Kau Takí
ʻOku ʻomi ʻe he ngāue fakafaifekau tokoní ha ngaahi aʻusia ʻuhingamālie ʻe tokoni ke ʻomi e ngaahi laumālié ke ofi ange kia Kalaisi. ʻOku tāpuekina ʻe he ngāue fakafaifekau tokoní ʻa e kau faifekaú, ko honau ngaahi fāmilí, ko e Siasí, pea mo e ngaahi kautaha ʻoku nau tokoni aí. ʻOku fokotuʻutuʻu makehe ʻa e misiona ngāue fakafaifekau tokoni kotoa pē ke fakaʻaongaʻi e ngaahi talēniti mo e meʻa ʻe lava ʻe he fakafoʻituituí pea mo tokoni ke langa e puleʻanga ʻo e ʻOtuá ʻi māmani.
Talitali Lelei koe ki he Ngāue Fakafaifekau Tokoní
Ngaahi Naunau Maʻuʻanga Tokoní
ʻE lava ke ngāue ʻaki e ngaahi naunaú ni ʻe he kau takí ke fakatupu ha ʻilo lahi ange ʻi honau ngaahi ʻiunití.
- Ngāue Fakafaifekau Tokoní: Ko ha Fakahinohino ma‘á e Kau Pīsopé
- Ngāue Fakafaifekau Tokoní: Ko ha Fakahinohino maʻá e Kau Palesiteni Fakasiteikí mo e Fakavahefonuá
- Ngāue Fakafaifekau Tokoní: Ko ha Fakahinohino maʻá e Kau Fitungofulu Fakaʻēliá
- Ngāue Fakafaifekau Tokoní: Ko ha Fakahinohino ma‘á e Ngaahi Mātuʻá pe Kau Tauhí mo e Ngaahi Fāmilí
- Ngaahi Fokotuʻu ʻe Ala Tokoni ki he Kau Taki Lakanga Fakataulaʻeikí
Ngaahi Fehuʻi Angamahení
ʻE lava ke maʻu ʻe he kau taki lakanga fakataulaʻeikí ha ivi tākiekina lelei mo tuʻuloa ʻi he moʻui ʻa e kau teu ngāue fakafaifekaú, mātuʻá, mo e kāingalotu ʻo e uōtí ʻi heʻenau akoʻi ʻa e ngaahi tefitoʻi moʻoni mahuʻinga ko ʻení:
- Ko e ui mo e ngāue fakafaifekau kotoa pē, pe ko hano toe liliu kimui ki ha feituʻu, ʻoku tuʻunga ia ʻi ha fakahā ʻoku fakafou he kau tamaioʻeiki ʻa e ʻEikí.
- ʻOku mei he ʻOtuá ha uiuiʻi ke ngāue ko ha faifekau akoʻi pe faifekau ngāue tokoni ʻo fakafou ʻi he Palesiteni ʻo e Siasí.
- ʻOku kau ʻi he uiuiʻi mo hono vahe ʻo e ngāue fakafaifekau kotoa pē, ʻa e ongo meʻafoaki fakalaumālie ʻo e kikité mo e fakahaá.
Ko e kau taki fakalotofonuá ʻoku totonu:
- Ke nau manatuʻi ʻoku ʻikai ke ʻi ai ha fokoutua ia pe faingataʻaʻia fakaesino ʻi he ʻafio mai ʻa e ʻEikí. ʻOku tāpuekina e fānau takitaha ʻa e Tamai Hēvaní ʻaki ha ngaahi meʻafoaki fakalaumālie makehe.
- Filifili fakapotopoto ʻenau leá ʻi he taimi ʻoku nau lea ai ki he kāingalotú mo e ngaahi mātuʻá fekauʻaki mo e ngāue fakafaifekau tokoní. Ko kinautolu ʻoku nau fokotuʻu ʻa e tuʻunga ki he anga ʻo e fakakaukau ki he ngaahi uiuiʻí pea mo e ngaahi aʻusia ʻo e ngāue fakafaifekaú.
