Naq kisaqew chiru choxa

Lyrics

1. 1. Naq kisaqew chiru choxa

   Li anjel chi chalk keʼril

   Ut chi akʼil choqʼ qe taqʼa

   Kixkʼam sahil esil,

   Ut yeebʼilaq saʼ wankilal

   Xbʼaanebʼ li taqlanbʼil;

   Re naq jar teep ut tenamit

   Teʼxkʼul re xpaabʼankil.

2. 2. Najter li Dios rehebʼ li winq

   Kixkʼe chaq li raatin,

   Ut jun sut chik saʼ rosoʼjik

   Xkana xkʼanjel qikʼin.

   Ebʼ li profeet najter keʼxye;

   Keʼxkʼul laj paabʼanel—

   Aʼan resil tzʼaqal li yaal

   Kixye li Kolonel.

3. 3. Ebʼ li apostol re junxil

   Ak jun sut chik keʼchal.

   Rehebʼ li winq li sikʼbʼil ru

   Keʼxkʼe li wankilal.

   Chiru xmoosebʼ li Dios wiʼchik

   Teeto xwankil choxa,

   Xqakʼul naʼlebʼ, maatan ut laaw

   Re osobʼtesink taqʼa.