Aʼan li tijok rajom li aamej

Lyrics

1. 1. Aʼan li tijok rajom li aamej,

   Yeebʼil ut kʼoxlanbʼil,

   Li eekʼanbʼil chaq saʼ chʼoolej—

   Jun xam inkʼaʼ ilbʼil.

2. 2. Aʼan lix yaabʼ xkux xrahil qachʼool,

   Relik xyaʼal li qu,

   Li ilok taqeʼq li inkʼaʼ ilbʼil;

   Chiru li Dios kʼutkʼu.

3. 3. Maakʼaʼ chʼaʼaj rikʼin tijok—

   Yeebʼil saʼ kaʼchʼinal,

   Li aatin tzʼaqal taqeʼq naʼok

   Saʼ nimla wankilal.

4. 4. Aʼan joʼ xmusiqʼ laj paabʼanel,

   Tzʼaqal aʼan xyuʼam—

   Naq saʼ li ruchichʼochʼ naʼel,

   Rikʼin tijok nakam.

5. 5. Aʼan xtzʼaam laj maak saʼ tuulanil

   Naq chi sutqʼiik naʼok;

   Saʼ xsahilebʼ xchʼool, teʼxye li anjel:

   “Cheril, ak natijok!”

6. 6. Saʼ li tijok, laj paabʼanel

   Teʼwanq saʼ junajil;

   Rikʼin li Dios ut li Ralal

   Teʼxtaw li komonil.

7. 7. Inkʼaʼ kaʼajwiʼ arin taqʼa

   Wan li ani tixye:

   Li Kolonel saʼ li choxa

   Yoo chi tzʼaamank choqʼ qe.

8. 8. Laaʼat li bʼe, laaʼat yuʼam!

   Aabʼaan taqeʼq tooʼok—

   Xbʼehil li tij laaʼat xakʼam.

   Chakʼut chiqu tijok.