Li iyaj naqaw rajlal

Lyrics

1. 1. Li iyaj naqaw rajlal,

   Riyajil xnaʼlebʼ qachʼool.

   Jekʼinbʼil chiru taqʼa,

   Taqlanbʼil chiru li tzuul.

   Wan nanaq saʼ chaabʼil chʼochʼ

   Ut nachal li habʼ saʼ xbʼeen.

   Wan nanaq saʼ kawil pek;

   Nachaqik lix xeʼ aran.

2. 2. Wan saʼ najtil tzuul xjunes

   Li namoq ut naniman;

   Wan tzʼeqbʼil rubʼel oqej,

   Yeqʼinbʼil nawan aran.

   Wan iyaj li sachenaq,

   Maaʼani nakʼoxlank re.

   Wan li kʼoxlanbʼil rajlal

   Saʼ lix tij li xʼawok re.

3. 3. Wan iyaj inkʼaʼ namoq,

   Naqʼeloʼ, maakʼaʼ xyuʼam.

   Wan li toj yoo chi nimank

   Naq laj awinel ak xkam.

   Jun qaatin xsahil naxkʼe,

   Ut li jun, namoq xrahil,

   Saʼ qabʼaanuhom rajlal,

   Li yuʼam ut kamk awbʼil.

4. 4. At aj nawom re qachʼool,

   Saʼ li awk chatwanq qikʼin.

   Laa anjel cheʼril li chʼochʼ

   Bʼar awbʼil iyaj arin,

   Toj reetal naq taaqʼanoʼq,

   Ut taaruuchini tzʼaqal

   Li yuʼam chi junelik,

   Li awbʼil rikʼin rahilal.