ព្យាការីនៅលើដែនដី ៖ ការព្យាករបច្ចុប្បន្នសង្កត់ធ្ងន់ចំពោះយុវមជ្ឈិមវ័យ
ការចាក់ផ្សាយប្រចាំឆ្នាំ ២០២៣ សម្រាប់ថ្នាក់ ស.&វ
ថ្ងៃទី ២៧ ខែ មករា ឆ្នាំ ២០២៣
សេចក្តីផ្ដើម
ខ្ញុំសូមបង្ហាញការដឹងគុណរបស់ខ្ញុំចំពោះគ្រូបង្រៀនខាងសាសនារបស់យើង សម្រាប់អ្វីៗទាំងអស់ដែលបងប្អូនធ្វើ ដើម្បីលើកទឹកចិត្តដល់យុវវ័យ និងយុវមជ្ឈិមវ័យនៅទូទាំងសាសនាចក្រ ។ មែនហើយ អនាគតរបស់សាសនាចក្រគឺមាននៅក្នុងថ្នាក់រៀនរបស់បងប្អូន ហើយខ្ញុំបន្តទទួលបានការបំផុសគំនិតតាមរបៀបដែលបងប្អូនបម្រើ និងការយកចិត្តទុកដាក់ដល់សិស្សរបស់បងប្អូន ។
ខ្ញុំសូមចាប់ផ្ដើមដោយនាំបងប្អូនទៅកាន់បទពិសោធន៍មួយជាមួយនឹងខ្ញុំ ជាបទពិសោធន៍ដែលខ្ញុំបានមាននៅរដូវស្លឹកឈើជ្រុះនេះនៅលើចំណុចកំពូលម៉ាឡាដ ជាចំណុចដ៏ខ្ពស់បំផុតនៅតាមចន្លោះផ្លូវពីទីក្រុងសលត៍លេក និងទីក្រុងរ៉េចប៊ើក រដ្ឋអៃដាហូ ។ ពេលធ្វើដំណើរទៅធ្វើកិច្ចការសាសនាចក្រ ខ្ញុំបានទទួលការបំផុសយ៉ាងច្បាស់ឲ្យស្ដាប់ការប្រជុំធម្មនិដ្ឋានយុវមជ្ឈិមវ័យរបស់ប្រធានរុស័ល អិម ណិលសុន ម្ដងទៀត ដែលមានចំណងជើងថា « ការជ្រើសរើសដែលជះឥទ្ធិពលលើភាពអស់កល្បជានិច្ច » ។ ពេលខ្ញុំបានទៅដល់ចំណុចកំពូលនោះ ខ្ញុំមានអារម្មណ៍ពីរយ៉ាង ។ ទីមួយ ខ្ញុំត្រូវបានសន្ធប់ដោយញាណនៃសេចក្ដីស្រឡាញ់របស់យុវមជ្ឈិមវ័យនៃសាសនាចក្រនេះ ។ ទីពីរ ខ្ញុំបានមានអារម្មណ៍ស្ញប់ស្ញែងនៅក្នុងអព្ភូតហេតុនៃការមានព្យាការីនៅរស់ ដែលត្រូវបានហៅឲ្យបង្រៀនដល់យុវមជ្ឈិមវ័យទាំងនេះនៅក្នុងគ្រាដ៏លំបាកៗ ។ ខ្ញុំបានឈប់ឡានដើម្បីកត់ត្រាទុកនូវការបំផុសដែលខ្ញុំបានទទួលពីមុននោះ ហើយដែលជាការបំផុសបាននាំខ្ញុំឲ្យចែកចាយជាមួយនឹងបងប្អូននៅថ្ងៃនេះ ។
យើងរស់នៅក្នុងគ្រាដ៏ចលាចលនានា ប៉ុន្តែព្រះអម្ចាស់បានប្រកាសថា « យើងនឹងប្រទានគំរូដល់អ្នក អំពីគ្រប់ទាំងអស់ ដើម្បីកុំឲ្យអ្នករាល់គ្នាអាចត្រូវគេបញ្ឆោតបាន ត្បិតសាតាំងកំពុងនៅពាសពេញលើដែនដី ហើយវាចេញទៅ ដោយបញ្ឆោតសាសន៍នានា » ។១ ប៉ុន្តែដូចដែលស៊ីស្ទើរ វិនឌី ណិលសុន បានបង្រៀនថា ខណៈដែលសាតាំងនៅលើដែនដីនេះដោយសេរី នោះយើងក៏មានព្យាការីម្នាក់នៅលើដែនដីនេះផងដែរ ដែលយើងអាចសម្លឹងទៅកាន់លោកដើម្បីបានសេចក្ដីពិត និងសេចក្ដីច្បាស់លាស់នៅក្នុងថ្ងៃចុងក្រោយនេះ ។២
