At Yuwaʼ

Lyrics

1. 1. At Yuwaʼ, li nakatwan saʼ taqenaq kʼojaribʼaal,

   Toj joqʼe tinwanq chawu, joʼqʼe tinwil laa wilobʼaal?

   Saʼ laa choxahil naʼaj, ma lin musiqʼ junxil kiwan?

   Saʼ xbʼeenil inkachʼinal, ma kinaachʼolani aran?

2. 2. Choqʼ re jun chaabʼil ajom saʼ ruchichʼochʼ aʼin kinchal,

   Ut inkʼaʼ chik jultik we wank aawikʼin ut aawilbʼal.

   Aʼbʼan wan naq naweekʼa naq yal aj numelin taqʼa,

   Ut ninnaw naq xʼel inbʼe saʼ xtaqeʼqil chaq jun choxa.

3. 3. Ak xintzol naq Yuwaʼat, us ta inkʼaʼ xinnaw chan ru,

   Toj reetal xkʼeeman li laaw re taakʼutmanq xyaalal chiwu.

   Saʼ choxa ma xjunesebʼ li yuwaʼbʼej naq nekeʼwan?

   Aʼ li yaal naxkʼe chinnaw, wan jun innaʼ ajwiʼ aran.

4. 4. Naq xʼosoʼ li wankin wiʼ, ut tinkanabʼ li wank taqʼa,

   At inYuwaʼ, at innaʼ, ma tineekʼul toj saʼ choxa?

   Naq xinchoy li kʼeebʼil we chixbʼaanunkil eebʼan arin,

   Saʼ wiibʼal chekʼulubʼa naq tinkanaaq chaq eerikʼin.