Hatinggabi nang Dumating

Mga Titik

1. 1. Hatinggabi nang dumating,

   Ang mal’walhating awitin.

   Mga anghel sa kalangitan,

   Tinig nila’y kay lambing:

   “Kapayapaan sa daigdig,

   At pagpapala sa tao,

   Handog ng Haring nasa langit“

   Sa tahimik na mundo.

2. 2. Patuloy na dumarating

   Ang mga anghel ng langit.

   Sa ingay ng mundong may hapis,

   Awit nila ay dinig.

   Sa kalungkutan at pighati

   Sila’y t’winang nagmamasid.

   At sa tunog ng kamunduhan,

   Dinig ang kan’lang tinig.

3. 3. Ang panaho’y nalalapit,

   Wika ng mga propeta;

   Takdang oras, sadyang sasapit,

   Asam at mithi nila.

   Sa bagong lupa’t bagong langit,

   Si Jesucristo ang Hari,

   Buong daigdig, ‘binabalik,

   Ang sa anghel na awit.