- Fakamamafaʻi ange ko e ngāue fakafaifekau akoʻí mo e ngāue fakafaifekau tokoní ko ha ongo feilaulau ia ʻoku tali ʻe he ʻEikí pea fakaʻehiʻehi mei hano fakaʻaongaʻi e ngaahi lea hangē ko e “ngāue fakafaifekau totonú,” “ngāue fakafaifekau angamahení” pe “ngāue fakafaifekau tukufakaholó” ʻi he taimi ʻoku lave ai ki he ngāue fakafaifekau akoʻí. ʻOku fakafofongaʻi ʻe he kau faifekau kotoa pē ʻa e ʻEikí pea ko Hono kau fakafofonga kinautolu ʻi he ngāue ʻo e fakamoʻuí.
- Akoʻi ange ʻoku fakafofongaʻi ʻe he kau faifekau kotoa pē ʻa e ʻEikí pea ko Hono kau fakafofonga kinautolu ʻi he ngāue ʻo e fakamoʻuí.
ʻE fakafonu ʻe he kau talavou mo e kau finemui kotoa pē ʻoku nau loto-vilitaki mo taau ke ngāue fakafaifekaú, ha foomu fakaongoongolelei ʻi he ʻinitanetí ʻa ia ʻe fakahū atu ʻe he pīsopé mo e palesiteni fakasiteikí. Fakatatau mo e fakamatala ʻoku ʻi he tohi kolé, kau ai mo e fakafuofua ʻa e pīsopé, palesiteni fakasiteikí, mo e kau mataotao fakafaitoʻó, ʻe ala lava ai ke vahe ha ngāue ki ha faifekau ngāue tokoni. ʻOku tokangaʻi ʻe he Kōlomu ʻo e Toko Hongofulu Mā Uá mo e Kau Fitungofulu Taki Māʻolungá ʻa e ngāue ki he fakaongoongoleleiʻi ki he ngāue fakafaifekaú, pea ʻoku ʻoatu ʻa e uiuiʻi fakafaifekaú mei he ʻEikí ʻo fakafou ʻi Heʻene palōfitá.
ʻOku ʻikai ke fili ha taha teu ngāue fakafaifekau pe ko e hā ʻa e faʻahinga ngāue fakafaifekau te ne fakahokó. ʻOku fakakaukauʻi ʻa e kau tohi kolé kotoa ki he ngāue fakafaifekau akoʻí. ʻOku uiuiʻi ʻa e kau talavou mo e kau finemui ʻoku feʻunga lelei taha honau ngaahi tūkungá mo e ngāue fakafaifekau tokoní ke nau hoko ko ha kau faifekau ngāue tokoni. Kapau ʻoku uiuiʻi ha taha kole ke ngāue fakafaifekau tokoni, ʻe fakafeʻungaʻi ʻa e ngāue ʻa e taha kolé ki hono ngaahi talēnití, pōtoʻi ngāué, mo e ngaahi meʻafoakí makehé pea ki he ʻātakai fakalotofonuá.
ʻOku ngāue ʻa e kau faifekau ngāue tokoní ʻi ha ngaahi kautaha tokoni ʻofa fakakolo pe kautaha fakapuleʻanga kuo fakangofua (hangē ko ha ngaahi feituʻu tānakiʻanga meʻakai, ngaahi kautaha ki he kumi hūfangá, ngaahi fale hūfangaʻanga, pe ngaahi ʻapiako), ngaahi ngāueʻanga ʻa e Siasí (hangē ko ha ngaahi fale tukuʻanga koloa, ngaahi fale faʻoʻanga meʻakai, ngaahi temipalé, pe seminelí mo e ʻinisititiutí), pe ngaahi ngāue mei heʻenau palesiteni fakasiteikí pe pīsopé. ʻE lava ke hoko ʻa e JustServe.org ko ha maʻuʻanga tokoni ʻaonga ki hono kumi ʻo e ngaahi faingamālie ki he tokoni ʻofá.
