Mapitagan at Aba

Mga Titik

1. 1. Mapitagan at aba,

   Ulo mo ay iyuko na.

   Ako ay gunitain,

   At ang aking gawain.

   Pagbuhos ng aking dugo,

   Pawis ng pagdurusa ko,

   Sa aking pagkapako,

   Ikaw ay tinubos ko.

2. 2. Sa tinapay na ito,

   Sagisag ng katawan ko,

   Sa tubig, isipin mo

   Ang sagrado kong dugo.

   Tandaan mo ang ginawa

   Nang maligtas ang may sala.

   Do’n sa krus sa Kalbaryo

   Namatay para sa ’yo.

3. 3. Puso mo’y payapain,

   Kapwa mo ay ’yong mahalin.

   Magpatawad sa kapwa

   Upang mapatawad ka.

   Sa iyong panalangin,

   Pangamba’y isambit sa ’kin.

   At aking Espiritu,

   Bibiyaya sa iyo.

4. 4. Sa langit, sumasamo,

   Namamagitan sa inyo.

   Minahal kitang tunay,

   Walang hangga’t dalisay.

   Ako ay lagi mong sundin,

   Mag-ingat ka’t manalangin;

   Sa ’kin ay maging tapat

   Nang ikaw ay maligtas.