’Ua fārerei pinepine ra vau

Lyrics

1. 1. ’Ua fārerei pinepine ra vau

   I te hō’ē ta’ata rātere,

   ’Ani ha’eha’a mai i te tauturura’a,

   ’Aita roa e pāto’ira’a.

   ’Aita vau i ani i te i’oa,

   Haere i hea, nō hea mai?

   ’Ua aroha noa ra vau iāna ra,

   Ma te ’ite ’ore nō te aha.

2. 2. Tē ’amu ra vau i te mā’a iti,

   I haere mai ’oia iā’u nei,

   Tē pohe ra ’oia i te po’ia,

   Hōro’a (a)tu ai i tā’u iāna.

   Ha’amaita’i ’ihora, vāvāhi (a)tura,

   Fa’aho’i mai rā te tufa’a.

   E i tō’u ’amura’a i te reira,

   E mana ho’i te reira nā’u.

3. 3. ’Ite ato’a (a)tura vau iāna i te

   Pae pape, rohirohi roa;

   Fa’atīaniani te pape iāna,

   Ma te tahe-noa-ra’a (a)tura.

   Fa’ati’a vau iāna i ni’a

   E toru tōna inura’a.

   Fa’aho’i ’oia i te ’āu’a iā’u,

   ’Ore roa (a)tu tō’u po’ihā.

4. 4. Te hō’ē pō vero rahi,

   ’E te to’eto’e rahi,

   Fa’aro’o vau (i) tōna reo;

   Rave mai ra vau iāna ra

   Fa’ata’oto ihora

   Iāna i tō’u ro’i;

   E ta’oto ihora vau

   I ni’a i te tahua.

5. 5. Taparahihia ’oia,

   Fātata roa te pohe;

   ’Ite atura vau iāna

   I te pae purūmu ra;

   Utuutu ihora i

   Tōna ra mau puta rahi.

   ’Ua ora mai ra ’oia

   ’E tō’u ato’a ’ā’au.

6. 6. ’Ua ’ite au iāna i

   Te fare tāpe’ara’a;

   ’Ua rahi te parau ’ino

   ’E te mau parau ha’avare

   Nō te ha’apohe iāna.

   ’Ua ani mai ra ’oia,

   Hōro’a i tō’u ora;

   Pāhono atura vau, « ’ē ».

7. 7. I te hō’ē taime i muri a’e ra

   ’Ore atura te tāpo’i.

   ’Ua ’ite au i tōna rima puta,

   O te Mesia tei ti’a mā’ira.

   ’Ua na ’ō mai ra ’oia iā’u, ’ua

   Tauturu mai ’oe iā’u,

   ’Eiaha roa ’oe e pe’ape’a,

   E ha’amaita’ihia ’oe.