‘Oku ala fiemaʻu ʻa e kau faifekau ngāue tokoni ʻoku nofo ʻi he ngaahi feituʻu mamaʻó ke nau fakafalala lahi ange ki ha ngaahi kautaha tokoni ʻofa kehekehe fakakolo pea mo e ngaahi ngāue ʻe vahe mei he siteikí, hangē ko e ngaahi falemahakí mo e ngaahi ngāue tokoni fakafeituʻú.
Hili hono uiuiʻi ha talavou pe finemui ke hoko ko ha faifekau ngāue tokoní, ʻe talanoa ʻa e kau taki faifekau ngāue tokoní mo e faifekaú pea mo hono fāmilí ke fokotuʻutuʻu ha ngāue fakafaifekau ʻoku fakapatonu mo e ngaahi talēniti mo e ngaahi meʻa ʻe malava ʻe he faifekaú. ʻE lava pē ke liliu ʻa e ngaahi ngāué ʻi he lolotonga ʻo hono fakahoko ʻo e ngāue fakafaifekaú.
ʻOku nofo pē ʻa e kau faifekau ngāue tokoní ʻi ʻapi pea ngāue fakalotofonua pē. ʻI ha ngaahi tūkunga hāhāmolofia ʻe niʻihi, ʻe lava ke maʻu ai ʻe he kau faifekau ngāue tokoní ha ngofua ke ngāue ʻo mavahe mei ʻapi ka nau nofo mo hanau kāinga. ʻOku totonu ke fai ha ngaahi fokotuʻutuʻu pau ʻo ha feongoongoi mo e palesiteni fakasiteikí, mātuʻa ʻa e faifekaú, pea mo e ʻŌfisi Fakamisiona ki he Ngāue Fakafaifekau Tokoní. Kapau ʻoku nofo ʻa e faifekau ngāue tokoní mo hano kāinga ʻi ha siteiki kehe, ʻe ʻave leva ʻa e lekooti mēmipasipí ki ai, pea ʻe fatongia fakalotu ʻaki leva ʻe he palesiteni fakasiteiki ko iá ʻa e faifekau ngāue tokoní. He ʻikai ha faʻahinga tuʻunga ke nofo toko taha ai ʻa e kau faifekau ngāue tokoní.
ʻE tui maʻu pē ʻe he kau faifekau ngāue tokoní honau pine hingoá ʻi heʻenau ngāue tokoni mo e akoʻi kuo vahe ki aí, lolotonga ʻa e ngaahi fakataha ʻa e kau faifekau ngāue tokoní, pea mo e ngaahi houalotu ʻa e Siasí ʻi he Sāpaté. Te nau lava foki ʻo tui ʻa e pine hingoá ‘i ha toe ngaahi taimi kehe.
ʻIkai. ʻOku ʻikai ngofua ke teiti ʻa e kau faifekau ngāue tokoní ʻi he lolotonga ʻo ʻenau ngāue fakafaifekaú. ʻE lava ke kau ʻa e kau faifekau ngāue tokoní ʻi he ngaahi ʻekitivitī fakauōtí, fakasiteikí, mo e ngaahi ʻekitivitī ʻa e kau taautaha kei talavoú.
‘Oku fatongia ʻaki ʻe he kau faifekau ngāue tokoní mo honau fāmilí ʻa e ngaahi fakamole fekauʻaki mo ʻenau ngāue fakafaifekau tokoní. Ko e ngaahi fakamole fakafāmilí ʻoku kau ai ka ʻoku ʻikai fakangatangata pē ki he fefonongaʻakí, me‘akaí, valá mo e meʻa fakafaito‘ó, meʻa fekauʻaki mo e nifó, mo e maluʻi meʻalelé. ʻE fatongia ʻaki ʻe he kau faifekau ngāue tokoní ʻa e fefonongaʻaki ki he feituʻu ʻo ʻenau ngāué mo ʻenau fokí. ‘Oku ʻikai maʻu ʻe he kau faifekau ngāue tokoní ha tokoni fakapaʻanga mei he Paʻanga Faifekau Fakalūkufuá.
