Umi anuncio profético Cristo nacimiento rehegua
Navidad árape, creyentekuéra jacelebra Jesucristo nacimiento, pe Tupã, ñande Ru Eterno, Ta’ýra Unigénito. Ko Devocional de Navidad de la Primera Presidencia-pe, omoĩva peteĩ modelo ñande celebración-pe ĝuarã, añe’ẽta umi Inacimiento profeciakuéra rehe.
Ndaipóri anuncio isignifikativovéva pe ángel aparición-gui Maria-pe.
“Upéramo pe ángel he’i: Maria, ani ekyhyje, ejuhúgui grásia Tupã renondépe.
“Ha péina ápe, econcebíta nde ryépe ha emoheñóita peteĩ membykaria’y, ha embohérata Jesús.
“Kóva tuicháta ha oñehenóita Hijo del Altísimo; ha Ñandejára, pe Tupã, ome’ẽta chupe David, itúva, trono :
“Ha orreináta Jacob rógape tapiaite ĝuarã, ha irreino ndaipahamo’ãi” (Lucas 1: 30–33).
Pe Tupã Ra’y nacimiento, vida ha ñemano ko yvy’ári ha’e esencial ñande Ru Yvagagua plan-pe “[ogueraha] haĝua a cabo la inmortalidad y la vida eterna del hombre” (Moises 1:39) Ko yvy ojejapo mboyve, Jesucristo ojeiporavo o’experimenta haĝua ko vida mortal ha ha’e haĝua pe Salvador oñeikotevẽva ojegueraha haĝua a cabo upe plan (tojehecha Moises 4;2). Túva Adán-pe oje’e oikuave’ẽ haĝua sacrificio “peteĩ semejanza-icha pe Unigenito del Padre sacrificio, henyhẽva grasia ha verdad-gui. Upévare [oñehekombo’e ], “ejapóta opa mba’e rejapóva pe Ta’ýra rérape, ha reñe’arrepentíta ha rehenóita Tupãme pe Ta’ýra rérape tapiate ĝuarã” (Moises 5:7–8).
Libro de Moises-pe jalee avei pe explicación ome’ẽva Tupã ko, “Iplan de salvación opavave yvyporape ĝuarã, pe che Unigénito ruguy rupive, oútava en el meridiano de los tiempos” (Moises 6:62). Ha’e omanda ñandéve ñañe’arrepenti ha jajebautiza pe “Ita’ýra Unigénito, rérape, henyhẽva grasia ha verdad-gui, ha’éva Jesucristo, pe único téra oñeme’ẽva debajo del cielo oútava rupi pe salvación umi yvyporakuéra ra’ýpe” (Moisés 6:52).
Isaias, peteĩ tuicha profeta Antiguo Testamento-gua, oanuncia pe Mesías nacimiento oútava: “…Ñandejaraite ome’ẽta peẽme señal” – he’i – : “Péina ápe peteĩ virgen oconcebíta, ha ome’ẽta a luz peteĩ hijo ha ombohérata Emanuel” (Isaias 7:14).
Isaías avei he’i:
“Peteĩ mitã onace ñandéve guarã, ta’ýra oñeme’ẽva ñandéve; ha principado oĩta ijati’y ári; ha hérata Admirable, Consejero, Tupã imbaretéva, Padre eterno, Príncipe de paz.
“Idominio ha py’aguapy ndopamo’ãi, David trono ha rréino ári oĩta, omoĩtava ha ojapotava jhuicio ha jhusticia ko’ãga ha tapiate peve” (Isaías 9:6–7).
Pe Cristo nacimiento avei ojerrevela umi profeta Mormón Kuatiañe’ẽpegua. Seiscientos años pe Salvador onace mboyve, Lehi ombo’e Tupã omopu’ãtaha umi judío apytépe “peteĩ Mesias, térã ambue ñe’ẽme, peteĩ Salvador del mundo” (1 Nefi 10:4).
Pe profeta Abinadi he’i:
“Ndoprofetisái piko Moisés chupekuéra pe Mesías jeju rehe, ha Tupã orredimitaha itavayguakuérape? Heẽ, ha jepeve opa profetakuéra oprofetisava’ekue yvóra ñepyrũmby guive---noñe’ẽi piko hetave térã mbovyve ko’ã mba’e rehe?
“Nde’íri piko hikuái Tupãite voi oguejytaha yvypóra ra’ykuéra apytépe, ha ojagarrataha ijehe kuimba’e ra’anga, ha ohotaha pu’aka reheve yvy ape ári?” (Mosiah 13:33–34).
Profeta Nefi ohai peteĩ ángel ohechauka hague chupe peteĩ virgen Nazaret távape, he’ívo: “Péina ápe, pe vírgen nde rehecháva ha’e pe Tupã Ra’y sy, hetepeguáva” (1 Nefi 11:18).
“Ha ojehu” – ohai Nefi – “ahecha ojegueraha chupe pe Espíritu-pe; ha upéi ojegueraha rire pe Espíritu-pe peteĩ ára pukukue oñe’ẽ chéve pe ángel, ha he’i: ¡Ema’ẽ!
