ʻE Lava ʻe he Ngaahi Fiemaʻu ki he Maaka Seminelí ʻo Fakaloloto e Ului ʻa e Kau Akó kia Sīsū Kalaisí
![Ko ha talavou ʻokú ne vahevahe ha ngaahi akonaki mei he folofolá](/si/getImage/large?url=https%3A%2F%2Fcontent.churchofjesuschrist.org%2Fsi%2Fbc%2Fsi%2Fimages%2Fnews%2F67a6da311f3111edbb94eeeeac1e9c1692d29108.jpeg)
“ʻOku totonu ke hanga ʻe he meʻa kotoa ʻoku tau faí ʻo fakaloloto ʻetau ului kia Sīsū Kalaisí mo ʻEne ongoongolelei kuo fakafoki maí koeʻuhí he ko Ia ʻa e tali ki heʻenau ngaahi polé mo e fehuʻi ʻa e [kau akó]” (Chad H. Webb, “Kau Talafekau ʻo e Ongoongo Leleí”).
Kuo liliu e ngaahi fiemaʻu ki he maaka seminelí ke fenāpasi lelei ange mo ʻetau taumuʻá ke fakaloloto ʻa e ului ʻa e kau akó kia Sīsū Kalaisi mo ʻEne ongoongolelei kuo fakafoki maí. Koeʻuhí ʻoku maʻu ʻe he tokotaha ako kotoa ha tuʻunga kehekehe ʻo e mahino ki he ongoongoleleí, tukupaá, meʻa ʻoku malavá, mo e poupou ʻa e fāmilí, ʻoku fakataumuʻa leva ʻa e ngaahi fiemaʻu fakamuimuitahá ke poupouʻi kinautolu ʻi honau ngaahi tūkunga lolotongá.
ʻI he ngaahi fiemaʻu fakamuimuitaha ki he seminelí, ʻe lau ʻe he kau akó ha ngaahi potufolofola kuo filifili, kau ʻi ha ngaahi sivi ako fakakulupu, pehē ki he hokohoko atu ʻʻenau ʻalu maʻu pē ki he seminelí ʻo hangē ko ʻene hā atu ʻi laló.
ʻIkai ngata aí, ʻoku poupouʻi ʻe he kau faiakó ʻa e kau akó ke nau fokotuʻu mo vakaiʻi ʻa e ngaahi taumuʻa ako folofola fakatāutahá. ʻE lava ke kau ʻi he ngaahi sīpinga ʻo e ngaahi taumuʻa fakatāutahá ʻa hono lau ʻo e ngaahi vahe mo e ngaahi potufolofola ʻi he Tohi ʻa Molomoná mei he Haʻu, ʻo Muimui ʻIate Aú. Koeʻuhí ko e natula fakataautaha ʻo e ngaahi taumuʻa ko ʻení, he ʻikai lipooti kinautolu ʻe he kau akó ki he faiakó (pea he ʻikai muimuiʻi kinautolu ʻi he WISE). ʻE lava ke fili ʻe he kau akó ke muimuiʻi ʻenau ngaahi taumuʻá ʻi he mySeminary ke ʻaonga kiate kinautolu.
“ʻE fiemaʻu ha tokanga lahi ange fakafoʻituitui mo fakataautaha mei he kau faiakó. ʻE ngali fakamafasia, ka ko ha mafasia ia ʻoku totonu ke fiefia ʻa e kau faiakó ke nau fua koeʻuhí he ʻoku mahuʻinga tatau pē ʻenau ngāue fakaetauhi fakatāutahá mo ʻenau faiako ʻi he loki akó. Kapau ʻoku ʻi ai ha taha te ne lava ke fai ia, ko hoʻomou kau faiakó te nau lava iá. ʻOku nau fakaʻofoʻofa” (Henry B. Eyring fakaʻaongaʻi ʻe Chad H. Webb, “Kau Talafekau ʻo e Ongoongo Leleí”).
Ko e fē ha taimi te tau fakahoko ai ʻa e ngaahi liliú?
Kau faiako, kātaki ʻo talanoa mo hoʻo supavaisá pe kouʻotineitá ʻo kau ki he taimi ki he ngaahi liliu ko ʻení.
- Hemisifia Tokelaú: Taʻu fakaako foʻou ʻo e 2023 ʻo fakaʻaongaʻi ʻa e polokalama foʻoú.
- Hemisifia Fakatongá: Taʻu fakaako foʻou ʻo e 2023 ʻo fakaʻaongaʻi ʻa e polokalama tukufakaholó pe vaeua-taʻu ʻo e 2023 ʻo fakaʻaongaʻi ʻa e polokalama foʻoú.