Neongo ʻoku ʻikai maʻu ʻe he kau faifekau ngāue tokoní ha ngaahi hoa hangē ko e kau faifekau akoʻí, ka ʻe lava ke faʻu ʻe heʻenau kau taki faifekau ngāue tokoní ha ngaahi hoa ki hono ako ʻo e ongoongoleleí mo e ngaahi ʻekitivitī kehe ʻoku fekauʻaki mo e ngāue fakafaifekaú. ʻOku fakamuʻomuʻa ʻenau malú mo e tuʻunga leleí. ʻE fakapapauʻi ʻe he kau taki faifekau ngāue tokoní mo e mātuʻá ʻoku ʻi ai ha poupou, tokangaʻi, pea mo ha maluʻi feʻunga, ʻi he lolotonga ʻo e taimi tēpile ngāue fakaʻaho ʻa e faifekau ngāue tokoní.
ʻIo. ‘E ‘oatu ‘e he kau taki faifekau ngāue tokoní ha ngaahi faingamālie fakatupulaki fakatakimuʻa feʻunga ki he kau faifekaú ko ha konga ia ʻo ʻenau aʻusia fakafaifekaú. Ko e ngaahi fatongia taki fakafaifekaú ʻoku ʻatā ia ki he kau sisitaá mo e kau ʻeletaá fakatouʻosi.
ʻIo. ʻOku lekooti tatau pē ia mo ha ngāue fakafaifekau akoʻi.
ʻE lava ke fakaʻatā fakalāngilangi ʻe ha palesiteni fakasiteiki ha talavou pe finemui ʻokú ne fakapapauʻi ʻoku ʻikai ke lava ʻo ngāue fakafaifekau akoʻi pe ngāue fakafaifekau tokoni. Neongo iá, ʻoku ʻikai fili ʻe he palesiteni fakasiteikí pe ko e tokotaha ʻoku tohi kolé ʻa e ui ke ngāue fakafaifekau akoʻí pe ngāue fakafaifekau tokoní. ʻE kei hokohoko atu pē hono ʻomi ʻe he kau palesiteni fakasiteikí ha fakamatala ʻi he foomu fakaongoongolelei ʻi he ʻinitanetí ki he kakai tangata pe fefine lalahi kei talavou ke ui ko ha kau faifekau akoʻi pe kau faifekau tokoní.
ʻIkai. Neongo iá, ko e tokolahi taha ʻo e kau faifekau tangata ngāue tokoní ʻoku nau maʻu ʻa e Lakanga Taulaʻeiki Faka-Melekisētekí. Kapau ʻoku ʻikai ongoʻi ʻe he kau taki lakanga fakataulaʻeikí kuo mateuteu ha talavou ke maʻu ʻa e Lakanga Taulaʻeiki Faka-Melekisētekí, ʻoku totonu leva ke ne maʻu ʻa e Lakanga Taulaʻeiki Faka-ʻĒloné.
Ko e kau faifekau ngāue tokoní kuo pau ke nau moʻui taau mo e temipalé. Ko e angamahení, ʻoku totonu ke maʻu ʻe he kau faifekau ngāue tokoní honau ʻenitaumení. Neongo iá, ʻe fakahoko ʻe he kau pīsopé mo e kau palesiteni fakasiteikí ha faleʻi ki he kau faifekau ngāue tokoní ke fakapapauʻi pe kuo nau mateuteu mo malava ke maʻu honau ʻenitaumení.
ʻIo. ʻOku vahe ʻa e kau faifekau ngāue tokoní ke nau ngāue ʻi he malumalu ʻo e palesiteni fakamisiona ʻi he misiona ʻoku nau nofo aí. ʻOku ʻoatu ʻe he kau taki faifekau ngāue tokoní, ʻi he malumalu ʻo e fakahinohino ʻa e palesiteni fakamisioná, ʻa e fakahinohino fakaʻaho mo e tokoni ki he kau faifekau ngāue tokoní. ʻOku nau ngāue fakataha foki mo e palesiteni fakasiteiki ʻa e faifekau ngāue tokoni takitaha, ʻa ia ʻokú ne maʻu ʻa e ngaahi kī fakalotu ki he faifekaú.
