ʻOku fakafōtunga ʻe he ngāue fakaetauhi ʻa e Fakamoʻuí ʻa e ongo fekau lahi ʻe uá: “Ke ke ʻofa ki [he ʻEiki] ko ho ʻOtuá ʻaki ho laumālié kotoa, mo hoʻo moʻuí kotoa, mo ho lotó kotoa” mo e “Ke ke ʻofa ki ho kaungāʻapí ʻo hangē pē ko koé” (Mātiu 22:37, 39). Ko e taimi ʻoku tau tokoni ai ki hotau kaungāʻapí, ʻoku tau fakahaaʻi ai ʻetau ʻofa ki he Tamai Hēvaní: “ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá” (Mōsaia 2:17).
Talitali Lelei koe ki he Ngāue Fakafaifekau Tokoní
Service Missions Family Orientation | Elder W. Mark Bassett
Service Missions: Elder Quade’s Story
Tohi Tuʻutuʻuni ʻo e Ngāue Fakafaifekau Tokoní
Ko e Ngaahi Tuʻunga Moʻui Fakafaifekau maʻá e Kau Ākonga ʻa Sīsū Kalaisí—Ngāue Fakafaifekau Tokoní ko e tohi tuʻutuʻuni ia ʻa e misioná ʻoku foaki ki he faifekau ngāue tokoni kei talavou kotoa pē. ʻOku ʻoatu ʻe he tohi tuʻutuʻuní ha faleʻi mo ha fakahinihino fekauʻaki mo ha ngaahi tefito hangē ko e tukupā ke ngāue maʻá e ʻEikí, ʻulungaanga fakafoʻituituí, mo e taimi tēpile fakaʻahó. ʻOku totonu ke tomuʻa vakaiʻi fakalelei ʻe he kau faifekaú mo ʻenau mātuʻá pea mo e palesiteni fakasiteikí, ʻa e tohi tuʻutuʻuní, kimuʻa pea toki kamata ʻenau ngāue fakafaifekau tokoní.
Ko e Fakaangaanga ki he Moʻui ʻa e Faifekau Ngāue Tokoní
ʻE lava ke fakatou fakafiefia mo fakamafasia ʻa e ngāue fakafaifekau tokoní. Ko e ngāue mālohí mo e ngāue tokoní ko ha ongo meʻangāue ia kuo ʻosi fakamoʻoniʻi ʻi hono mapuleʻi ʻo e loto-hohaʻá, lotosiʻí, mo e ongosiá. ‘Okú na mātuʻaki mahuʻinga ki ha taha pē ʻoku kau ʻi he ngāue ʻa e ʻEikí, ʻi he lolotonga pea mo e ʻosi ʻo e ngāue fakafaifekau tokoní, fakatouʻosi. Ka ʻoku ʻikai ko hoʻo ongo meʻangāué pē ʻa e ngāue mālohí mo e ngāue tokoní. ʻOku ʻi ai ha ngaahi maʻuʻanga tokoni kehe hangē ko e tokoni fakapalofesinalé, ngaahi tāpuaki lakanga fakataulaʻeikí, faleʻi mei ha kakai lalahi ʻoku taukei, pea mo e Kiʻi Tohi Maʻuʻanga Tokoni ʻo e Fakaangaanga ki he Moʻui ʻa e Faifekau Ngāue Tokoní. ʻE tokoni atu ʻa e ʻEikí ke ke fakatupulaki ha ngaahi poto mo ha ʻulungaanga ke tokoniʻi koe ke ke lavameʻa ʻi hoʻo tokoni mo ngāue fakaetauhi ki he niʻihi kehé.
Ngaahi Fehuʻi Angamahení
ʻE tokoni ʻa e ngaahi mātuʻá ke ʻiloʻi ʻa e ngaahi ngāue ʻe mahuʻingaʻia ai ʻa e taha teuteu faifekau ngāue tokoní, ngaahi meʻa te ne malavá, mo hono ngaahi talēnití. ʻOku nau ʻoatu ki he kau taki lakanga fakataulaʻeikí mo e kau taki faifekau ngāue tokoní ha ʻilo ki he ngaahi founga ʻe lava ke ngāue lelei ai ʻa e faifekau ngāue tokoní. ʻE toe fakahoko foki ʻe he ngaahi mātuʻá ha tokoni ki hono fakafuofuaʻi pe ko fē ʻa e ngaahi faingamālie ngāue tokoni ʻe feʻunga lelei taha mo e faifekaú. Te nau tukupā ke fakahoko ʻa e tokoni ʻe fiemaʻu ʻi he lolotonga ʻo e ngāue fakafaifekaú, hangē ko hono muimuiʻi ʻo e ngaahi ʻekitivitī ʻo e ʻahó, tokoni ʻi he fefonongaʻakí ʻi hano fiemaʻu, totongi ʻa e ngaahi fakamole fakafaitoʻó kae pehē ki he fakamole ʻi he meʻalelé ʻi hano fiemaʻu, pea mo poupouʻi ʻi he ʻofa.
