Service Missionary Candidate

Lahat tayo ay mga anak ng isang mapagmahal na Ama sa Langit. Ipinadala Niya tayo sa lupa na may iba’t ibang kakayahan at talento. Taglay ang mga kakayahang ito, bawat isa sa atin ay makapagbibigay ng makabuluhang paglilingkod upang makatulong sa pagtatayo ng kaharian ng Diyos sa lupa. Ipinahayag ng Panginoon, “Kung ikaw ay may mga naising maglingkod sa Diyos ikaw ay tinatawag sa gawain” (Doktrina at mga Tipan 4:3). Lahat ng taong karapat-dapat at may hangaring maglingkod ay maaaring magkaroon ng pagkakataong matawag bilang missionary.

Gusto mo bang maglingkod sa Simbahan, sa iyong komunidad, at sa iyong pamilya? Gusto mo bang magkaroon ng mahahalagang espirituwal na karanasan bilang missionary? Maaari kang tawaging maglingkod bilang teaching missionary o bilang service missionary. Ang mga service missionary ay tinatawag ng Panginoon na maglingkod sa mga gawain sa mga operasyon ng Simbahan, sa mga inaprubahang nonprofit community organization, at sa loob ng kanilang stake.

Saan ka man magpunta at paano ka man maglilingkod, ikaw ay lubos na pagpapalain. Bilang service missionary, ikaw ay:

Susunod sa halimbawa ni Jesucristo.
Maglilingkod nang may kabuluhan.
Mag-aaral at mananalangin.
Magpapaunlad ng mga kasanayan sa buhay.

Tutulong sa pagsasagawa ng mga banal na responsibilidad sa Simbahan.

Mga Karaniwang Tanong

Ang mga service missionary ay nakatira sa bahay nila at naglilingkod sa kanilang lugar. Maraming mga gawain ang maaring ibigay sa iyo. Narito ang ilang halimbawa ng mga gawaing maaari mong matanggap.

Family History: Tumulong sa gawain para sa mga patay sa pamamagitan ng paglilingkod sa family history program. Maaaring kabilang sa mga gagawin mo ang FamilySearch indexing, pagsuporta sa pandaigdigang FamilySearch, pagtulong sa family history center, at sa family history library.

Mga Seminary at mga Institute: Tumulong sa mga miyembro na matutuhan at maipamuhay ang ebanghelyo sa pamamagitan ng pagsuporta sa mga programa ng seminary at institute. Maaari ka sa office work at computer support. Maaari kang tumulong sa social media at mga event. Maaari ka ring tumulong sa pag-recruit at pag-enroll sa mga estudyante.

Mga Welfare Operation: Mangalaga sa mga maralita at nangangailangan sa pamamagitan ng paglilingkod sa isa sa maraming welfare operation ng Simbahan. Pagpapalain ka sa paglilingkod sa mga bishops’ storehouse, pasilidad ng produksyon, bukid, orchard, Deseret Industries, o employment resource center.

Paglilingkod sa Komunidad: Magbigay ng serbisyo sa iyong komunidad sa pamamagitan ng inaprubahang mga nonprofit organization at ahensiya ng gobyerno. Maaaring kabilang sa iyong tungkulin ang paglilingkod sa mga lokal na food bank, pantry, tirahan, senior citizen center, paaralan at iba pa.

Mahabaging Paglilingkod na Iniatas ng Iyong Bishop o Stake President: Maglingkod sa mga tao sa inyong stake. Maaari kang tumulong sa maraming paraan! Halimbawa, maaari mong bisitahin ang matatandang miyembro o di-miyembro at tumulong sa kanilang mga bakuran o tahanan. Maaari ka ring matuto ng isang kasanayan na maibabahagi o maituturo, tulad ng pagkukumpuni ng mga lawn mower o bisikleta.

Oo. Ang mga service missionary ay inatasang maglingkod sa ilalim ng pamamahala ng mission president sa mission kung saan sila nakatira. Ang mga service mission leader, sa ilalim ng pamamahala ng mission president, ay nagbibigay ng pang-araw-araw na patnubay at suporta sa mga service missionary. Nakikipagtulungan din sila sa stake president ng bawat service missionary, na mayhawak ng eklesiyastikal na mga susi para sa missionary.