នៅរាត្រីនេះ ខ្ញុំនឹងលើកឡើងពីប្រធានបទដែលជាការព្យាករចំនួនប្រាំ ដែលព្យាការី និងពួកសាវកបានសង្កត់ធ្ងន់ ពិសេសចំពោះយុវមជ្ឈិមវ័យនៃសាសនាចក្រ ។ ប្រសិនបើខ្ញុំកំពុងដឹកនាំវគ្គសិក្សា នៃការបង្រៀនរបស់ព្យាការីនៅរស់ នៅឆមាសក្រោយ នោះប្រធានបទទាំងនេះនឹងជាចំណុចសំខាន់នៃកម្មវិធីសិក្សានោះ ។ មិនថាវគ្គសិក្សាជាក់លាក់ណាមួយទេដែលអ្នកកំពុងបង្រៀន ខ្ញុំសង្ឃឹមថា បងប្អូននឹងអនុញ្ញាតធ្វើឲ្យសារទាំងនេះជះឥទ្ធិពលដល់ទាំងកម្មវិធីសិក្សារបស់បងប្អូនផង និងដល់របៀបដែលបងប្អូនបង្រៀន និងផ្ដល់ការងារបម្រើដល់សិស្សរបស់បងប្អូនផង ។
ការព្យាករបច្ចុប្បន្នចំនួនប្រាំដែលសង្កត់ធ្ងន់ហើយ យើង នឹង ឆ្លុះ បញ្ចាំង រួម មាន ៖
-
ស្គាល់ពីអត្តសញ្ញាណដ៏ទេវភាពរបស់បងប្អូន ។
-
ទទួលយកព្រះចេស្ដានៃព្រះយេស៊ូវគ្រីស្ទ និងសេចក្ដីសញ្ញារបស់បងប្អូន ។
-
ទុកឲ្យព្រះឈ្នះ ហើយធ្វើតាមព្យាការីរបស់ទ្រង់ ។
-
បង្រៀនសេចក្ដីពិតដោយសេចក្ដីស្រឡាញ់ ។
-
ទទួលខុសត្រូវលើទីបន្ទាល់របស់បងប្អូន ។
១. ស្គាល់ពីអត្តសញ្ញាណដ៏ទេវភាពរបស់បងប្អូន
បើខ្ញុំកំពុងព្យាយាមយល់ពីការសង្កត់ធ្ងន់ដែលជាការព្យាករមកពីព្យាការីទាក់ទងនឹងយុវមជ្ឈិមវ័យ នោះខ្ញុំនឹងចាប់ផ្ដើមជាមួយនឹងការប្រជុំយុវមជ្ឈិមវ័យទូទាំងពិភពលោកថ្មីៗនេះ និងសារលិខិតរបស់លោកដែលមានចំណងជើងថា « ការជ្រើសរើសដែលជះឥទ្ធិពលលើភាពអស់កល្បជានិច្ច » ។ យុវមជ្ឈិមវ័យជាច្រើនសព្វថ្ងៃនេះ កំពុងមានការលំបាក ដោយសារពួកគេមិនយល់ពីអត្តសញ្ញាណពិតរបស់ខ្លួន ។ ប្រធាន ណិលសុន បានសួរថា ៖
« តើក្មួយៗជានរណា ?
ដំបូង ហើយសំខាន់បំផុត ក្មួយៗគឺជាបុត្ររបស់ព្រះ ។
ទីពីរ ក្នុងនាមជាសមាជិកសាសនាចក្រ ក្មួយៗគឺជាបុត្រនៃសេចក្ដីសញ្ញា ។ និងទីបី ក្មួយៗគឺជាសិស្សរបស់ព្រះយេស៊ូវគ្រីស្ទ » ។៣
សូមកត់ចំណាំថា ប្រធាន ណិលសុន បង្រៀនដោយការយល់ចិត្ត និងដោយសេចក្ដីស្រឡាញ់ ប៉ុន្តែលោកនៅតែបង្រៀននូវសេចក្ដីពិតដ៏សំខាន់អំពីអត្តសញ្ញាណដ៏ទេវភាព ។ សូមស្ដាប់សេចក្ដីយោងខាងក្រោមនេះពីសុន្ទរកថារបស់លោក ។
[ ចាប់ផ្ដើមវីដេអូ ]
ប្រធាន រ័សុល អិម ណិលសុន ៖ « ពិតណាស់ វាអាចនឹងមានស្លាកផ្សេងៗដែលមានសារៈសំខាន់ខ្លាំងចំពោះក្មួយៗ ។ សូមកុំយល់ច្រឡំពីខ្ញុំ ។ ខ្ញុំពុំមែននិយាយថា ងារ និងអត្តសញ្ញាណផ្សេងទៀតមិនសំខាន់នោះទេ ។ ខ្ញុំគ្រាន់តែនិយាយថា ពុំគួរមានអត្តសញ្ញាណណាមួយដែលគួរមក ប្ដូរ, ជំនួសឬ មានអាទិភាពខ្លាំងជាង ងារដ៏និរន្តរ៍ទាំងបីនេះឡើយ រួមមាន ៖ ‹ បុត្រនៃព្រះ › ‹ បុត្រនៃសេចក្ដីសញ្ញា › និង ‹ សិស្សនៃព្រះយេស៊ូវគ្រីស្ទ › ។
អត្តសញ្ញាណណាមួយដែលមិនសមស្របជាមួយនឹងងារជាគោលទាំងបីនេះ នឹងធ្វើឲ្យក្មួយអស់សង្ឃឹមនៅទីបំផុត ។ ងារផ្សេងទៀតនឹងធ្វើឲ្យក្មួយខកចិត្តនៅពេលណាមួយ ដោយសារវាគ្មានអំណាចដឹកនាំក្មួយទៅរកជីវិតដ៏នៅអស់កល្បជានិច្ចនៅក្នុងនគរសេឡេស្ទាលរបស់ព្រះបានឡើយ » ។៤