ʻE fakafonu ʻe he kau talavou mo e kau finemui ʻoku nau holi ke ngāue fakafaifekau tokoní mo moʻui taau ke fakahoko iá ha foomu fakaongoongolelei ʻi he ʻinitanetí ʻa ia ʻe toki fakahū atu ʻe he palesiteni fakasiteikí. Fakatatau mo e fakamatala ʻoku ʻomi ʻi he tohi kolé, kau ai mo e fakafuofua ʻa e pīsopé, palesiteni fakasiteikí, mo e kau mataotao fakafaitoʻó, ʻe lava leva ke vahe ha ngāue ki ha faifekau ngāue tokoni. ʻOku tokangaʻi ʻe he Kōlomu ʻo e Toko Hongofulu Mā Uá mo e Kau Fitungofulu Taki Māʻolungá ʻa e ngāue ki he fakaongoongoleleiʻi ki he ngāue fakafaifekaú, pea ʻoku fakahoko leva ha uiuiʻi fakafaifekau mei he ʻEikí ʻo fakafou ʻi Heʻene palōfitá.
ʻIkai. ʻOku fakakaukauʻi ʻa e kau tohi kolé kotoa ki he ngāue fakafaifekau akoʻí. ʻE uiuiʻi ʻa e kau talavou mo e kau finemui ʻoku feʻunga lelei taha honau ngaahi tūkungá mo ha ngāue fakafaifekau tokoní ke nau hoko ko ha kau faifekau tokoni. Kapau ʻoku uiuiʻi ha taha ko ha faifekau ngāue tokoni, ʻe haʻu ʻa e uiuiʻí mei he palōfitá, pea ʻoku fakafeʻungaʻi ʻa e ngāué ki he ngaahi talēniti, pōtoʻi ngāue, mo e meʻafoaki pea mo e ʻātakai fakalotofonua makehe ʻo e tokotaha kolé.
ʻOku uiuiʻi ʻa e kau talavou mo e kau finemui ʻoku feʻunga lelei taha honau ngaahi talēnití mo e ngaahi tūkungá ke ngāue fakafaifekau tokoní, ke nau hoko ko ha kau faifekau ngāue tokoni. ʻOku fai ʻa e fakafuofuaʻi ko ʻení ʻi he lolotonga ʻa e ngāue ki he fakaongoongoleleiʻi ʻo e faifekaú pe ʻi ha hili ha ngāueʻi ʻe he tokotahá ha konga ʻo ʻene ngāue fakafaifekau akoʻí pea foki ki ʻapi ʻoku teʻeki ai aʻu ki he ʻaho naʻe ʻamanaki ke ʻosi aí. ʻOku uiuiʻi ʻe he ʻEikí ʻa e faifekau ngāue tokoní ʻo fakafou ʻi Heʻene palōfitá ke ngāue ʻi ha ʻātakai ʻoku tuha mo hono ngaahi talēnití, pōtoʻi ngāué, mo ʻene ngaahi meʻafoakí.
Hili hono uiuiʻi ha talavou pe finemui ke hoko ko ha faifekau ngāue tokoní, ʻoku fokotuʻutuʻu leva ʻe he kau taki faifekau ngāue tokoní ha ngāue fakafaifekau ʻoku tuha mo e ngaahi talēniti, pōtoʻi ngāue, mo e ngaahi meʻafoaki ʻa e faifekaú, ʻo fakatatau mo e fakahinohino ʻa e palesiteni fakamisioná. ʻOku tokoni foki heni ʻa e faifekaú mo ʻene ongomātuʻá. ʻE lava pē ke liliu ʻa e ngaahi ngāué ʻi he lolotonga ʻo e ngāue fakafaifekaú.
ʻOku ngāue ʻa e kau faifekau ngāue tokoní ʻi ha ngaahi kautaha tokoni ʻofa pe kautaha fakapuleʻanga kuo fakangofua (hangē ko ha ngaahi fale tānakiʻanga meʻakai, ngaahi kautaha ki he kumi hūfangá, ngaahi fale hūfangaʻanga, ngaahi ʻapiako), ngaahi ngāueʻanga ʻa e Siasí (hangē ko e ngaahi fale tukuʻanga koloá, ngaahi fale faʻoʻanga meʻakaí, ngaahi temipalé, seminelí mo e ʻinisititiutí), pe ngaahi ngāue mei honau kau taki fakalotofonua ʻo e Siasí.
