē. Te ke lava ʻo liliu e settings ʻi hoʻo meʻangāue fakaʻilekitulōniká ke ke mavahe ai mei he ngaahi tokoni ʻoku fakatefito he feituʻu ʻokú ke ʻi aí.
ʻI he taimi ʻokú ke ʻaʻahi ai ki ha taha ʻo ʻemau ngaahi maʻuʻanga tokoní, ʻe lava ʻe heʻemau servers (ʻo ngāue ʻaki e log files pe ngaahi polokalama siviʻi (filtering systems)) ʻo tānaki e fakamatala ʻoku ʻomi ʻe hoʻo web browser ha taimi pē ʻokú ke hū ai ki ha uepisaiti. ʻE malava ke kau he fakamatala ko ʻení kae ʻikai fakangatangata pē ki hoʻo tuʻasila Internet Protocol (IP address), faʻahinga ʻo e browser, polokalama ngāué, lea fakafonua ʻoku fakaʻaongaʻí, ko ha faʻahinga peesi ʻinitaneti pē naʻá ke ʻaʻahi ki ai kimuʻa peá ke haʻu ki heʻemau uepisaití, ko e ʻaho mo e taimi ʻo e fie maʻu ʻa e tokotaha ʻaʻahi takitaha, fakamatala naʻá ke fekumi ki ai ʻi heʻemau ngaahi maʻuʻanga tokoní, mo e ngaahi fakamatala kehe naʻe tānaki ʻe he cookies pe ngaahi tekinolosia peheé. Kātaki ʻo vakai ki he meʻangāue Cookie Preferences (“Meʻangāue ʻa e Cookies”) ʻoku ʻoatu ʻi he ngaahi polokalama takitaha ʻo ʻemau telefoni toʻotoʻó mo e ʻū uepisaití ke ako lahi ange fekauʻaki mo e cookies, kau ai mo e faʻahinga ʻo e cookies pea fakapapauʻi foki mo e cookies ʻoku tau fakaʻaongaʻí. Ka neongo ia, kapau ʻoku ʻikai ke ke tali ʻa e cookies, mahalo he ʻikai ke ke lava ʻo fakaʻaongaʻi ha ngaahi konga pe ngāue ʻi heʻemau ngaahi saití pe polokalamá, ʻo hangē ko hono fakamatalaʻi ʻi he Meʻangāue Cookies.
3. Ko e hā e ngaahi taumuʻa ʻo ʻemau ngāue ki hoʻo fakamatala fakatāutahá?
ʻOku mau ngāue ki he fakamatala fakatāutahá ki he ngaahi taumuʻa fakalotu, tohi hohoko, tokoni ʻofa fakaetangata, uelofea fakasōsiale, faifekaú, malanga, mo e ngaahi taumuʻa fakangāue mo fakapuleʻingāue kehé.
ʻOku mau ngāue ʻaki e fakamatala fakatāutahá ke fakahoko ha ngaahi ngāue faka-Siasi mo e ngaahi ngāue felāveʻi pehē ke fakakakato e misiona ʻo e Siasí. ʻE malava ke mau fakaʻaongaʻi ʻa e fakamatala fakatāutahá (kau ki ai e fakamatala fekauʻaki mo e founga ʻokú ke fakaʻaongaʻi ki ai ʻa ʻemau ʻū meʻangāué mo e ngaahi ngāué) ke (a) fetuʻutaki atu kiate koe pe niʻihi kehé, (e) faʻu mo tauhi ʻa e ngaahi lekooti mēmipasipí, (f) fakahoko e ngaahi kole ʻokú ke faí, (h) kumia hoʻo fakamatala tokoni tauʻatāiná, (i) fakafenāpasi e ngaahi fōtunga mo e fakamatala ʻo ʻemau ʻū meʻangāue tokoní pe ngāué, (k) vakaiʻi pe ʻoku taau ke kau ʻi he ngaahi ouau ʻo e temipalé mo e ngaahi ouau kehé, ngaahi ngāue fakafaifekaú, mo e kau ngāue tokoni pe ngaahi tuʻunga fakatakimuʻá pe, (l) fakahoko ʻa e ako fakalotu ʻa e Siasí, ko e uelofeá, pe ngaahi polokalama kehe ʻa e Siasí. ʻI he tūkunga ko ení, ko e makatuʻunga fakalao ki heʻemau ngāue ki hoʻo fakamatala fakatāutahá, ka ʻikai pē ko e fiemaʻu ke fakahoko ʻa e ngaahi fatongia fakaaleapau mo e ngaahi fatongia kehe kiate koé pe ko hono fakahoko faka-Siasi ʻo ʻemau ngaahi ʻekitivitī totonú.
