ការសម្របសម្រួលសម្រាប់សិស្សដែលមានពិការភាព ឬមានឧបសគ្គជីវិតផ្សេងៗទៀត
ផ្ដល់ការសម្របសម្រួលដល់សិស្សដែលមានពិការភាព ឬមានឧបសគ្គជីវិតផ្សេងៗទៀត ជួយពួកគេឲ្យទទួល និងសម្រេចបាននូវលទ្ធផលរៀនសូត្រដូចគ្នានឹងសិស្សដែលគ្មានឧបសគ្គទាំងនេះដែរ ។ ការដឹងពីរបៀបដើម្បីផ្ដល់ការសម្របសម្រួលដ៏ល្អបំផុតដល់ការរៀនសូត្ររបស់សិស្ស ចាប់ផ្ដើមដោយ គ្រូបង្រៀនស្គាល់សិស្សរបស់ពួកគាត់ « កាលណាអ្នកស្គាល់មនុស្សម្នាក់បានច្បាស់ នោះអ្នកអាចជួយពួកគាត់ឲ្យរកឃើញអត្ថន័យ និងអំណាចផ្ទាល់ខ្លួននៅក្នុងដំណឹងល្អរបស់ព្រះយេស៊ូវគ្រីស្ទកាន់តែប្រសើរឡើង ( ស្រឡាញ់អស់អ្នកដែលអ្នកបង្រៀន ការបង្រៀនតាមរបៀបរបស់ព្រះអង្គសង្គ្រោះ ) ។
គ្រូបង្រៀនគួរតែពិចារណាពីគោលការណ៍ណែនាំដូចខាងក្រោមនេះ នៅពេលធ្វើការការសម្របសម្រួលសម្រាប់សិស្ស ៖
ស្គាល់ពីតម្រូវការរបស់សិស្ស
កាលដែលគ្រូបង្រៀនពិចារណាពីតម្រូវការការរៀនសូត្រ និងការសម្របសម្រួលរបស់សិស្សពួកគាត់ ពួកគាត់អាចនឹងសួរខ្លួនឯង ៖
តើខ្ញុំដឹងថាសិស្សណាម្នាក់របស់ខ្ញុំដែលមានការលំបាកនឹង…
- ការអាន ?
- ការចងចាំ ឬបញ្ហានៃការយល់ដឹង ?
- ការរៀនសូត្រ និងការប្រើប្រាស់ភាសាទីពីរ ?
- ការស្ដាប់ឮ ឬការមើលឃើញ ?
- ភាពចល័តខាងរាងកាយ ?
- ការផ្ដោត ឬការមានសកម្មភាពហួសហេតុ ?
- ជំនាញខាងសង្គម ?
- បញ្ហាសុខភាពដែលប៉ះពាល់ដល់ការរៀនសូត្រ ឬការមករៀន ?
- ការថប់បារម្ភ ជំងឺបាក់ទឹកចិត្ត ឬបញ្ហាសុខភាពផ្លូវចិត្តផ្សេងៗទៀត ( Mental Health, Life Help, Gospel Library ) ?
- បញ្ហាគ្រួសារ ឬឧបសគ្គជីវិតផ្សេងៗទៀត ( សូមមើល Life Help, Gospel Library ) ?
តើខ្ញុំបាននិយាយជាមួយសិស្ស និងឪពុកម្ដាយ ឬអាណាព្យាបាលរបស់ពួកគេអំពីការសម្របសម្រួលនានាដែលអាចជាជំនួយនៅផ្ទះ ឬនៅសាលាហើយឬនៅ ?
ដាក់ផែនការសម្រាប់តម្រូវការរបស់សិស្ស
នៅពេលដែលបានដឹងពីតម្រូវការហើយ គ្រូបង្រៀនគួរតែធ្វើផែនការមួយដែលផ្ដល់ការសម្របសម្រួលដែលសមរម្យទៅនឹងតម្រូវការរបស់សិស្ស ។ គ្រូបង្រៀនអាចនឹងសួរខ្លួនឯងថា « តើខ្ញុំអាចជួយសិស្សនេះឲ្យរៀនសូត្រគោលការណ៍នេះ តាមរបៀបមួយដែលងាយយល់ និងបំពេញតម្រូវការរៀនសូត្ររបស់ពួកគេដោយរបៀបណា ? » វគ្គខាងក្រោមនេះផ្ដល់នូវការណែនាំសម្រាប់គ្រូបង្រៀន កាលដែលពួកគាត់ពិចារណាពីការសម្របសម្រួលនានាសម្រាប់សិស្សដែលកំពុងខិតខំបំពេញតាមតម្រូវការទាំងឡាយនៃថ្នាក់សិក្ខាសាលា ៖
១. តម្រូវការវត្តមាន ៖ ដោយសារតែពិការភាព បញ្ហាសុខភាព ឬឧបសគ្គជីវិតផ្សេងទៀត សិស្សមួយចំនួនប្រហែលជាមិនអាចបំពេញតាមតម្រូវការវត្តមានបានទេ ។ ការសម្របសម្រួលនានាសម្រាប់សិស្សទាំងនេះអាចខុសគ្នា ហើយត្រូវបានកំណត់ដោយគ្រូបង្រៀនម្នាក់ៗ ។ នៅក្នុងការពិគ្រោះជាមួយនឹងសិស្ស និងឪពុកម្ដាយ ឬអាណាព្យាបាលរបស់ពួកគេ យុទ្ធសាស្ត្រផ្ដល់កិច្ចការបន្ថែមសម្រាប់វត្តមានអាច និងគួរតែខុសៗគ្នាចំពោះសិស្សម្នាក់ៗ ។
២. តម្រូវការការអាន ៖ សម្រាប់សិស្សដែលមានពិការភាពក្នុងការអាន ឬការមើលឃើញចុះខ្សោយ ការទទួលបានការអានដែលត្រូវការអាចត្រូវបានផ្តល់ឲ្យតាមវិធីផ្សេងជំនួសវិញ ដោយមិនកំណត់ចំពោះតែចំណុចទាំងនេះ រួមមាន ៖
- ការស្ដាប់សំឡេងនៃការអានដែលតម្រូវនោះ ។