[ បញ្ចប់វីដេអូ ]
ការសង្កត់ធ្ងន់ដែលជាការព្យាករទីមួយសម្រាប់យុវមជ្ឈិមវ័យ ដែលយើងលើកឡើង គឺដើម្បីជួយដល់ពួកគេឲ្យស្គាល់អត្តសញ្ញាណដ៏ទេវភាពរបស់ពួកគេ ។ ខ្ញុំសូមផ្ដល់យោបល់ឲ្យបងប្អូនស្ដាប់ ឬអានសុន្ទរកថាទាំងមូលរបស់ប្រធាន ណិលសុន នៅក្នុង « ការជ្រើសរើសដែលជះឥទ្ធិពលលើភាពអស់កល្បជានិច្ច » ទុកជាធនធានដ៏សំខាន់មួយសម្រាប់បងប្អូន ក្នុងនាមជាគ្រូបង្រៀនសាសនាម្នាក់ដែលធ្វើកិច្ចការជាមួយយុវមជ្ឈិមវ័យ និងយុវវ័យរបស់សាសនាចក្រ ។
២. ទទួលយកព្រះចេស្ដានៃព្រះយេស៊ូវគ្រីស្ទ និងសេចក្ដីសញ្ញារបស់បងប្អូន
ទីពីរ ដើម្បីរក្សាអត្តសញ្ញាណដ៏ទេវភាព យើងត្រូវតែបង្រៀនយុវមជ្ឃិមវ័យរបស់យើងឲ្យទទួលយកព្រះចេស្ដានៃព្រះយេស៊ូវគ្រីស្ទដោយការរក្សានូវសេចក្តីសញ្ញារបស់ពួកគេ ។ ប្រធាន ណិលសុន បានបង្រៀនថា ៖ « អ្វីគ្រប់យ៉ាងដែលបានបង្រៀននៅក្នុងព្រះវិហារបរិសុទ្ធ តាមរយៈការណែនាំ និងតាមរយៈព្រះវិញ្ញាណ នឹងបង្កើនការយល់ដឹងរបស់យើងអំពីព្រះយេស៊ូវគ្រីស្ទ ។ ពិធីបរិសុទ្ធដ៏ចាំបាច់ទាំងឡាយរបស់ទ្រង់ចងភ្ជាប់យើងទៅនឹងទ្រង់ តាមរយៈសេចក្តីសញ្ញាដ៏ពិសិដ្ឋនៃបព្វជិតភាព ។ បន្ទាប់មក នៅពេលយើងរក្សាសេចក្តីសញ្ញារបស់យើង នោះទ្រង់នឹងប្រទានព្រះចេស្ដានៃការព្យាបាល ព្រះចេស្ដានៃការពង្រឹង របស់ទ្រង់ មកដល់យើង ។ ហើយយើងនឹងត្រូវការព្រះចេស្តារបស់ទ្រង់សម្រាប់ថ្ងៃខាងមុខកាន់តែខ្លាំង » ។៥
កាលពីឆ្នាំមុន ខ្ញុំបានថ្លែងសុន្ទរកថានៅការប្រជុំធម្មនិដ្ឋាន ប៊ី.វ៉ាយ.យូ. ដែលមានចំណងជើងថា « Finding Christ’s Peace in Perilous Times ( ការស្វែងរកភាពសុខសាន្តរបស់ព្រះគ្រីស្ទនៅក្នុងគ្រាដ៏មានគ្រោះថ្នាក់ ) » ដែលខ្ញុំបានដកស្រង់ប្រសាសន៍របស់ប្រធាន ណិលសុន ជាច្រើនដង ។៦ បន្ទាប់ពីការប្រជុំធម្មនិដ្ឋាន នាយកម្នាក់របស់យើងបាននិយាយថា គាត់ស្រឡាញ់ការដកស្រង់ ដែលខ្ញុំបានប្រើមកពីប្រធាន ណិលសុន ។ ខ្ញុំបានពន្យល់ថា តាមពិតទៅមានការដកស្រង់ចំនួនបួនខុសៗគ្នាដែលខ្ញុំបានដកស្រង់ទាំងអស់នោះមានរចនាសម្ព័ន្ធស្រដៀងគ្នា ។
ប្រធាន ណិលសុន បានប្រើប្រាស់បណ្ដុំឃ្លា ដែលនៅខាងឆ្វេងនៃសេចក្ដីថ្លែងនីមួយៗ លោកនិយាយអំពីការលំបាក គ្រោះថ្នាក់ ការថប់បារម្ភ និងភាពចលាចលនៃថ្ងៃចុងក្រោយនេះ ។ នៅខាងស្ដាំនៃបណ្ដុំឃ្លានោះ លោកប្រកាសដោយមានទំនុកចិត្ត និងសេចក្ដីសង្ឈឹមថា តាមរយៈព្រះយេស៊ូវគ្រីស្ទ និងការរក្សាសេចក្ដីសញ្ញារបស់យើងក្នុងទ្រង់ នោះយើងអាចយកឈ្នះឧបសគ្គទាំងនេះបាន ។ ខ្ញុំរាប់មិនតិចជាងប្រាំពីរបណ្ដុំឃ្លាទាំងនេះនៅក្នុងសារសន្និសីទទូទៅរបស់ប្រធាន ណិលសុន តាំងពីលោកបានក្លាយជាព្យាការី ។ ចូរយើងគ្រាន់តែមើលទៅសុន្ទរកថាពីររបស់លោក « ព្រះវិហារបរិសុទ្ធ និងគ្រឹះខាងវិញ្ញាណរបស់បងប្អូន » ។
