Se Tagata Mativa Fa’anoanoa

Upu [o le Pese]

1. 1. Se Tagata mativa, fa‘anoanoa ma te fetaui pea i le ala,

   Sa tagi mai mo se fesoasoani sa le mafai ona ou le talia.

   Sa ou le iloa o lona igoa, Po‘o fea e sau ai, ma alu iai;

   Ae e iai se mea i ona fofoga sa ou alofa ai ia te Ia.

2. 2. A‘o laulau la‘u mea‘ai sa ulu mai e aunoa ma se upu na Ia fai;

   Na‘o le fia taumafa i se areto sa Ia tofia ma fa‘amanuia.

   Sa ‘ai ma Ia tu‘u mai mo a‘u O se vaega pei ua pa‘ia;

   Aua ina ua ou ‘ai sa pei o le manai i la‘u tofo i ai.

3. 3. Sa ou va‘ai ia te ia i se punavai sa vaivai sa le o‘o i ai;

   Sa puna le vai pei sa ia le amana‘ia o lona galala i ai.

   Sa ou vave atu ma si‘i o ia; Lua ipu vai sa ia taumafalia;

   Sa ia asu ma Ia tu‘u mai ma ou inu fo‘i ma ou le toe galala ai.

4. 4. Ua po; ua lolo; ua to mai se afa o le tau o le malulu

   Sa ou lagona o lana tagi ma ou aumai o Ia i lo‘u fale

   Sa ou tausi Ia ma fa‘alavalava ma teu lo‘u moega mona tofaga

   Ae ou moe i lalo ae pei sa ‘ou miti i Etena le faato‘aga.

5. 5. Sa ou maua o Ia ua fasia, manu‘a a oti, ma mafatia i le ala

   Sa ou fa‘aola Ia ma fa‘amanava ma tausi, fa‘amalosia lona agaga

   Sa ou u‘u, fafaga, malosi ai ae sa i ai fo‘i o‘u vaivai

   Mai lena taimi sa ou le mafatia ae ou lagona le loto fatia

6. 6. Sa ave o Ia i le falepuipui, molia, fa‘asala e fasiotia

   Sa ou taofi upu sese ia Ia ma ou vi‘ia ui ina amusia

   Sa Ia tofotofo lo‘u fa‘amaoni pe ou te sui mo Ia e oti

   Sa vaivai le tino, ma lo‘u toto a e sa “Ioe” i ai o lo‘u loto.

7. 7. Ona fa‘ailoa mai lea o lenei tagata ese ia te a‘u

   Tulaga o fao sa i ona a‘ao ua tu mai o‘u luma le Fa‘aola

   Sa Ia fetalai lo‘u igoa ma ta‘u, fai mai “Sa e le ma ia te a‘u.

   Ia fai lea ma mea e te ola ai, aua o a‘u na e fai i ai.”