Chiʼoksimanq li hoonal

Lyrics

1. 1. Chiʼoksimanq li hoonal;

   Inkʼaʼ chisachq cheru.

   Naq nakana kutan,

   Kʼanjel toj teebʼaanu.

   Maamin re li saqʼe

   Naru xrambʼal xbʼeenik,

   Ut li qʼojyin ajwiʼ

   Chi seebʼ taachalq wiʼchik.

2. 2. Joʼ jun xrepom li kaaq

   Taaʼeeleliq li hoonal.

   Chi seebʼ tixchap lix bʼe,

   Inkʼaʼ naru xrambʼal.

   Wi inkʼaʼ kʼeebʼil qachʼool,

   Taaxik li qayuʼam—

   Junpaat ajwiʼ xnumik,

   Chanchan yal jun kutan.

3. 3. Joʼ habʼalqʼe nachal

   Chirix li saqʼehil,

   Joʼkan naru chi osoʼk

   Anchal li sa naqil.

   Ma inkʼaʼ wulaj wulaj

   Toowanq chi kʼanjelak

   Saʼ xbʼaanunkil li us,

   Ut saʼ xtzʼeqbʼal li maak?

4. 4. Chiʼoksimanq li hoonal

   Re wank saʼ chaabʼilal.

   Wi inkʼaʼ teebʼay eeribʼ,

   Taaʼuxq li usilal.

   Tiikaq chiwanq eechʼool,

   Ut eenaʼlebʼ chaabʼil,

   Ut li Qaawaʼ texxra,

   Tixkʼe eetenqʼankil.