Ha’apa’o i tō taime

Lyrics

1. 1. Ha’apa’o i tō taime,

   ’eiaha e ha’amāu’a,

   fa’a’itoito noa,

   Poto te mahana.

   E’ita ho’i tātou

   e tāpe’a i te rā,

   e parau i te mau ata:

   ’A pe’e atu na!

2. 2. ’Oi’oi te mau mahana

   i te ma’irira’a,

   ’ua tae ana’e mai ra,

   mo’e roa (a)tu ra.

   Mai rave ïa tātou

   i te maita’i rahi,

   ’ia māu’a rā te taime,

   mo’e te tāleni.

3. 3. Mai te mahana ua

   e pe’e i te marō,

   e pe’e te tau ’oto

   i te ’oa’oa.

   E tāmata ia tātou,

   i te mau mahana,

   ’ia haere iti noa

   nā ni’a i te ’ē’a.

4. 4. ’A fa’a’itoito,

   rāve’a mau ïa

   e roa’a (a)i tō tātou

   ha’amaita’ira’a.

   ’Ia maita’i tō haere’a,

   ’ia mā tō ’ā’au na.

   E here te Atua,

   e tauturu noa.