Ko e palesiteni fakasiteikí ʻa e taki fakalotu maʻá e faifekau ngāue tokoní pea te ne tali ki he ngaahi vetehia tōmuí mo e ngaahi maumaufono mamafá ʻo fakatatau mo e fakahinohino ʻa e Laumālie Maʻoniʻoní, ʻo hangē pē haʻane fakahoko ia ki ha mēmipa ʻo hono siteikí. Kapau he ʻikai ke ne fakapapauʻi ʻa e meʻa ke faí, te ne lava ʻo talanoa ki ai mo hono ongo tokoní, ko e Fitungofulu Fakaʻēlia ʻoku sea ʻi heʻene fakataha alēlea fakafekauʻakí, pe ha mēmipa ʻo e Kau Palesitenisī Fakaʻēliá. Kapau ʻe lava ke fakakakato ʻa e fakatomalá he lolotonga e hoko atu ʻene ngāue ko ha faifekau tokoní, ʻe lava ke hokohoko atu pē ʻene ngāue fakafaifekau tokoní. Kapau ʻoku fakahoko ha fakatonutonu faka-Siasi, ʻoku totonu ke tukuange ʻa e faifekau ngāue tokoní, pea ʻoku totonu ke fakahā ia ki he Potungāue Ngāue Fakafaifekaú ʻi he hetikuota ʻo e Siasí.
Kapau ʻoku fakahoko ki ha taki faifekau ngāue tokoni pe ki ha pule ngāue mavahe ʻa e vetehia tōmuí pe ha faʻahinga maumaufono pē, ʻoku totonu ke ʻave leva ʻa e faifekau ngāue tokoní ki heʻene palesiteni fakasiteikí.
ʻOku ʻikai faʻa toe fakafoki mai ha faifekau ngāue tokoni kuo tukuange teʻeki ke ʻosi mei heʻene ngāué ʻi ha ngaahi ʻuhinga fekauʻaki mo e moʻui tāú. ʻI he ngaahi tūkunga hāhāmolofiá, ko e niʻihi fakafoʻituitui ʻoku holi ke toe foki mai ʻo ngāue ko ha faifekau ngāue tokoni, hili hano tukuange teʻeki ke ʻosi ʻi ha ʻuhinga fekauʻaki mo e moʻui tāú, ʻoku totonu ke ngāue ʻo fakafou ʻi heʻenau palesiteni fakasiteikí. Kapau ʻoku ongoʻi ʻe he palesiteni fakasiteikí ʻoku totonu ke fakakaukauʻi ha fakaʻatā makehe, te ne lava ʻo fakahū ha tohi kole ki he Potungāue Ngāue Fakafaifekaú. ʻOku vakaiʻi e ngaahi kole fakafoki ko ʻení ʻe he Kau Taki Māʻolunga kuo vahe ki he Potungāue Ngāue Fakafaifekaú.
Ka hili hano vahe ke ngāue fakafaifekau tokoní, ko e angamahení, ʻoku ʻikai faʻa toe liliu ha faifekau ngāue tokoni ke hoko ko ha faifekau akoʻi. Kapau naʻe fai ha liliu ʻi he ngaahi tūkunga kimuʻa pea hoko ko e faifekau akoʻí, ʻe lava pē ke toe fakakaukauʻi ʻo fakafou ʻi hano kole ki he Potungāue Ngāue Fakafaifekaú.
Fakatatau mo e fakahinohino ʻa e palesiteni fakamisioná, ʻe lava ke ngāue mo kau ʻa e kau faifekau ngāue tokoní ʻi he ngaahi akoʻí fakataha mo e kau faifekau akoʻí. ʻE lava foki ke ngāue ʻa e palesiteni fakamisioná mo e kau faifekau ngāue tokoni ʻa ia ʻoku nau loto-holi moʻoni ke vahe kinautolu ke hoko ko ha kau faifekau akoʻí.
