Qaawaʼ, xwakli chik li iqʼ

Lyrics

1. 1. Qaawaʼ, xwakli chik li iqʼ,

   Xjosqʼoʼ chik li chamal haʼ.

   Ak xqʼojyinoʼ ru li kutan;

   Xiwxiw wanko wiʼ, Qaawaʼ!

   Kʼaʼut naq warenaqat?

   Ma nakatru rilbʼal

   Naq ak xchal li osoʼk saʼ qabʼeen?

   Saʼ haʼ wanq qamuqlebʼaal!

2. [Chorus]

   Li haʼ ut li iqʼ teʼabʼinq chawu:

   Chexchʼanaaq.

   Us ta taawakliiq li kaq-sut-iqʼ,

   Li maaʼus aj winq ut maaʼus aj musiqʼ,

   Maajun taachʼeʼoq re li kʼojkʼo wiʼ

   Li Dios re choxa ut re chʼochʼ ajwiʼ.

   Saʼ komonil teʼabʼinq chawu:

   Chexchʼanaaq, chexchʼanaaq.

   Saʼ komonil teʼabʼinq chawu:

   Us, chexchʼanaaq.

3. 2. Qaawaʼ, chi yotʼbʼil li waam,

   Xulxu wilobʼaal wankin.

   Xrahoʼ lix chamal chik inchʼool.

   Ajen chaq ut tenqʼahin!

   Xbʼutʼir li maak saʼ li waam,

   Kaw roq xrahil lin chʼool.

   Osoʼk we! Osoʼk we, at Qaawaʼ!

   Matbʼay chik ut chinaakol!

4. 3. Qaawaʼ xnumeʼ chik inxiw,

   Xchʼana chik li kawil iqʼ.

   Ak xchal xtuqtuukil li palaw.

   Xweekʼa wiʼchik laa Musiqʼ.

   Minaakanabʼ injunes!

   Toj chatkanaaq wikʼin,

   Ut chaakʼamaq inbʼe saʼ choxa—

   Aran tinhilanq laaʼin.