Chi tuulan, ut chi tuqtu

Lyrics

1. 1. Chi tuulan, ut chi tuqtu

   Chamukʼubʼ aawibʼ chiwu.

   Kʼoxlahin, ut kʼe reetal

   Lin tojom re aakolbʼal.

   Ra kinkʼul, ut lin kikʼel

   Li ruuchil tiqobʼ kiʼel,

   Lin tibʼel chiru li cheʼ

   Re xtojbʼal aawix kinkʼe.

2. 2. Saʼ li wa li jachinbʼil

   Lin tibʼel reetal chawil.

   Saʼ li haʼ saʼ sekʼ naʼel,

   Reetal lin santil kikʼel.

   Li mayej li kinbʼaanu

   Maajoʼqʼe chisachq chawu—

   Chiru krus saʼ xbʼeen li tzuul

   Choqʼ aawe li kamk kinkʼul.

3. 3. Saʼ xyaalal, saʼ junajil

   Laa was aawiitzʼin chawil—

   Kuy lix maak re naq joʼkan

   Kuybʼilaq aamaak inbʼaan.

   Saʼ tijok chi anchal aachʼool

   Kʼe saʼ inbʼeen laa chʼaʼajkilal

   Ut li Musiqʼej tinkʼe—

   Joʼ nimaʼ taaxik aawe.

4. 4. Saʼ li raqlebʼaal aatin

   Aawuuchil wankin laaʼin.

   Raabʼilat chi yaal inbʼaan;

   Maajoʼqʼe xjalbʼal aʼan.

   Chat-abʼinq chiwu tzʼaqal,

   Saʼ tijok chatwanq rajlal.

   Xaqxooqat chinpaabʼankil

   Re laaʼinaq aaKolonel.