Kʼaʼjoʼ xrahom ut xchaabʼilal

Lyrics

1. 1. Kʼaʼjoʼ xrahom ut xchaabʼilal

   Kiwan chaq saʼ choxa,

   Kitaqlaak wiʼ li Kolonel

   Chi kamk choqʼ qe taqʼa.

2. 2. Kiʼel xkikʼel, kixkʼul rahilal,

   Chi anchal lix chʼool kikam

   Re xtojbʼal rix li maak anchal,

   Ut re xkʼeebʼal yuʼam.

3. 3. Tzʼaqal xʼabʼin chiru li us,

   Re naq maatan tixkʼe.

   “Chiʼuxq li nakawaj, at Dios,”

   Chiru xyuʼam kixye.

4. 4. Li tzʼaqal bʼe chiqu kixkʼam,

   Kixkʼut chiqu chi yaal—

   Wan wiʼ saqen, wan wiʼ yuʼam,

   Wan wiʼ li choxahilal.

5. 5. Xjultikankil xnimal xrahilal,

   Li kaxlan wa ut haʼ

   Naxkʼe chiqachʼolobʼ xyaalal

   Li Kristo, li Qaawaʼ.

6. 6. Kʼaʼjoʼ xloqʼal xnaʼlebʼ aʼan—

   Saʼ xtojbʼal qix, naqil

   Raqlebʼ aatin, rahok, uxtaan,

   Tzʼaqal saʼ junajil.