ការដកស្រង់#១ ៖ « បងប្អូនប្រុសស្រីជាទីស្រឡាញ់ សម័យនេះគឺ ជា សម័យចុងក្រោយហើយ ។ បើសិនបងប្អូន និងខ្ញុំត្រូវយកឈ្នះលើគ្រោះថ្នាក់ និងសម្ពាធនានាក្នុងពេលខាងមុខ នោះវាចាំបាច់ណាស់ដែលយើងម្នាក់ៗត្រូវមានគ្រឹះ ដ៏រឹងមាំ ខាងវិញ្ញាណដែល សង់នៅលើគ្រឹះនៃព្រះអង្គសង្រ្គោះ ជាព្រះយេស៊ូវគ្រីស្ទរបស់យើង ។៧
ការដកស្រង់#២ ៖ « ព្រះអម្ចាស់បានប្រកាសថា ទោះជាមានឧបសគ្គដែលមិនធ្លាប់មានពីមុនមកក្តី ក៏អស់អ្នកដែលសង់គ្រឹះនៅលើព្រះយេស៊ូវគ្រីស្ទ ហើយរៀនប្រើប្រាស់ព្រះចេស្តារបស់ទ្រង់ ពុំចាំបាច់ចុះចាញ់នឹងការថប់បារម្ភប្លែកៗនៅយុគសម័យនេះដែរ » ។៨
ជាថ្មីម្ដងទៀត នៅក្នុងសេចក្ដីថ្លែងទាំងពីរនេះ ព្យាការីចាប់ផ្ដើមដោយការទទួលស្គាល់ពីឧបសគ្គដែលយើងនឹងប្រឈមនៅក្នុងថ្ងៃចុងក្រោយនេះ ។ បន្ទាប់មក លោកបន្តជាមួយនឹងការសន្យាមួយថា យើងអាចយកឈ្នះឧបសគ្គទាំងនោះ និងការថប់បារម្ភដែលទាក់ទងនឹងឧបសគ្គទាំងនេះបាន ពេលដែលយើងបែរទៅរកព្រះអង្គសង្គ្រោះ ហើយរៀនទទួលយកអំណាចរបស់ទ្រង់ ។
ដំបូងឡើយ ពេលដែលខ្ញុំបានស្គាល់ពីលំនាំនេះ ខ្ញុំបានគិតថា សេចក្ដីយោងអំពីព្រះយេស៊ូវគ្រីស្ទមានន័យថា បើសិនជាខ្ញុំចាក់គ្រឹះ ទីបន្ទាល់ របស់ខ្ញុំលើព្រះអង្គសង្គ្រោះ នោះខ្ញុំអាចអត់ធន់នឹងការសាកល្បងទាំងឡាយដែលមាននៅក្នុងថ្ងៃចុងក្រោយនេះបាន ។ ប៉ុន្តែ ខ្ញុំក៏បង្កើនការជឿថា ប្រធាន ណិលសុន កំពុងហៅយើងឲ្យក្លាយ ដូចជាព្រះអង្គសង្គ្រោះ ។
ប្រហែលនេះជាអ្វីដែលអែលឌើរ ជែហ្វ្រី អ័រ ហូឡិន ចង់មានន័យ កាលលោកឲ្យយើង « ប្រែក្លាយជាពួកបរិសុទ្ធម្នាក់តាមរយៈ‘ដង្វាយធួនរបស់ព្រះគ្រីស្ទជាព្រះអម្ចាស់ » នៅក្នុងសាររបស់លោកទៅកាន់យុវមជ្ឈិមវ័យនៅ ប៊ី.វៃ.យូ. កាលពីដើមឆ្នាំនេះ ។
[ ចាប់ផ្ដើមវីដេអូ ]
អែលឌើរ ជែហ្វ្រី អ័រ ហូឡិន ៖ « ស្ដេចបេនយ៉ាមីនបានបង្រៀនថា គោលបំណងជាមូលដ្ឋាននៃជីវិតរមែងស្លាប់ —ប្រហែលជាគោលបំណង ជា មូលដ្ឋាននៃជីវិតរមែងស្លាប់ គឺដើម្បី « ក្លាយទៅជាអ្នកបរិសុទ្ធវិញ តាមរយៈដង្វាយធួននៃព្រះគ្រីស្ទដ៏ជាព្រះអម្ចាស់ ដែលនឹងតម្រូវពីយើង—កាលទ្រង់បន្តមានបន្ទូលថា—ក្លាយទៅ‹ ដូចជាកូនក្មេង ងាយប្រដៅ ស្លូតបូត ទាបរាបសា អត់ឱន ពោរពេញទៅដោយសេចក្ដីស្រឡាញ់ ព្រមទទួលនូវអ្វីៗទាំងអស់ ដែលព្រះអម្ចាស់ទ្រង់ទតឃើញថាល្អ ដូចជាកូនក្មេងព្រមធ្វើតាមឪពុកខ្លួនដូច្នោះ › [ ម៉ូសាយ ៣:១៩ ការគូសបញ្ជាក់បានបន្ថែម ] » ។៩