![fakaʻilonga ʻo e folofolá](https://content.churchofjesuschrist.org/si/bc/si/images/icon/665db4f1ad8b11edbfa3eeeeac1e26d4801f7a71.png)
Ngaahi Fiemaʻu ki he Laukongá
ʻOku kau ʻi he Ngaahi Potufolofola foʻou ʻo e Seminelí ha meimei peesi ʻe 60 mei he tohi folofola ki he kalasí (peesi ʻe 30 ki he teemi/semesitā angamahení). Kuo filifili fakalelei ʻa e ngaahi potufolofola ko ʻení koeʻuhí ko ʻenau loloto fakatokāteliné pea mo nāunauʻiá. ʻIkai ngata aí, ʻoku totonu ke hoko ʻa e ngaahi potufolofolá ko e tuʻunga ki hono fakakakato ʻo ha ngāue ki ha laukonga naʻe ʻikai lava kimuʻá.
FIEMAʻU MOTUʻÁ: Lau ʻa e folofolá ʻo ʻoua naʻa toe siʻi hifo ʻi he 75% ʻo e ngaahi ʻaho ʻo e tohi māhiná ʻi he teemi.
FOʻOÚ: Poupouʻi ʻa e ngaahi taumuʻa fakatāutahá. ʻOku ʻi ai ha ngaahi laukonga tuʻu pau ʻe niʻihi kuo filifili.
Ko hono lekooti ʻo e laukongá ʻi he WISE
- Ko e kau ako ko ia ʻoku nau fakakakato ʻa e ngaahi potufolofola kuo fili ki he tēmí: “Fakaʻilongaʻi kotoa ʻa e Laukongá” kuo fakakakato maʻá e tokotaha akó.
- Ko e kau ako ʻoku ʻikai ke nau fakakakato ʻa e laukonga ʻoku fiemaʻu ki he tēmí: Fakahaaʻi ʻoku maʻulalo hifo ʻa e lipooti laukongá ʻi he 75%.
- Manatuʻi, ʻoku ʻikai lekooti ʻi he WISE ʻa e ngaahi taumuʻa ʻa e kau akó.
![](https://content.churchofjesuschrist.org/si/bc/si/images/icon/6618e3c1ad8b11edb33aeeeeac1ef0d1de24b170.png)
Siviʻi ʻo e Akó
ʻI he fakamafola fakataʻu ʻa e S&I ʻi he 2023, naʻe fanongonongo ai ʻe Brother Webb “ʻe liliu e founga siví mei hono siviʻi fakafoʻituituí ki hano vakaiʻi fakakulupu.” Ko hono olá, ʻoku totonu ke fakahoko ʻe he kau faiakó ʻa e ngaahi meʻá ni ʻi he 2024:
[ʻI he ʻi ai ʻa e kau akó ki he sivi ʻi he kalasí]
Fakaʻaongaʻi ʻa e Fakataukei Fakatokāteliné: Sivi Vakaiʻi 1 ki he teemi ʻuluakí (pe Toe Vakaiʻi 2 ki he teemi uá).
- ʻOku ʻomi ʻe he ngaahi fakamanatu ko ʻení ha founga fengāueʻaki lelei ange ki he siví.
- ʻOku foaki ʻa e māká ki he fānau ako kotoa pē ʻoku ʻi he siví.
[Ki he fānau ako ʻoku ʻikai ke nau maʻu ʻa e sivi ʻi he kalasí]
ʻOange ʻa e Fakataukei Fakatokāteline: Sivi 1 ki he teemi ʻuluakí ke fakakakato (pe Sivi 2 ki he teemi hono uá).
- ʻE lava ke nau fai ʻa e sivi fakalavá ʻiate kinautolu pē, mo ha niʻihi kehe, pe mo ʻenau faiakó.
- ʻOku foaki ʻa e māká ʻi he taimi ʻoku fakafoki ai e siví ki he faiakó.
Lekooti ha maaka 100% ʻi he WISE maʻanautolu ʻoku kau ʻi hono siviʻi ʻo e ako fakakulupú pea mo kinautolu ʻoku nau toe fakafoki atu ha sivi fakakakato ngāué.
ʻI he kalasi ako folofola takitaha, ʻoku fiemaʻu ai ha sivi vakaiʻi ʻe ua (taha ʻi he teemi angamahení/semesitā). ʻE ala fiemaʻu ke liliu e ngaahi sivi vakaiʻi ko ʻení maʻanautolu ʻoku kehe ʻenau taimi-tēpilé (hangē ko e fakakuatá) ke fakamatalaʻi e ngaahi potufolofola fakataukei fakatokāteline naʻe akó. Ki ha ngaahi fehuʻi fekauʻaki mo e founga hono liliú, kātaki ʻo ʻīmeili ki he CES-Manuals@ChurchofJesusChrist.org.
FIEMAʻU MOTUʻÁ: Fakakakato ʻa e Siviʻi ʻo e Akó ʻo ʻoua naʻa toe siʻi hifo ʻi he 75%.
FOʻOÚ: Kau ʻi ha aʻusia fengāueʻaki fakataha ʻi he Siviʻi ʻo e Fakataukei Fakatokāteliné.