ʻOku nofo pē ʻa e kau faifekau ngāue tokoní ʻi ʻapi pea ngāue fakalotofonua pē. ʻI ha ngaahi tūkunga hāhāmolofia ʻe niʻihi, ʻe lava ke maʻu ai ʻe he kau faifekau ngāue tokoní ha ngofua ke ngāue ʻo mavahe mei ʻapi ka nau nofo mo hanau kāinga. ʻOku ʻikai ha faʻahinga tūkunga ia ʻe nofo toko taha ai ʻa e kau faifekau ngāue tokoní.
ʻE tui maʻu pē ʻe he kau faifekau ngāue tokoní ʻa honau pine hingoa ngāue fakafaifekaú lolotonga ʻenau ngāue tokoní pe akoʻí, ʻi he ngaahi fakataha ngāue fakafaifekaú, pea ʻi he ngaahi houalotu ʻa e Siasí ʻi he Sāpaté. Te nau lava foki ʻo tui ʻa e pine hingoá ‘i ha toe ngaahi taimi kehe.
ʻIkai. ʻOku ʻikai ngofua ke teiti ʻa e kau faifekau ngāue tokoní ʻi he lolotonga ʻo ʻenau ngāue fakafaifekaú. ʻE lava ke kau ʻa e kau faifekau ngāue tokoní ʻi he ngaahi ʻekitivitī fakauōtí, fakasiteikí, mo e ngaahi ʻekitivitī ʻa e kau taautaha kei talavoú.
‘Oku fatongia ʻaki ʻe he kau faifekau ngāue tokoní mo honau fāmilí ʻa e ngaahi fakamole fekauʻaki mo ʻenau ngāue fakafaifekau tokoní. ʻOku kau ʻi he ngaahi fakamolé ni, ka ʻoku ʻikai fakangatangata pē ki ai, ʻa e fefonongaʻakí, me‘akaí, valá, meʻa fakafaito‘ó, meʻa fekauʻaki mo e nifó, mo e maluʻi ʻo e meʻalelé. ʻE fatongia ʻaki ʻe he kau faifekau ngāue tokoní ʻa e fefonongaʻaki ki he feituʻu ʻo ʻenau ngāué mo ʻenau fokí. ‘Oku ʻikai maʻu ʻe he kau faifekau ngāue tokoní ha tokoni fakapaʻanga mei he Paʻanga Faifekau Fakalūkufuá.
Neongo ʻoku ʻikai maʻu ʻe he kau faifekau ngāue tokoní ha ngaahi hoa hangē ko e kau faifekau akoʻí, ka ʻe lava ke faʻu ʻe heʻenau kau taki faifekau ngāue tokoní ha ngaahi hoa ki hono ako ʻo e ongoongoleleí mo e ngaahi ʻekitivitī kehe ʻoku fekauʻaki mo e ngāue fakafaifekaú. ʻOku fakamuʻomuʻa ʻenau malú mo e tuʻunga leleí. ʻE fakapapauʻi ʻe he kau taki faifekau ngāue tokoní mo e mātuʻá ʻoku ʻi ai ha poupou, tokangaʻi, pea mo ha maluʻi feʻunga, ʻi he lolotonga ʻo e taimi-tēpile ngāue fakaʻaho ʻa e faifekau ngāue tokoní.
ʻIo. ‘E ‘oatu ‘e he palesiteni fakamisioná mo e kau taki faifekau ngāue tokoní ha ngaahi faingamālie fakatupulaki fakatakimuʻa feʻunga ki he kau faifekaú ko ha konga ia ʻo ʻenau aʻusia fakafaifekaú. Ko e ngaahi fatongia taki fakafaifekaú ʻoku ʻatā ia ki he kau sisitaá mo e kau ʻeletaá fakatouʻosi.
ʻIo. ʻOku lekooti tatau pē ia mo ha ngāue fakafaifekau akoʻi.
ʻIkai. ʻOku totonu ke hiki ʻa e faifekau ngāue tokoní ki ha ngāue maʻuʻanga moʻui pe ako ngāue hili ʻa e ako māʻolungá, pe ki he akó.
Kātaki ʻo vakai ki he konga Liliu ʻo e Ngāué ki he Taha ʻOku Foki Teʻeki ʻOsí ʻi he peesi Aʻusia ʻOku Fakapatonu.
ʻE lava ke toe liliu ʻa e faifekaú ke ngāue ʻi ha vahaʻa taimi feʻunga ke fakakakato ʻa e palanisi ʻo e māhina ʻe 18 pe 24 ʻo e ngāué.