[ បញ្ចប់វីដេអូ ]
៣. ទុកឲ្យព្រះឈ្នះ ហើយធ្វើតាមព្យាការីរបស់ទ្រង់
ដើម្បីជួយយុវមជ្ឈិមវ័យស្គាល់ពីអត្តសញ្ញាណដ៏ទេវភាពរបស់ពួកគេ ហើយទទួលយកព្រះចេស្តាមកពីព្រះយេស៊ូវគ្រីស្ទ នោះយើងត្រូវតែបង្រៀនពួកគេឲ្យទុកព្រះជាទីមួយ និងធ្វើតាមព្យាការីរបស់ទ្រង់ផងដែរ ។ គ្មាននរណាបង្រៀនពីសារនេះប្រកបដោយឥទ្ធិពលជាងការបង្រៀនរបស់ប្រធាន ណិលសុន « ទុកឲ្យព្រះឈ្នះ » នោះទេ ។ ដូចជាការសម្ភាសសាសនាចក្រទាំងមូល ព្យាការីសុំយើងឲ្យធ្វើតាមសំណួរចំនួនប្រាំមួយ ៖
-
« តើ បងប្អូន ស្ម័គ្រចិត្តទុកឲ្យព្រះឈ្នះនៅក្នុងជីវិតរបស់បងប្អូនដែរឬទេ ?
-
តើ បងប្អូន ស្ម័គ្រចិត្តទុកឲ្យព្រះមានឥទ្ធិពលខ្លាំងបំផុតនៅក្នុងជីវិតរបស់បងប្អូនដែរឬទេ ?
-
តើបងប្អូននឹងអនុញ្ញាតឲ្យព្រះបន្ទូលទ្រង់ បទបញ្ញត្តិរបស់ទ្រង់ និងសេចក្តីសញ្ញារបស់ទ្រង់មានឥទ្ធិពលលើអ្វីដែលបងប្អូនធ្វើរាល់ថ្ងៃដែរឬទេ ?
-
តើបងប្អូននឹងអនុញ្ញាតឲ្យព្រះសូរសៀងរបស់ទ្រង់មានអាទិភាពលើសសំឡេងដទៃទៀតដែរឬទេ ?
-
តើបងប្អូន ស្ម័គ្រចិត្ត ទុកឲ្យអ្វីក៏ដោយដែលទ្រង់សព្វព្រះទ័យឲ្យបងប្អូនធ្វើ មានអាទិភាពជាងមហិច្ឆិតាផ្សេងទៀតដែរឬទេ ?
-
តើបងប្អូន ស្ម័គ្រចិត្ត ដើម្បីដាក់ឆន្ទៈខ្លួនទៅក្នុងព្រះទ័យទ្រង់ដែរឬទេ ? »១០
ជាច្រើនឆ្នាំកន្លងទៅ ខ្ញុំបានមានបទពិសោធន៍ដែលធ្វើឲ្យអត្ថន័យនៃឃ្លាថា ទុកឲ្យព្រះឈ្នះនៅក្នុងជីវិតខ្ញុំ មានន័យចំពោះខ្ញុំ ។ បន្ទាប់ពីអាជីពទាក់ទងនឹងការសិក្សាដំបូងនៅឆ្នេរខាងកើត វាច្បាស់ណាស់ថា ព្រះអម្ចាស់បានរៀបចំផ្លូវផ្សេងមួយសម្រាប់គ្រួសារខ្ញុំនិងខ្ញុំទៅកាន់ទីក្រុងរ៉េចប៊ើក រដ្ឋអៃដាហូ ។ នៅពេលនោះខ្ញុំត្អូញត្អែរដាក់ភរិយារបស់ខ្ញុំថា « បងមានអារម្មណ៍ដូចជាកំឡោះអ្នកមានម្នាក់ ហើយមានតែបងប៉ុណ្ណោះដែលដឹងពីចុងបញ្ចប់នៃរឿងប្រៀបធៀបនោះ ដូច្នេះបងនឹងដើរតាមផ្លូវដែលយើងកំពុងត្រូវបាននាំទៅ » ។
នេះប្រហែលមិនមែនជាអាកប្បកិរិយាដ៏ល្អបំផុតដែលខ្ញុំបានជ្រើសរើសទេ ។ ព្រឹកបន្ទាប់នោះនៅឯការប្រជុំថ្នាក់ដឹកនាំស្តេក អ្នកឡើងនិយាយម្នាក់បានពិភាក្សាពីរឿងប្រៀបធៀបដដែល ដែលខ្ញុំបានត្អូញត្អែរដាក់ភរិយាខ្ញុំកាលពីយប់ ។ គាត់បាននិយាយថា គាត់មានអារម្មណ៍អាណិតកំឡោះអ្នកមាននោះ ដែលរៀបរាប់នៅក្នុងគំនូរប្រៀបធៀបរបស់ ហ៊ិនរីច ហុហ្វមែន ។ គាត់បានពិពណ៌នាពីរបៀបដែលកំឡោះអ្នកមាន ហាក់ដូចជាងាកមុខចេញដើម្បីគិតពីអ្វីៗគ្រប់យ៉ាងដែលគាត់នឹងបោះបង់ចោល ។ ទង្វើនៃការងាកចេញនេះ បានរារាំងគាត់ពីការមើលឃើញផ្លូវដែលប្រសើរជាងនោះ ដែលព្រះអង្គសង្គ្រោះកំពុងដឹកនាំគាត់ទៅ ។ គ្រប់ពេល ដែលយើងទុកឲ្យព្រះឈ្នះនៅក្នុងជីវិតរបស់យើង នោះយើងកំពុងលះបង់ខ្លួនឯង ដើម្បីអ្វីដែលល្អប្រសើរជាងនៅក្នុងព្រះយេស៊ូវគ្រីស្ទ ។