” Ha ama’ẽ ha ahecha jey pe vírgen-pe, ha ogueraha peteĩ mitã ijyva ári.
“Ha pe ángel he’i chéve: Péina ápe pe Tupã Cordero, heẽ, pe Túva Ijapyra’ỹva Ra’y!” (1 Nefi 11; 19–21; tojehecha aveiAlma 7:9–10).
Opavave jaikuaa pe primer anuncio oñeme’ẽva’ekue Jesús nacimiento rire. Oñeme’ẽ hague ko anuncio celestial peteĩ atýpe, oje’éva ñandéve, ha’ékuri umi hente iñumildevéva orden social-pe upe épokape, oguereko peteĩ tuicha signifikado.
“Ha oĩ pastor kuéra upe región pegua, oma’ẽ ha oñatendéva pyhare jave en vigilia imymba kuérare.
“Ha kóina ápe, Peteĩ Tupã ángel oú hendapekuéra, ha pe Tupã gloria ojere hesekuéra imimbípe; ha tuicha oñemondýi hikuái.
“Ha katu pe ángel he’i chupekuéra: Ani pekyhyje, ko’ápe aguerugui peẽme guarã marandu porã ipyahúva ha penembovy’átava, ha’éva avei opavave tavapeguarã:
“ko árape onace peẽme ĝuarã, David távape, peteĩ Salvador, ha’éva pe Cristo el Señor. …
“Ha oú sapy’a pe ángel ndive peteĩ multitud de las huestes celestiales reheve, otupãitúva Tupãme ha he’íva:
“¡Gloria Tupãme amo yvate, ha ko yvy’apére py’aguapy, buena voluntad opa yvyporakuéra ndive guarã!” (Lucas 2:8–11, 13–14).
Pokã ára de diferencia pe Salvador nacimiento rire, oñe’anuncia upéva mokõi persona marangatúpe ( mokõi obrero templo-gua, ñahenoiháicha ko’ã árape):
“Ha péina ape, oikóva peteĩ kuimba’e Jerusalén-pe hérava Simeón, ha ko kuimba’e, jhusto ha ipy’aporãva, oha’arõva pe Israel consolación; ha pe Espíritu Santo oĩ hendive.
“Ha orrecibi revelación Espíritu Santo rupive nomanomo’ãiha ohechamboyve Cristo el Señor-pe.
“Ha oñemyañávo pe Espíritu-re, oú templo-pe. Ha pe mitã rú ha sý oguerahávo pe mitãme templo-pe, ojapo haĝua hese costumbre ley rehegua he’iháicha,
“upemarõ ha’e ohupi pe mitãme ijyvá ári, ha ohovasa Tupãme ha he’i:
“Ko’agã, Ñandejára, ehejáma ne rembiguáipe toho py’aguapýpe, ere haguéicha,
“ohecha gui che resa nde salvación” (Lucas 2:25–30).
Pe anuncio mokõiha ojejapókuri peteĩ kuña marangatúpe, témplope avei. Ana, umi escritura ohenóivape “profetisa… de edad muy avanzada…
“Ha’émava viuda ojapóma ochenta y cuatro años, ha nosẽiva templo-gui, oservíva ára ha pyhareve jave ayuno ha ñembo’épe.
“Ha ha’e, oĝuahẽvo pe hora, om’ẽ aguije Ñandejárape ha oñe’ẽ pe mitãre opa umi oha’arõva pe redención Jerusalén-pe” (Lucas 2:36–38).
Umi profesia ha umi anuncio acitava’ekue oñe’ẽ pe Salvador primera venida rehe. Ko’áĝa jajeprepara hína Ñandejára Segunda venidarã, peteĩ ára umi creyente oha’arõva con anhelo ha umi incrédulo okyhyje térã onega. Oje’e ñandéve “…[pepyta] en lugares santos y no [ser] movidos, hasta que venga el día del Señor; porque he aquí, viene pronto” (D. y C. 87:7). Umi “lugares santos” añetehápe oinclui pe templo ha fiel kumplimiento umi konvenio upépe jajapóvagui, ñande róga oje’atesora ha oñehekombo’ehápe ñane membykuéra, ha ñande puesto de responsabilidad oñe’asignava umi autoridades del sacerdocio rehe, oincluia misiones, templos ha ambue llamamiento ñakumplíva fielmente umi rama, barrio ha estakakuérape.
Jajepreparávo Isegunda Venida-rã ha japytávo lugares santos-pe, ñakontinua jacelebrávo Navidad, ndaha’éi peteĩ época de salutaciones ha “felices fiestas” háicha, ha katu pe Tupã Ra’y nacimiento celebración háicha, ha peteĩ tiempo ñanemandu’a haĝua Hekombo’ekuérare ha importancia eterna oguerekóva Ijexpiación. Ajerure’asy tañanderekojoja jajapóvo upéva.
Atestifika ko’ã mba’e añeteha, Upe ikumpleaño jacelebráva rérape, heẽ, Jesucristo rérape. Amén.