Mayo 18, 2023

Ang mga Gikinahanglan nga Kredito sa Seminary Makapalawom sa Pagkakabig sa mga Estudyante ngadto ni Jesukristo

Pagkat-on sa tulo ka sumbanan nga makatabang sa kabatan-onan nga mosunod Kaniya

“Ang tanan natong buhaton kinahanglang makapalawom sa atong pagkakabig ngadto ni Jesukristo ug sa Iyang gipahiuli nga ebanghelyo tungod kay Siya mao ang tubag sa mga hagit ug mga pangutana sa [mga estudyante]” (Chad H Webb, “Messengers of the Good News”).

Ang mga gikinahanglan nga kredito sa seminary gibag-o na aron mas mapahaom sa atong tumong sa pagpalawom sa pagkakabig sa mga estudyante ngadto ni Jesukristo ug sa Iyang gipahiuli nga ebanghelyo. Tungod kay ang matag estudyante adunay lain-laing lebel sa pagsabot sa ebanghleyo, pasalig, abilidad, ug suporta sa pamilya, ang gibag-o nga mga gikinahanglan gitumong sa pagsuporta kanila sa ilang kasamtangan nga mga sirkumstansiya.

Sa gibag-o nga mga gikinahanglan sa seminary, ang mga estudyante mobasa sa pinili nga mga tudling sa kasulatan, moapil sa pagsukod sa nakat-onan sa grupo, ingon man usab mopadayon sa pagtambong sa seminary kanunay sumala sa gipakita sa ubos.

Agi og dugang, ang mga magtutudlo moawhag sa mga estudyante sa paghimo ug pagmonitor sa personal nga mga tumong sa pagtuon sa kasulatan. Mga ehemplo sa personal nga mga tumong mahimong maglakip sa pagbasa sa gisangon nga mga kapitulo sa Dali, Sunod Kanako ug mga tudling sa Basahon ni Mormon. Tungod sa ka personal nga matang niini nga mga tumong, ang mga estudyante dili moreport niini ngadto sa mga magtutudlo (ug kini dili subayon sa WISE). Ang mga estudyante mahimong mopili sa pagsubay sa ilang mga tumong diha sa mySeminary alang sa ilang kaayohan.

“Kini magkinahanglan og dugang nga personal, indibidwal nga pagtagad gikan sa mga magtutudlo. Kini makadugang og palas-anon, apan kini usa ka palas-anon nga angay nga ikahimuot sa mga magtutudlo tungod ang ilang personal nga pagpangalagad ingon ka importante sa ilang instruksiyon sa lawak klasehanan. Kon mahimo kini ni bisan kinsa, ang inyong mga magtutudlo makahimo. Sila talagsaon” (Presidente Henry B. Eyring gikutlo ni Chad H Webb, “Messengers of the Good News”).

Kanus-a nato i-implementar ang mga kausaban?

Mga magtutudlo, palihog konsultaha ang inyong supervisor o koordinitor sa tayming alang niini nga mga kausaban.

Amihanang mga Nasod: Bag-ong tuig nga ting-eskwela sa 2023 gamita ang tibuok paagi sa bag-ong sistema.
Habagatang mga Nasod: Bag-ong tuig ting-eskwela sa 2023 gamita ang tibuok paagi sa karaan nga sistema o sa tunga-tunga nga bahin sa 2023 gamita ang tibuok paagi sa bag-ong sistema.

Mga Gikinahanglan nga Basahonon

Ang bag-ong Mga Tudling sa Kasulatan sa Seminary naglakip sa gibana-bana nga 60 ka pahina gikan sa basahon sa kasulatan alang sa kurso (30 ka pahina kada tradisyonal nga termino/semester). Kini nga mga pahina mainampingon nga pinili tungod sa giladmon sa doktrina niini ug sa kabuhong. Agi og dugang, ang mga tudling sa kasulatan kinahanglan mao ang sumbanan alang sa pagbuhat sa kulang nga buluhaton alang sa gikinahanglan nga wala mabasa kaniadto.

KARAAN NGA GIKINAHANGLAN: Mobasa sa mga kasulatan nga dili mominos sa 75% sa mga adlaw nga ting-eskwela.
BAG-O: Pag-awhag og personal nga mga tumong. Pipila ka pinili nga mga basahonon gikinahanglan.

Pagrekord sa pagbasa diha sa WISE

Ang mga estudyante kinsa nakakompleto sa gikinahanglan nga pinili nga mga tudling alang sa termino: “Markahe ang tanang mga Basahonon” nga kompleto alang sa estudyante.
Ang mga estudyante kinsa wala mokompleto sa gikinahanglan nga basahonon niana nga termino: Ipakita ang gireport nga basahonon nga ubos sa 75%.
Hinumdomi, ang mga tumong sa estudyante wala marekord sa WISE.

Pagsukod sa Nakat-onan

Niadtong Enero 2023 nga Sibya sa S&I, si Brother Webb mipahibalo nga “ang pagsukod sa nakat-onan mobalhin gikan sa indibidwal nga pagsukod ngadto sa grupo nga pagrebyo.” Isip resulta, ang mga magtutudlo kinahanglan nga mohimo sa mosunod alang sa 2024:

[Sa mga estudyante nga anaa sa klase alang pagsukod]
Gamita ang Doktrinal nga Kahanas: Rebyo sa Pagsukod 1 alang sa unang termino (o Rebyo 2 alang sa ikaduhang termino).