Ngaahi Ngāue ke Fai ʻi he ʻInitanetí mo e Ako ʻi ʻApí
ʻOku totonu ke fakakakato mo fakahū ʻa e ngaahi ngāue ke fai ʻi he ʻinitanetí mo e ako ʻi ʻapí ʻo hangē ko ʻení:
- Kau Ako ʻi he ʻInitanetí: Fakakakato ʻa e siví pea fakahū ia ʻo fakafou ʻi he Canvas.
- Fānau Ako ʻi ʻApí: Fakakakato ʻa e siví pea fakahū ia ʻo fakatatau mo e fakahinohino ʻa e faiako ako ʻi ʻapí.
Ko e Ngaahi Tokoni Makehe maʻá e Fānau Ako ʻoku Faingataʻaʻia Fakattuʻasinó
Ko e taumuʻa hono vakaiʻi ʻo e tokoní ke malava e kau ako ʻoku ʻi ai ʻenau ngaahi fiemaʻu paú, faingataʻaʻia fakatuʻasinó, pe ngaahi tuʻunga kau ki he moʻui leleí, ʻo kau ki he siviʻi ʻo e akó ʻi he makatuʻunga tatau mo e kau ako kehé. ʻOku totonu ke fakahoko ʻe he kau faiakó ha ngaahi tokoni feʻunga ke ne feau e ngaahi fiemaʻu pau, faingataʻaʻia fakatuʻasino, mo e ngaahi tuʻunga kau ki he moʻui leleí ʻa ʻenau kau akó. Ako lahi ange.
Kau Ako ʻOku Kole ha Sivi Fakalava ki he 2020, 2021, mo e 2022
Ki he kau ako ʻoku nau kole ke fakalava ha ngaahi sivi ki he ngaahi taʻu kimuʻá, ʻe lava ke vahevahe ʻe he kau faiakó ʻa e Fakahinohino Akó mo e naunau ki hono Siviʻi ʻo e Akó ʻa ia ʻoku hā atu ʻi laló. ʻE lava ke nau fai e sivi fakalavá ʻiate kinautolu pē pe mo ha niʻihi kehe. ʻOku foaki ʻa e māká ʻi he taimi ʻoku fakafoki ai e siví ki he faiakó, pea ʻe lekooti ʻeni ʻe he kau faiakó ko e 100%.
Fakatokangaʻi ange: ʻOku ʻikai totonu ke fakaʻaongaʻi e bubble sheets; ʻOku ʻikai toe ngāue ʻa e ExcelSoft ki hono fakamaaka ʻo e ngaahi sheets ko ʻení.
Fuakava Motuʻá (2022)
- Tohi Fakahinohino Ako mo e Siviʻi ʻo e Akó, Sēnesi— Lute
- Tohi Fakahinohino Ako mo e Siviʻi ʻo e Akó, 1 Samuela— Malakai
Tohi ʻa Molomoná (2020)
- Tohi Fakahinohino Ako mo e Siviʻi ʻo e Akó, 1 Nīfai—ʻAlamā 16
- Tohi Fakahinohino Ako mo e Siviʻi ʻo e Akó, ʻAlamā 17—Molonai
Tokāteline mo e Ngaahi Fuakavá (2021)
![](https://content.churchofjesuschrist.org/si/bc/si/images/icon/65e613f3ad8b11eda553eeeeac1edea16fd54f1a.png)
Maʻu kalasí
Kuo teʻeki liliu ʻa e fiemaʻu ki he maʻu kalasí. Foaki ha maaka ki he kau ako ʻoku ʻikai toe siʻi hifo he 75% ʻenau kau maí. ʻOku tāpuekina ʻe he ʻalu ki he seminelí ʻa e kau akó ʻi heʻenau feinga ke hoko ko ha kau ākonga ʻo Sīsū Kalaisi ʻi he kotoa ʻo ʻenau moʻuí.
ʻE tokoni ʻa e Seminelí mo e ʻInisititiutí ke liliu ho ʻapí ke hoko ko ha hūfangaʻanga malu ʻo e tuí—ko ha feituʻu ʻoku akoʻi, ako, moʻui ʻaki, mo ʻofa ʻi he ongoongolelei ʻo Sīsū Kalaisí.… “ʻE hoko ʻa e ʻosi mei he seminelí mo e ʻinisititiutí ke fakalahi ai hoʻo malava ke lavameʻa ʻi he ngaahi meʻa mahuʻinga taha te ke fakahoko ʻi hoʻo moʻuí. ʻE ʻoʻou ʻa e fiefia moʻoní!” (Palesiteni Russell M. Nelson, “Ko ha Fakaafe Fakataautaha ke Kau ʻi he Seminelí mo e ʻInisititiutí”).
Fakatokangaʻi ange: ʻI he semineli lolotonga e taimi akó, ʻoku totonu ke tomuʻa fakakakato ʻa e liʻaki kalasi ʻikai ha ngofuá kimuʻa pea toki foaki ange ha māká.
Ngaahi Maʻuʻanga Tokoni Fekauʻakí
Ko e Kaveinga Ngāue ʻo e Seminelí mo e ʻInisititiuti Fakalotú