Awit sa Pagkatawo

Lyrics

1. 1. Kining panahong gikahinaman.

   Kay pasko moabut hapit na man.

   Pagkatawo ni Jesus hisgutan,

   Bata pang mianhi’s kalibutan.

2. 2. Kini ang bitoon nga mahayag,

   Unang gabii’s Pasko midan-ag.

   Kini ang anghel nga nagkanta,

   “Hosanna!” ug “Kalinaw sa yuta!”

3. 3. Kini ang kwadra sa mga baka;

   Sila’y unang mipasulod niya.

   Kini ang pasungang kabutangan,

   Naghulat kang Jesus nga higdaan.

4. 4. Mga magbalantay sa karnero,

   Sa langitnong bata nanag-ampo.

   Misunod’s bitoon mga mago,

   Dalang bulawan, mirra’g incienso.

5. 5. Tan-awa ang buotang Maria,

   Ug Jose nga sa asno naggiya.

   Ang bata sa Bethlehem tan-awa,

   Batang Jesus, ang Manluluwas ‘ta.