លំនាំនៃការទុកឲ្យព្រះឈ្នះ ក៏តម្រូវយើងឲ្យស្វែងរក និងទទួលវិវរណៈផ្ទាល់ខ្លួនផងដែរ ។ ប្រធាន ណិលសុន បានបង្រៀនការណ៍នេះនៅក្នុងសាររបស់លោកក្នុង « Revelation for the Church, Revelation for Our Lives ( វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង ) » ។១១ ការណែនាំពីស្ថានសួគ៌មិនត្រឹមតែមាននៅក្នុងការបម្រើក្នុងសាសនាចក្ររបស់លោកប៉ុណ្ណោះទេ ប៉ុន្តែនៅក្នុងការជ្រើសរើសក្នុងជីវិតរបស់លោកផងដែរ កន្លែងរស់នៅ ការអប់រំរបស់លោក អ្នកដែលត្រូវរៀបការជាមួយ ការងារអាជីពរបស់លោក នៅក្នុងការចិញ្ចឹមកូនរបស់លោក ។ ការរៀនតាមលំនាំនៃការទទួលវិវរណៈផ្ទាល់ខ្លួននេះ គឺជាជំហានទីមួយក្នុងការទុកឲ្យព្រះឈ្នះនៅក្នុងជីវិតរបស់យើង ។ វាក៏នឹងជួយដល់យុវមជ្ឈិមវ័យរបស់យើងឲ្យស្វែងរក និងទទួលវិវរណៈដែលនឹងផ្ដល់ពរជ័យដល់ពួកគេឲ្យធ្វើការសម្រេចចិត្តក្នុងរដូវកាលដ៏សំខាន់នេះ ។
៤. បង្រៀនសេចក្ដីពិតដោយសេចក្ដីស្រឡាញ់ ។
ប្រសិនបើបងប្អូនបានមើលពីរបៀបដែលព្យាការី និងសាវកបង្រៀន បងប្អូននឹងកត់សម្គាល់ពីលំនាំនៃការបង្រៀនសេចក្ដីពិត សូម្បីតែពេលប្រឈមមុខនឹងការរិះគន់ក្តី ។ ពួកលោកធ្វើការណ៍នេះដោយសេចក្ដីស្រឡាញ់ និងការបារម្ភដូចជាព្រះគ្រីស្ទចំពោះមនុស្សដទៃទៀត ប៉ុន្តែពួកលោកនៅតែបង្រៀនសេចក្តីពិតដែលពួកគេត្រូវបានបញ្ជាឲ្យបង្រៀន ។ ប្រធាន ណិលសុន បានបង្ហាញពីលំនាំនៃការបង្រៀនសេចក្ដីពិតដោយសេចក្ដីស្រឡាញ់នេះ នៅពេលលោកបានបង្រៀនពីភាពសំខាន់នៃអត្តសញ្ញាណដ៏អស់កល្បនៅក្នុងសារលិខិតទូទាំងពិភពលោកដល់យុវមជ្ឈិមវ័យរបស់លោក ។១២ លោកបានធ្វើដូច្នេះ នៅពេលលោកបានបង្រៀនអំពីទំនាក់ទំនងរវាងសេចក្ដីស្រឡាញ់ និងក្រឹត្យវិន័យរបស់ព្រះ ។១៣ ប្រធាន ដាល្លិន អេក អូក បានមានប្រសាសន៍អំពីការទទួលខុសត្រូវនេះនៅក្នុងសុន្ទរកថារបស់លោកទៅកាន់យុវមជ្ឈិមវ័យ នៅមហាវិទ្យាល័យអិនសាញកាលពីឆ្នាំមុន ។
[ ចាប់ផ្ដើមវីដេអូ ]
ប្រធាន ដាល្លិន អេក អូក ៖ « ការបង្ហាញការគោរពមិនមែនមានន័យថា យើងដើរចេញពីការជឿ និងគោលលទ្ធិគ្រឹះរបស់យើងអំពីគ្រួសារ និងសារៈសំខាន់របស់វា ចំពោះផែនការរបស់ព្រះសម្រាប់ជោគវាសនាដ៏អស់កល្បរបស់បុត្រាបុត្រីទ្រង់ ដូចដែលបានបើកសម្ដែងនៅក្នុងសេចក្ដីប្រកាសក្រុមគ្រួសារនោះទេ ។