Ko e malú mo ia ʻe fakatuʻutāmakí ʻoku mātuʻaki mahuʻinga ia ki he faifekaú, Siasí, mo e ngaahi kautaha tokoni ʻofa fakakoló. Ko e ngaahi ngāue kotoa pē ʻi ha kautaha tokoni ʻofa pe fakakolo kehe, ʻe tomuʻa fiemaʻu ki ai ha aleapau tohi ʻokú ne maluʻi ʻa e faifekaú pea mo e Siasí. Kuo pau ke fakafekauʻaki ʻeni ʻo fakafou ʻi he Potungāue Ngāue Fakafaifekaú mo e ʻŌfisi Fakamisiona ki he Ngāue Fakafaifekau Tokoní. ʻOku ʻi ai ha ngaahi ngāue pau ʻoku tapui pe fakangatangata koeʻuhí he ʻe lava ke nau fakatuʻutāmaki lahi ange ki he fakafoʻituituí mo e ngaahi kautahá. He ʻikai lava ke kau ʻa e kau faifekau ngāue tokoní ʻi he faʻahinga ʻekitivitī ko ʻení ʻi ha faʻahinga tūkunga pē:
- Fengāueʻaki fakataautaha mo ha fānau pe kakai lalahi tuʻu laveangofua, ʻoku ʻikai tokangaʻi.
- Kaukauʻi, toʻotama, pe fakahoko ha faʻahinga tokoni fakafoʻituitui pehē.
- Fakaʻaongaʻi ha mīsini, meʻangāue, pe ʻū meʻalele ka naʻe ʻikai akoʻi totonu pe ʻi ai ha tohi fakamoʻoni fakangāue ki ai.
Ko e ngaahi faingamālie ngāue fakatuʻutāmaki kehe ʻoku fakahoko ʻe he kau faifekau ngāue tokoní ʻi he ngaahi kautaha fakakoló, ʻoku tokangaʻi fakalelei ia ʻo fakafou ʻi ha ngaahi aleapau. ʻOku ʻi ai ha ngaahi faingamālie ngāue kehe ʻoku fakatuʻutāmaki ʻi he ngaahi ngāueʻanga ʻa e Siasí mo ha ngaahi feituʻu ʻoku vahe mei he siteikí, ka ʻoku tokangaʻi ia ʻaki ha ngaahi tuʻutuʻuni mo e fakahinohino. ʻOku fakakau ʻi he ngaahi ngāue fakatuʻutāmaki ko ʻení hano:
- Fakahinohinoʻi mo faiakoʻi ha ngaahi kulupu.
- Fakamāʻopoʻopo pe tauhi ʻo ha faʻahinga paʻanga, koloa maluʻi, pe ngaahi meʻa mahuʻinga kehe.
- Fakahoko ha fakamatala faleʻi fakapalofesinale.
- Ko hono fakaʻaongaʻi ha mīsini, meʻangāue, pe ʻū meʻalele ʻo ʻikai akoʻi totonu pe ʻi ai ha tohi fakamoʻoni fakangāue ki ai.
ʻIkai. ʻOku totonu ke hiki ʻa e faifekau ngāue tokoní ki ha ngāue maʻuʻanga moʻui pe ako ngāue hili ʻa e ako māʻolungá, pe ki he akó.
ʻIo. ʻE lava ke toe vahe ʻa e faifekaú ke ngāue ʻi ha vahaʻa taimi feʻunga ke fakakakato ʻa e palanisi ʻo e māhina ʻe 18 pe 24 ʻo e ngāué.
Kātaki ʻo vakai ki he konga Toe Liliu ʻo e Ngāué ki he Taha ʻOku Fakafoki Teʻeki ʻOsí ʻi he peesi Aʻusia ʻOku Fakapatonu.