Te mau lava foki ʻo fakaʻaongaʻi hoʻo fakamatalá ke tauhi ki he ngaahi laó mo fakaʻaongaʻi e totonu fakalaó ko e makatuʻunga ia ʻo ʻemau ngāue ki he fakamatalá.
Te mau lava foki ʻo fakaʻaongaʻi hoʻo fakamatala fakatāutahá ki he ngaahi taumuʻa fakalotoʻi-potungāue, ʻo kau ai e ʻaotitá, vakaiʻi ʻo e fakamatalá, vakaiʻi e palopalema ʻa e polokalamá, mo ha fakatotolo. ʻI he ngaahi meʻá ni, ʻoku fakatefito ʻemau ngāué ʻi he ngaahi fiemaʻu totonu ʻaki hono fakahoko e ngaahi ʻekitivitī ʻa e Siasí.
4. Ko hai ʻoku mau vahevahe ki ai ʻa e fakamatala fakatāutahá?
ʻOku mau vahevahe hoʻo fakamatala fakatāutahá ki ha ngaahi kautaha kehe ʻi he ngaahi tūkunga ko ʻení:
a. Ngaahi Kautaha Kehé (Third-party providers) ʻOku malava ke mau ʻoatu e fakamatala fakatāutahá ki he ngaahi kautaha kehé (third parties) ki heʻenau ngāue ki hono fakahoko e ngaahi fatongia ʻo fakafofongaʻi kimautolu ʻi heʻemau hoko ko e kau ngāue ki he fakamatalá (hangē ko ʻení, ngāue ki he totongí, tokangaʻí, tuʻunga malú, fakamāʻopoʻopo e fakamatalá, fakatahatahaʻí, ngaahi ngāue ki hono fakafuofuaʻí, fepōpoakiʻaki fakamatala ʻoku feʻaveaki ʻi he mītia fakasōsialé, ngaahi saveá, mo e alā meʻa pehē). ʻI he ngaahi taimi peheé, ʻo fakatatau mo e Fanongonongó ni pea mo e ngaahi lao fekauʻakí, ʻe fie maʻu ke aleapau ʻa e ngaahi kautahá ke maluʻi e ngaahi fakamatala fakatāutahá mei hano toe fakaʻaongaʻi kehe (kau ai e faka’aonga’i tuʻuakí koloa pe ngaue) pea mo hono feʻaveʻaki holó.
e. Ngaahi Potungāue ʻa e Siasí. ʻOku malava ke mau ʻave ʻa e fakamatala fakatāutahá ki ha faʻahinga potungāue pē ʻa e Siasí ke fakakakato ai ʻa e ngaahi taumuʻa ʻa e Siasí.
Ko hoʻo fakamatala mēmipasipi fakalūkufuá (kapau ko e mēmipa koe ʻo e Siasí) pea mo ha faʻahinga fakamatala pē te ke ala fili ke ʻomai (hangē ko ʻení, tuʻasila ʻīmeili mo e laʻitā pe vitiō ʻokú ke ʻomí pe ʻoku mau maʻu ʻi hoʻo fakangofuá) ʻe lava ke vahevahe ia mo e kāingalotu ʻo e Siasí ʻi homou uōtí pe koló mo e siteikí pe vahefonuá, pe mo ha niʻihi kehe ʻoku kau atu ki ha polokalama naʻá ke kau ki ai, ʻo ka fie maʻu ki he ngaahi taumuʻa ʻa e Siasí ʻoku hiki atu ʻi ʻolungá. ʻE malava foki ke mātā e niʻihi hoʻo fakamatalá ʻi ha tuʻunga fakangatangata mo laoʻi pau ʻi heʻemau ngaahi maʻuʻanga tokoni fakaʻinitanetí, ʻo kau ai e ChurchofJesusChrist.org. ʻE lava ke taʻofi haʻo vahevahe hoʻo fakamatalá pe fakangatangata ʻa e fakamatala fili ko ia ʻokú ke vahevahé ʻaki hano liliu hoʻo fakamatala puipuituʻa ʻoku tuku atú ʻi he ngaahi maʻuʻanga tokoni fakafoʻituituí pe fetuʻutaki mai kiate kimautolu ʻo ngāue ʻaki ʻa e fakamatala ʻoku ʻoatu ʻi laló.
