Amang Walang Hanggan

Mga Titik

1. 1. Amang Walang Hangganan,

   Nasa kalangitan,

   Sa pangalan ni Cristo,

   Nawa ay basbasan

   Ang tubig at tinapay

   Kung puso’y dalisay

   Nang aming maalala,

   Banal Ninyong alay.

2. 2. Dakilang pag-aalay,

   Bilang bayad-sala,

   Dito ang sakramento

   Nagsisilbing tanda

   Nang mapatotohanan,

   Kanyang pagdurusa,

   Espiritu’y makamtan,

   Puso’y magkaisa.

3. 3. Si Jesus na Hinirang,

   Nang dito’y manaog

   At buhay N’ya’y inalay

   Nang tayo’y matubos

   Wala mang kagandahan

   Upang S’ya’y naisin

   S’ya ang Tagapagligtas,

   Dadalisay sa ’tin.

4. 4. Karunungang kaylawak,

   Kabanalang balak

   Upang ang kaligtasan

   Nati’y maging ganap,

   At Diyos dito’y nanaog

   Upang maging tao

   At namatay S’ya upang

   Iligtas ang mundo.