- ការប្រើកម្មវិធីសំណេរទៅជាការនិយាយអនឡាញ ( កម្មវិធីជាច្រើនមិនគិតថ្លៃទេ ) ។
- ការអនុញ្ញាតឲ្យសិស្សអានជាមួយនឹងមិត្តភក្ដិ គ្រូបង្រៀន សមាជិកគ្រួសារ ឬថ្នាក់ដឹកនាំសាសនាចក្រ ។
- ការផ្ដល់ឲ្យនូវសំណេរធំៗ ឬអក្សរសម្រាប់មនុស្សពិការភ្នែក ។
- ការប្រើប្រាស់ធនធាន ដំណើររឿងព្រះគម្ពីរ ដើម្បីមើល អាន ឬស្ដាប់ដល់ដំណើររឿងព្រះគម្ពីរសាមញ្ញតាមអនឡាញ ។
- ការប្រើប្រាស់សៀវភៅគំនូរព្រះគម្ពីរដែលមាននៅ មជ្ឈមណ្ឌលចែកចាយរបស់សាសនាចក្រ ។
- ការមើលវីដេអូដែលផលិតដោយសាសនាចក្រ « Scriptural Reenactments and Teaching » ។
- ការស្ដាប់ បណ្ដុំការថតសំឡេង ដែលផលិតដោយសាសនាចក្រ ។
៣. តម្រូវការការវាយតម្លៃ ៖ គ្រូបង្រៀនគួរតែខិតខំផ្ដល់ការសម្របសម្រួលក្នុងការវាយតម្លៃ ដែលនឹងជួយសិស្សដែលមានពិការភាព ឬមានឧបសគ្គជីវិតផ្សេងៗទៀតឲ្យចូលរួមស្មើភាពគ្នានឹងសិស្សផ្សេងៗទៀតដែរ ។ ការសម្របសម្រួលនានាអាចរួមមាន ៖
- ការអនុញ្ញាតឲ្យធ្វើការឆ្លើយតបតាមពាក្យសម្ដី ពេលដែលមានការពិបាកក្នុងការឆ្លើយតបដោយការសរសេរ ។
- ការអនុញ្ញាតឲ្យមានពេលវេលាដំណើរការគ្រប់គ្រាន់ មុននឹងសិស្សឆ្លើយតប ។
- ការអនុញ្ញាតឲ្យធ្វើការវាយតម្លៃ និងការឆ្លើយតបដោយប្រាស្រ័យទាក់ទងតាមវិធីផ្សេងៗ ( ដោយផ្ទាល់មាត់ ដោយមើលឃើញ ។ល។ )
- ការផ្ដល់នូវជម្រើសនានាក្នុងការឆ្លើយតប ។
- សម្រាប់សិស្សដែលសមត្ថភាពក្នុងការនិយាយមានកម្រិត សូមអនុញ្ញាតឲ្យធ្វើកាយវិការ ប្រើភ្នែកសម្លឹងទៅទិសដៅជាក់លាក់មួយ ឬចង្អុលដើម្បីឆ្លើយតប ។
អនុវត្តផែនការ
គ្រូបង្រៀនអាចជួយកាត់បន្ថយឧបសគ្គដល់ការរៀនសូត្រដោយពិចារណាពី ៖
- របៀបបង្ហាញព័ត៌មាន ( ការបង្រៀន ការអាន រូបភាព វីដេអូ សំឡេង ការគាំទ្រពីមិត្តភក្ដិ ជាដើម ) ។
- របៀបដែលសិស្សឆ្លើយតប ( តាមពាក្យសម្ដី ដោយសរសេរ ដោយមើលឃើញ ជាមួយនឹងមិត្តភក្ដិ នៅក្នុងគំនិតរបស់ពួកគេ ជាដើម ) ។
- បរិយាកាស និងមជ្ឈដ្ឋាននៃការរៀនសូត្រ ( ពន្លឺ ការរៀបចំកន្លែងអង្គុយ កម្រិតសំឡេងរំខាន ជាដើម ) ។
- ពេលវេលានៃការណែនាំ ( ពេលវេលាសម្រាប់ការដំណើរការបន្ថែម ការសម្រាក ពេលវេលាបន្ថែមសម្រាប់ការប្រឡង ឬគម្រោងនានា ជាដើម ) ។
ធនធានបន្ថែមខាងក្រោមនេះអាចមានប្រយោជន៍ដល់គ្រូបង្រៀន កាលដែលពួកគាត់ផ្ដល់ការសម្របសម្រួលនានាសម្រាប់សិស្សដែលមានពិការភាព និងឧបសគ្គជីវិតផ្សេងៗទៀត ។
- Disabilities Resources, Life Help, Gospel Library
- Teaching Strategies for Children with Disabilities, Gospel Library
- « How can I help class members feel included? » Disability Services: Leaders, Gospel Library
- Life Help, Gospel Library
- Mental Health, Life Help, Gospel Library
- « Outside Resources » Disability Services: Resources, Gospel Library
- « Food Allergies » Disability Services: Leaders, Gospel Library
- « Service Animals » Disability Services: Leaders, Gospel Library
- General Handbook: Serving in The Church of Jesus Christ of Latter-day Saints, 38.8.27, Gospel Library