f. Ngaahi fiemaʻu fakalaó. ʻOku malava ke mau maʻu mo fakahā hoʻo fakamatala fakatāutahá, ngaahi fakamatala kuo ‘osi fai (posts), fakamatala tohinoá, fetalanoaʻaki fakaʻinitanetí, fakamatala nounou fakatāutahá, kanotohi, pe ngaahi fakamatala kehe ʻokú ke fakahū ki ha faʻahinga maʻuʻanga tokoni kapau ʻoku mau tui ʻi he laumālie lelei ko hono fakahoko iá koeʻuhí ko ha tohi fekau mei ha fakamaauʻanga pe tuʻutuʻuni fakapule kehe pe ko hano fiemaʻu pē ʻe he laó. ʻIkai ko ia pē, te mau lava ʻo fakahā hoʻo fakamatala fakatāutahá mo e ngaahi fakamatala kehe ʻo hangē ko ia ʻoku fie maʻu ʻe he laó pe ko hono ngāue ʻaki pe maluʻi ʻaki ha ngaahi totonu fakalao; ke tokateu ʻaki ki ha faʻahinga faka’ilo ʻeke moʻua; ke maluʻi e ngaahi totonú, koloá, pe malu ʻo e naunau, ʻa ha fakafoʻituitui, pe kakaí fakalūkufua; ke tauhi mo maluʻi e tuʻunga malu mo e faitotonu ʻo ʻetau ngaahi ngāué pe ngāue lalahí; ke maluʻi kimautolu mo ʻemau ngaahi ngāué mei he ngāue kākaá, ngaahi ngāue ngaohikoviá, pe taʻefakalaó, ke fakatotoloʻi mo maluʻi kimautolu mei he ngaahi ʻeke pe tukuakiʻi ha tokotaha/kautaha pe ha taha kehe pe; pe ko hono tokoniʻi e ngaahi kautaha fakapuleʻanga ki hono fakahmālohia ʻo e laó.
5. ʻOku mau tauhi ʻi fē ʻa e fakamatala fakatāutahá?
ʻOku malava ke mau tauhi hoʻo fakamatala fakatāutahá ʻi ha ngaahi senitā fakamatala ʻi he ʻIunaiteti Siteití, ʻi he ngaahi tauhiʻanga fakaʻinitaneti, pe ʻi he ngaahi feituʻu ʻo e ngaahi potungāue ʻa e Siasí. Ke fakapapauʻi ʻa e tuʻunga pau hono maluʻi ʻo e fakamatala ʻoku mau ʻave ki he ngaahi sino fakalao kehé, kuo mau fakamāʻopoʻopo ha ngaahi aleapau feʻaveaki fakamatala mo hono ngāue ʻakí ʻi he vahaʻa ʻo e ngaahi potungāue ko ia ʻa e Siasí mo ʻenau ngaahi kautaha ngāue tokoní, ʻa ia ʻoku kau ʻi heʻenau ngaahi aleapau ki he Ngaahi Kupu Angamaheni kuo fakangofua ʻe he Komisoni ʻa e Kau ʻIulopé ʻo fakatatau mo e lao ʻa e EU (ʻa ia ʻoku malava pē ke ke maʻu e totonu ke toe vakaiʻi kapau te ke fetuʻutaki mai kiate kimautolu ʻo hangē ko ia ʻoku fokotuʻu atu ʻi he ngataʻanga ʻo e Fakatokangá ni).
6. ʻOku mau maluʻi fēfē e fakamatala fakatāutahá?
ʻOku mau fakaʻaongaʻi e ngaahi founga ngāue fakatekinikale mo fakaekautahá ke maluʻi ʻaki e ngaahi fakamatala fakataautaha ʻoku mau maʻú ke ʻoua naʻa mole, ngāue hala ʻaki, pea mo liliu taʻefakamafaiʻi ia, pea maluʻi foki mo hono tuʻunga ʻikai fakahāhāholó. ʻOku mau toutou vakaiʻi maʻu pē ʻemau ngaahi founga maluʻí mo fakakaukauʻi ha ngaahi founga maluʻi fakatekinolosia ʻoku tāú. ʻOku mau ngāue ʻaki foki ʻa e meʻangāue liliu (encryption) fakatekinolosia foʻou ke liliu e feʻaveaki ʻo e fakamatalá ʻi heʻemau ngaahi peesi hū-ki-lotó (log-in). Ka neongo iá, koeʻuhí he ʻikai lava ke mau fakapapauʻi atu e tuʻunga malu kakato ʻo e ngaahi meʻangāue liliu fakatekinolosia ko ení, kātaki ʻo tokanga ange ʻi he taimi ʻokú ke fakahū ai e fakamatala fakatāutahá he ʻinitanetí.