សូមចងចាំពីការទទួលខុសត្រូវ ដែលយើងជាសមាជិកនៃគណៈប្រធានទីមួយ និងកូរ៉ុមនៃពួកដប់ពីរនាក់មាន ក្នុងនាមជាសាវករបស់ព្រះអម្ចាស់ព្រះយេស៊ូវគ្រីស្ទ ។ យើងត្រូវតែប្រកាសពីសេចក្ដីពិតតាមដែលព្រះបានបើកសម្ដែង ។ យើងមិនមែនជ្រើសរើសដោយសេរីនូវសេចក្ដីពិតដែលយើងនឹងផ្សព្វផ្សាយ និងការពារនោះទេ » ។១៤
[ បញ្ចប់វីដេអូ ]
នៅក្នុងសុន្ទរកថាដដែលនោះ ប្រធាន អូក បានពិពណ៌នារបៀបប្រាំយ៉ាង ដែលយើងអាចបង្រៀនសេចក្ដីពិតដោយសេចក្ដីស្រឡាញ់ ៖
-
ជៀសវាងមជ្ឈដ្ឋានដែលមានជម្លោះច្រើន
-
ស្រឡាញ់អ្នកដទៃ ស្វែងរកចំណុចរួម សូម្បីតែនៅពេលយើងមិនយល់ស្របគ្នាក្តី ។
-
កាន់ខ្ជាប់នូវសេចក្ដីពិត សូម្បីតែក្នុងការឈោងទៅជួយអ្នកដទៃក៏ដោយ ។
-
ធ្វើជាពន្លឺដល់ពិភពលោក ។
-
បន្តចាក់គ្រឹះនៅក្នុងព្រះយេស៊ូវគ្រីស្ទ ។
មនុស្សខ្លះនឹងប្រកែកថា ដើម្បីស្រឡាញ់មនុស្សដទៃគឺតម្រូវឲ្យយើងទម្លាក់តម្លៃសេចក្ដីពិតនៃព្រះ ។ ប៉ុន្តែចូរកត់សម្គាល់ពីដំបូន្មានរបស់ប្រធាន អូក ឲ្យតោងជាប់នឹងសេចក្ដីពិតសូម្បីតែនៅពេលយើងឈោងទៅជួយអ្នកដទៃក៏ដោយ ។ និយាយម្យ៉ាងទៀត ទាំងនេះមិនមែនប្រកួតប្រជែងជម្រើសនោះទេ ។ សូមស្ដាប់ដំបូន្មានរបស់អែលឌើរ ហូឡិន អំពីការណ៍នេះ ពេលដែលលោកបានមានប្រសាសន៍ទៅកាន់ក្រុមប្រឹក្សា និងបុគ្គលិក ប៊ី.វ៉ាយ.យូ. នៃសារៈសំខាន់ពីការទទួលតុល្យភាពនេះឲ្យបានត្រឹមត្រូវ ។
[ ចាប់ផ្ដើមវីដេអូ ]
អែលឌើរ ហូឡិន ៖ « យើងត្រូវតែប្រុងប្រយ័ត្នថា សេចក្ដីស្រឡាញ់ និងការយល់ចិត្តមិនត្រូវបានកាត់យល់ថា ជាការលើកលែងទោស និងការតស៊ូមតិ ។ ឬថា ការជឿសាសនា និងភាពស្មោះត្រង់ចំពោះគោលការណ៍ មិនត្រូវបានកាត់យល់ថា ជាអសប្បុរស ឬមិនស្មោះត្រង់ចំពោះមនុស្សនោះទេ ។ ដូចដែលខ្ញុំអាចប្រាប់បានថា មិនធ្លាប់មាន គ្រា ណាឡើយ ដែលព្រះគ្រីស្ទដកយកការស្រឡាញ់របស់ទ្រង់ពីបុគ្គលណាម្នាក់ ប៉ុន្តែទ្រង់ក៏មិនដែលមានព្រះបន្ទូលទៅកាន់នរណាម្នាក់ដែរថា ‹ ដោយសារខ្ញុំស្រឡាញ់អ្នក អ្នកត្រូវបានលើកលែងពីការកាន់តាមព្រះបញ្ញត្តិរបស់ខ្ញុំ › ម្ដងណាដែរ ។ យើងត្រូវបានផ្ដល់ភារកិច្ចឲ្យព្យាយាមធ្វើឲ្យមានតុល្យភាពដែលជាតម្រូវការដូចគ្នានេះក្នុងជីវិតរបស់យើង » ។១៥
[ បញ្ចប់វីដេអូ ]
ពេលយើងមិនអើពើនឹងសេចក្ដីពិតរបស់ព្រះ នោះតាមពិតទៅយើងអាចនឹងដាក់កំហិតសមត្ថភាពរបស់យើង ដើម្បីបង្ហាញសេចក្ដីស្រឡាញ់ដ៏ធំធេងបំផុតទៅកាន់បុត្រាបុត្រីទ្រង់ ។ អែលឌើរ ឌី ថត គ្រីស្តូហ្វឺសិនបានពន្យល់ពីមូលហេតុដែលការណ៍នេះទៅកាន់យុវមជ្ឈិមវ័យនៅ ប៊ី.វ៉ាយ.យូ. ៖
