Chawu, Qaawaʼ, ninbʼantioxin

Lyrics

1. 1. Chawu, Qaawaʼ, ninbʼantioxin

   Xbʼaan li kʼaʼru yeebʼil arin.

   Xʼeekʼan li waam, jun bʼich naxkʼe

   Naq laa Musiqʼ nawajbʼank re.

   Sa laa waatin arin xeʼxye.

   At inQaawaʼ, chakʼam inbʼe.

   Li patzʼbʼil we chibʼaanumanq,

   Ut laa waatin wikʼin chiwanq.

2. 2. Li wilobʼaal, Qaawaʼ, chayul

   Re tinʼiloq ut us tinkʼul.

   Xnujak lin chʼool, Li wu xtʼaqa;

   Misach aʼin, Dios, nintzʼaama.

   Joʼkan saʼ waam chitamq kutan,

   Re saʼ yalok tintaw maatan.

   Ut naq tinkʼul intaqsinkil,

   Toj aawikʼin hiilal chiwil.

3. 3. Waklin, at waam, matwan taqʼa.

   Taqsi laa wu toj saʼ choxa.

   Kʼix chaq chawix li bʼakʼlebʼ kʼaam;

   Li Musiqʼej chakʼul, at waam.

   Ut naq ninʼel wiʼchik arin

   Toj saʼ xyanqebʼ li was wiitzʼin,

   Chatwanq wikʼin, chakʼam inbʼe,

   Ut laa rahom saʼ waam chakʼe.