7. Ko e hā hono fuoloa ʻemau tauhi e fakamatala fakatāutahá?
ʻOku mau tauhi e fakamatala fakataautaha kuo tānakí, ʻo kau ai e fakamatala kuo tānaki fakafou he ngaahi polokalama he telefoni toʻotoʻó mo e ngaahi fakahū fakamatala kehé, ʻi ha taimi feʻunga ke fakakakato ai e ngaahi taumuʻa fakahoko ngāue kuo fakamatalaʻi ʻi ʻolungá. ʻOku mau tauhi malu leva ia ʻi he vahaʻataimi ʻoku fie maʻú pe tuʻutuʻuni ʻe he laó pe ngaahi makatuʻunga fakalaó. ʻI he taimi ʻe ʻikai toe fie maʻu ai hono tauhi malu fakalao, ʻoku mau toʻo leva e fakamatala fakatāutahá mei heʻemau ʻū lekōtí, tukukehe pē ʻa e ngaahi fakamatala puipuituʻa fakahisitōlia ʻoku fakangatangatá, ngaahi lekooti tohi hohoko lahí, mo e fakamatala fakataautaha ko ha konga ia ʻo ha lekooti tohi hohoko tuʻuloa, lekooti mēmipasipi pe fakahisitōlia ʻo e Siasí.
8. ʻE founga fēfē haʻo hū mo fakatonutonu hoʻo fakamatala fakatāutahá?
ʻOku mau feinga ke pukepuke ʻa e tonu ʻo e fakamatala fakatāutahá mo fakafalala kiate koe ke ke fakapapauʻi ʻoku kakato mo tonu hoʻo fakamatala fakatāutahá. ʻE lava ke ke kole ke ke hū ki hoʻo fakamatala fakatāutahá mo fakapapauʻi, fakatonutonu, pe fakaleleiʻi ia (kau ai ʻa e fakamatala fakamuimuitahá), mo taʻofi hano fakahāhā hoʻo fakamatala fakatāutahá ʻo fakafou ʻi he tafaʻaki lesisita ʻo e uepisaití, ʻi hoʻo fakamatala puipuituʻá, pe ʻi hoʻo ʻAkauni ʻi he Siasí, ʻo fakatatau ki he fiemaʻú.
Kapau ko ha mēmipa koe ʻo e Siasí, ʻe malava ke toki tānaki pē ʻa e fakamatala fakamuimuitahá ki hoʻo fakamatala fakatāutahá ʻi haʻo fakahoko ha ngaahi liliu ki hoʻo lekooti mēmipasipi ʻi he Siasí. Kuo pau ke fakahoko ʻa e ngaahi liliu peheé ʻaki haʻo fetuʻutaki ki he kalake ʻi ho ʻiuniti faka-Siasí pea kole ke fakahoko ʻa e liliú.
ʻE malava ke ke fetuʻutaki mai kiate kimautolu ke fakaʻaongaʻi hoʻo ngaahi totonu makehe fakalaó ʻo hangē ko e malava ke ke feʻaveʻaki hoʻo fakamatalá, fakahā ʻa e taʻeloto ki ai ʻo fakatatau mo e ngaahi laó, fakangatangata ʻa e ngāue ki aí, mo tamateʻi hoʻo fakamatala fakatāutahá. ʻOkú ke toe maʻu foki mo e totonu ke fakahū ha lāunga ki ha mafai fakapule māʻolunga ange.
Kapau ʻokú ke aʻusia ʻa e ngaahi palopalema ki hono liliu pe fakahū e fakamatala fakamuimuitahá ki hoʻo fakamatala fakatāutahá, ʻe lava ke ke fetuʻutaki mai kiate kimautolu ʻo hangē ko ia ʻoku fokotuʻu atu ʻi he ngataʻanga ʻo e Fakatokangá ni.
9. ʻAho ʻoku kamata aí mo e ngaahi fakatonutonú
ʻOku kamata ʻa e Fakatokangá ni ʻi he ʻaho 6 ʻEpeleli 2021, pea ʻe lava ke liliu ‘i ha fa’ahinga taimi pe.
10. Fetuʻutaki mai kiate kimautolu.
ʻE lava ke ʻomi hoʻomou ngaahi fakaʻekeʻeke fekauʻaki mo e Fakatokanga ko ení pe tuʻunga malu ʻo e fakamatala fakataautaha ʻoku mau ngāue ki aí ʻo fakafou ʻi heʻemau uepisaití, fekisimilí pe ʻīmeilí:
Uepisaití: www.ChurchofJesusChrist.org/DataPrivacy
Fekisimilí: +1-801-240-1187
Tuʻasilá: Data Privacy Office
50 East North Temple Street
Salt Lake City, UT 84150-0005
USA