ʻOku poupouʻi mālohi ʻa e kau faifekau akoʻi ʻoku nau foki ki ʻapi ʻi ha ngaahi ʻuhinga fakafaitoʻó, ke nau hiki leva ki he ngāue fakafaifekau tokoní. ʻI he taimi ʻoku fakaʻatā fakafaitoʻo aí, ʻe lava ke toe foki ʻa e faifekaú ki hono misiona akoʻi ne ʻuluaki vahe ki aí.
Kapau ʻoku foki vave ha faifekau akoʻi mei heʻene ngāue fakafaifekaú pea toe vahe ia ki ha ngāue fakafaifekau tokoni, ʻe ʻikai fiemaʻu ke toe vaheʻi ia. Neongo iá, ʻoku poupouʻi ʻa e palesiteni fakasiteikí ke ne fakahoko ha tāpuaki lakanga fakataulaʻeiki ʻo e fakafiemālié mo e faleʻí.
Ko ha konga mahuʻinga ʻo e ngāue fakafaifekau tokoní ʻoku nofo taha ia ki hono ʻoange ki he kau faifekau ngāue tokoní ha ngaahi faingamālie ngāue fakaetauhi. ʻIkai ngata aí, ʻe lava ke hokohoko atu ʻa e ngāue fakaetauhi ʻa e kau faifekau ngāue tokoní ʻi honau uōtí ʻo fakatatau mo e fakahinohino ʻa e kau taki fakafeituʻu ʻo e lakanga fakataulaʻeikí mo e Fineʻofá. Fakatatau mo e fakahinohino ʻa e palesiteni fakamisioná, ʻe lava foki ke ngāue mo kau ʻa e kau faifekau ngāue tokoní ʻi he ngaahi akoʻí fakataha mo e kau faifekau akoʻí.
ʻE lea ʻa e kau faifekau ngāue tokoní ʻi he houalotu sākalamēnití kimuʻa pea mo e ʻosi ʻo ʻenau ngāue fakafaifekaú, maʻu ʻa e fakalāngilangi tatau mo e kau faifekau akoʻí (ngaahi ʻīmisi fakamisioná, fanongonongo fakamafaiʻí, ngaahi tohi fanongonongó, mo e alā meʻa peheé), pea lipooti ki he fakataha alēleaʻanga māʻolungá ʻi he ʻosi ʻenau ngāue fakafaifekaú.
ʻOku lolotonga maʻu ʻa e ngaahi fakamatalá ni ʻi he ngaahi lea fakafonua ko ʻení: lea faka-Sipeiní, lea faka-Potukalí, lea faka-Falaniseé, lea faka-Siamané, lea faka-ʻĪtalí, lea faka-Siapaní, lea faka-Kōleá, lea faka-Sepuanó, lea faka-Takaloká, lea faka-Haʻamoá, mo e lea faka-Tongá
Ko Hono Fakanounoú
ʻOku tokonia ʻe he ngāue fakafaifekau tokoní ʻa e ngāue fakafaifekau akoʻí ʻaki hono tuku ki ha niʻihi kehe ke nau aʻusia ʻa e ʻofa ʻa e ʻOtuá ʻaki ʻenau maʻu ʻa e tokoni faka-Kalaisí. Ko e kau finemui mo e kau talavou ko ia ʻoku nau holi ke tokoní, ʻe foaki kiate kinautolu he taimí ni ʻa e faingamālie ke paotoloaki e ngāue ʻa e ʻEikí ko ha faifekau, ʻo laka ange ʻi ha toe taimi. ʻE hoko ʻeni ko ha tāpuaki maʻongoʻonga ki he kau faifekaú, ki honau ngaahi fāmilí, mo kinautolu ʻoku nau tokoniʻí.
Ngaahi fehuʻi lahi ange? ʻE lava ke fetuʻutaki maʻu pē ʻa e kau takí ki heʻenau ongomātuʻa taki faifekau ngāue tokoni fakalotofonuá pe telefoni ki he 1-801-240-4914.