Tō’u Metua

Lyrics

1. 1. Tō’u Metua tei ni’a,

   tei Tō vāhi mo’a na,

   afea vau e tae ai i reira,

   e ia ’Oe ’ite fa’ahou?

   O te fare maita’i roa na,

   i mātauhia na e au,

   i ora (a)i au i tahito ’ē ra,

   i Tō aro maita’i ra.

2. 2. Nō te ’ōpuara’a pa’ari,

   i tae ai au i raro nei.

   Mo’e atu ra te mana’ora’a

   i te mau hoa tahito ra.

   Te tupu nei rā te mana’ora’a

   e ta’ata ’ē au i ō nei,

   nō ō mai rā vau i te Atua,

   nō te vāhi teitei a’e.

3. 3. Nō tā te Vārua fa’a’ite,

   pi’i ai au, tō’u Metua.

   ’Aita rā i ’ite i te tumu,

   e ’ia tae i te ’ite ’āpī.

   Hō’ē noa Metua i ni’a?

   ’Aore! E mana’o huru ’ē;

   Piti Metua te vai noa ra,

   Mai tei te ao i raro nei.

4. 4. Pohe tō’u nei tino tahuti,

   e vaiihohia i ō nei,

   tae atu vau, na Metua here,

   i Tō fare teitei roa.

   E ’ia oti te ’ohipa,

   i tae ai au i raro nei,

   ia au ia ’Ōrua na

   ho’i atu vau i ō na.