Te hia’ai mau o te ’ā’au

Lyrics

1. 1. Te hia’ai mau o te ’ā’au,

   I parau-’ore-hia,

   E ’ama noa (a)i te mana’o

   Te pure mau ïa.

2. 2. Te ta’i o te ’ā’au ’oto,

   Te roimata tahe,

   Te hi’ora’a (a)tu i ni’a,

   E pure mau ïa.

3. 3. E hau te pure tamari’i,

   Tāna mau parau iti,

   I te mau parau ato’a ra

   E tae atu i ni’a.

4. 4. E aho ora te pure

   Nō te feiā mo’a;

   E tāmau rātou i te pure

   E ō ai i te ao ra.

5. 5. Tē pure nei te ta’ata

   Hara ma te ’ā’au

   ’Oto ’e ma te ha’apae

   Tāna peu tahito.

6. 6. E tāhō’ēhia tātou,

   Nā roto te pure;

   E fāri’i i te ora

   mau i te Fatu ra.

7. 7. E tauturu te Vārua

   i tā tātou pure;

   Tē pure nei Iesu i te

   Metua nō tātou.

8. 8. E te Fatu, te ora mau,

   Te parau mau, te ’ē’a,

   Ha’api’i ia mātou nei,

   Nāhea ’ia pure.