Ko e malú mo ia ʻe fakatuʻutāmakí ʻoku mātuʻaki mahuʻinga ia ki he faifekaú, Siasí, mo e ngaahi kautaha tokoni ʻofa fakakoló. Ko e ngaahi ngāue kotoa pē ʻi ha kautaha tokoni ʻofa pe ʻi he koló, ʻe fiemaʻu ai ha tohi aleapau ʻokú ne maluʻi ʻa e faifekaú pea mo e Siasí. Kuo pau ke fakafekauʻaki ʻeni ʻo fakafou ʻi he Potungāue Ngāue Fakafaifekaú mo e ʻŌfisi Fakamisiona ʻo e Ngāue Fakafaifekau Tokoní. ʻOku ʻi ai ha ngaahi ngāue pau ʻoku tapui pe fakangatangata koeʻuhí he ʻe lava ke nau fakatuʻutāmaki lahi ange ki he fakafoʻituituí mo e ngaahi kautahá. He ʻikai lava ke kau ʻa e kau faifekau ngāue tokoní ʻi he faʻahinga ʻekitivitī ko ʻení ʻi ha faʻahinga tūkunga pē:
Fengāueʻaki fakataautaha mo ha fānau pe kakai lalahi tuʻu laveangofua, ʻoku ʻikai tokangaʻi.
Kaukauʻi, toʻotama, pe fakahoko ha faʻahinga tokoni fakafoʻituitui pehē.
Fakaʻaongaʻi ha mīsini, meʻangāue, pe ʻū meʻalele ka naʻe ʻikai akoʻi totonu pe ʻi ai ha tohi fakamoʻoni fakangāue ki ai.
Ko e ngaahi faingamālie ngāue fakatuʻutāmaki kehe ʻoku fakahoko ʻe he kau faifekau ngāue tokoní ʻi he ngaahi kautaha fakakoló, ʻoku tokangaʻi fakalelei ia ʻo fakafou ʻi ha ngaahi aleapau. ʻOku ʻi ai ha ngaahi faingamālie ngāue kehe ʻoku fakatuʻutāmaki ʻi he ngaahi ngāueʻanga ʻa e Siasí mo ha ngaahi feituʻu ʻoku vahe mei he siteikí, ka ʻoku tokangaʻi ia ʻaki ha ngaahi tuʻutuʻuni mo e fakahinohino. ʻOku fakakau ʻi he ngaahi ngāue fakatuʻutāmaki ko ʻení hano:
Fakahinohinoʻi mo faiakoʻi ha ngaahi kulupu.
Fakamāʻopoʻopo pe tauhi ʻo ha faʻahinga paʻanga, koloa maluʻi, pe ngaahi meʻa mahuʻinga kehe.
Fakahoko ha fakamatala faleʻi fakapalofesinale.
Fakaʻaongaʻi ha mīsini, meʻangāue, pe ʻū meʻalele ʻo ʻikai akoʻi totonu pe ʻi ai ha tohi fakamoʻoni fakangāue ki ai.
ʻE lea ʻa e kau faifekau ngāue tokoní ʻi he houalotu sākalamēnití kimuʻa pea mo e ʻosi ʻo ʻenau ngāue fakafaifekaú, maʻu ʻa e fakalāngilangi tatau mo e kau faifekau akoʻí (ngaahi ʻīmisi fakamisioná, fanongonongo fakamafaiʻí, ngaahi tohi fanongonongó, mo e alā meʻa peheé), pea lipooti ki he fakataha alēleaʻanga māʻolungá ʻi he ʻosi ʻenau ngāue fakafaifekaú.
Ko Hono Fakanounoú
ʻOku tokonia ʻe he ngāue fakafaifekau tokoní ʻa e ngāue fakafaifekau akoʻí ʻaki hono tuku ki ha niʻihi kehe ke nau aʻusia ʻa e ʻofa ʻa e ʻOtuá ʻaki ʻenau maʻu ʻa e tokoni faka-Kalaisí. Ko e kau finemui mo e kau talavou ko ia ʻoku maʻu ha loto vilitaki ke tokoní, ʻe foaki kiate kinautolu ʻi he taimí ni ʻa e faingamālie ke paotoloaki ʻa e ngāue ʻa e ʻEikí ko ha faifekau, ʻo laka ange ʻi ha toe taimi. ʻE hoko ʻeni ko ha tāpuaki maʻongoʻonga ki he kau faifekaú, ki honau ngaahi fāmilí, mo kinautolu ʻoku nau tokoniʻí.