Kini nga mga rebyo naghatag og kolaborasyon nga paagi sa pagsukod.
Ang kredito ihatag ngadto sa tanang estudyante nga nagtambong sa pagsukod.

[Alang sa mga estudyante nga wala makatambong sa pagsukod diha sa klase]
Ihatag ang Doktrinal nga Kahanas: Pagsukod 1 nga kompletohon alang sa unang termino (o Pagsukod 2 alang sa ikaduhang termino).

Ang pagbuhat sa kulang nga pagsukod mahimong himoon nila sa ilang kaugalingon, kauban sa uban, o kauban sa ilang magtutudlo.
Ang kredito ihatag kon ang pagsukod iuli ngadto sa magtutudlo.

I-rekord nga 100% ang grado diha sa WISE alang niadtong moapil sa pagsukod sa nakat-onan diha sa grupo ug niadtong kinsa miuli sa pagbuhat sa kulang nga pagsukod.

Alang sa matag kurso sa kasulatan, duha ka rebyo sa pagsukod ang gikinahanglan (usa sa matag tradisyonal nga termino/semester). Kini nga mga rebyo kinahanglan nga ipahaom alang niadtong ubang mga eskedyul (sama sa trimester) aron masusi ang gitun-an nga mga tudling sa doktrinal nga kahanas. Alang sa mga pangutana mahitungod kon unsaon sa pagpahaom, palihog og email sa CES-Manuals@ChurchofJesusChrist.org.

KARAAN NGA GIKINAHANGLAN: Kompletohon ang kurso sa Pagsukod sa Pagkat-on nga adunay dili mominos nga 75% nga grado.
BAG-O: Apil sa kolaborasyon sa Pagsukod sa Nakat-onan sa Doktrinal nga Kahanas nga kasinatian.

Online ug Home-Study nga mga Buluhaton

Ang online ug home-study nga mga buluhaton kinahanglan nga kompletohon ug isumiter sumala sa mosunod:

Online nga mga Estudyante: Mokompleto sa pagsukod ug isumiter kini pinaagi sa Canvas.
Ang Home-Study nga mga Estudyante: Mokompleto sa pagsukod ug isumiter kini sumala sa gisulti sa magtutudlo sa home-study.

Pag-buhat og mga akomodasyon sa mga Estudyante nga may mga Kakulangan

Ang katuyoan sa mga akomodasyon sa pagsukod mao ang pagtabang sa mga estudyante nga dunay piho nga mga panginahanglan, mga kakulangan, o mga kahimtang sa panglawas nga makasalmot sa pagsukod nga patas susama ngadto sa ubang mga estudyante. Ang mga magtutudlo kinahanglan nga mohimo og tukma nga mga akomodasyon aron matubag ang piho nga mga panginahanglan, mga kakulangan, o mga problema sa panglawas sa ilang mga estudyante. Pagkat-on pa.

Mga Estudyante nga Nanghangyo og Pagbuhat sa Kulang nga mga Pagsukod alang sa 2020, 2021, ug 2022

Alang sa mga estudyante nga nanghangyo og pagbuhat sa kulang [makeup] nga mga pagsukod alang sa miaging mga tuig, ang mga magtutudlo mahimong mopakigbahin sa mga materyal sa Pagsukod sa Nakat-onan nga gipakita sa ubos. Ang pagbuhat sa kulang nga pagsukod mahimong himoon sa ilang mga kaugalingon o kauban sa uban. Ang kredito ihatag kon ang pagsukod ibalik ngadto sa magtutudlo, ug ang mga magtutudlo morekord niini nga 100%.

Pahinumdom: Ang bubble nga mga pahina kinahanglan nga dili gamiton; Ang ExcelSoft wala na aron moproseso sa mga pahina. 

Daang Tugon (2022)

Basahon ni Mormon (2020)

Doktrina ug mga Pakigsaad (2021)

Nanambong [Attendance]

Ang gikinahanglan nga pagtambong wala mausab. Ihatag ang kredito ngadto sa mga estudyante nga adunay dili mominos 75% nga partisipasyon. Ang pagtambong sa seminary mopanalangin sa mga estudyante sa ilang mga paningkamot nga mahimong tibuok kinabuhi nga mga disipulo ni Jesukristo.

“Ang seminary ug institute makatabang ninyo sa paghimo sa inyong panimalay nga santuwaryo sa hugot nga pagtuo—usa ka dapit diin ang ebanghelyo ni Jesukristo gitudlo, gikat-onan, gisunod, ug gihigugma.… “Ang paggradwar sa seminary ug institute mopalambo sa inyong abilidad nga molambo sa labing importanting mga butang nga inyong himoon gayod sa kinabuhi. Ang tinuod nga kalipay inyong maangkon!” (Presidente Russell M. Nelson, “A Personal Invitation to Participate in Seminary and Institute”).

Pahinumdom: Sa seminary nga atol sa mga oras nga tingklase [released-time seminary], ang mga pagpalta kinahanglan nga mahulipan sa dili pa ihatag ang kredito.

May Kalabotan nga mga Kapanguhaan

Ang Tumong sa Seminaries and Institutes of Religion