« ការដាក់បទបញ្ញត្តិទីមួយជាចម្បង គឺមិនបន្ថយ ឬកំណត់ដល់សមត្ថភាពរបស់យើងក្នុងការរក្សាបទបញ្ញត្តិទីពីរនោះទេ ។ ផ្ទុយទៅវិញ វាបង្កើន និងពង្រឹងដល់បទបញ្ញត្តិនោះទៅវិញទេ ។ វាមានន័យថា យើងពង្រឹងសេចក្ដីស្រឡាញ់របស់យើងដោយការចាក់គ្រឹះវាក្នុង គោលបំណង និងអំណាចដ៏ទេវភាព ។ … សេចក្ដីស្រឡាញ់របស់យើងចំពោះព្រះបង្កើនសមត្ថភាពរបស់យើងឲ្យស្រឡាញ់អ្នកដទៃកាន់តែពេញលេញ និងឥតខ្ចោះ ដោយសារយើងជាដៃគូជាមួយព្រះនៅក្នុងការថែរក្សាបុត្រាបុត្រីរបស់ទ្រង់ » ។១៦
៥. ទទួលខុសត្រូវលើទីបន្ទាល់របស់បងប្អូន
ការសង្កត់ធ្ងន់ដែលជាការព្យាករចុងក្រោយចំពោះយុវមជ្ឈិមវ័យដែលខ្ញុំនឹងលើកឡើង ទាក់ទងនឹងការទទួលខុសត្រូវលើទីបន្ទាល់របស់បងប្អូន ។ បើបងប្អូនចង់ធ្វើតាមព្យាការី សូមរកមើលអ្វីដែលលោកបង្រៀនម្ដងហើយម្ដងទៀត យកចិត្តទុកដាក់នៅពេលលោកប្រើវាក្យសព្ទដូចជា « ខ្ញុំ សូមអង្វរ បងប្អូន » ។ នៅក្នុងសុន្ទរកថាសន្និសីទទូទៅរបស់លោកដែលមានចំណងជើងថា « ឈ្នះលោកិយ ហើយបានសេចក្តីសម្រាក » ប្រធាន ណិលសុន បានថ្លែងថា « ខ្ញុំសូមអញ្ជើញសមាជិកទូទាំងសាសនាចក្រឲ្យទទួលយកការទទួលខុសត្រូវដូចគ្នា ដែលខ្ញុំបានផ្តល់ឲ្យពួកយុវមជ្ឈិមវ័យរបស់យើង កាលពីខែឧសភាកន្លងទៅនេះ ។ កាលនោះខ្ញុំជំរុញពួកគេ—ហើយឥឡូវនេះខ្ញុំ អង្វរករ ដល់បងប្អូន—ឲ្យទទួលខុសត្រូវលើទីបន្ទាល់ផ្ទាល់ខ្លួនរបស់បងប្អូនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ » ។១៧
ចូរយើងស្ដាប់ការអញ្ជើញឲ្យទទួលខុសត្រូវដូចគ្នានោះ ដូចដែលបានផ្ដល់ឲ្យដល់យុវមជ្ឈិមវ័យនៅក្នុងសុន្ទរកថារបស់លោកនៅក្នុង « ការជ្រើសរើសដែលជះឥទ្ធិពលលើភាពអស់កល្បជានិច្ច » ។
[ ចាប់ផ្ដើមវីដេអូ ]
ប្រធាន ណិលសុន ៖ « ខ្ញុំសូមអង្វរក្មួយឲ្យចេះទទួលខុសត្រូវលើទីបន្ទាល់របស់ក្មួយៗ ។ សូមខិតខំដើម្បីមានទីបន្ទាល់នោះ ។ សូមមានវាផ្ទាល់ខ្លួន ។ សូមខ្វល់ខ្វាយពីវា ។ សូមចិញ្ចឹមបីបាច់វា ដើម្បីឲ្យវាលូតលាស់ ។ សូមពង្រឹងវាដោយសេចក្ដីពិត ។ សូមកុំបំពុលទីបន្ទាល់ដោយទស្សនវិជ្ជាខុសឆ្គងរបស់បុរស និងស្រ្តីដែលមិនជឿ ហើយក្រោយមកងឿងឆ្ងល់ថាហេតុអ្វីបានជាទីបន្ទាល់របស់ក្មួយមានភាពសោះកក្រោះនោះឡើយ » ។១៨
[ បញ្ចប់វីដេអូ ]
ការទទួលខុសត្រូវលើទីបន្ទាល់របស់បងប្អូនមានន័យថា យើងលើកទឹកចិត្តយុវមជ្ឈិមវ័យឲ្យដោះស្រាយចម្ងល់របស់ពួកគេដោយស្មោះត្រង់ ។ លំនាំនៃការសួរសំណួរទាំងឡាយគឺមានពន្យល់នៅក្នុងទំព័រធនធានចំណេះចំណានខាងគោលលទ្ធិ ស.&វ. ដែលមានចំណងជើងថា « ការទទួលបានចំណេះដឹងខាងវិញ្ញាណ » ។ អែលឌើរ ឡរ៉េន អ៊ី ខូប្រ៊ីជ បានពិភាក្សាអំពីប្រធានបទនេះដោយលើកឡើងពីភាពខុសគ្នារវាងសំណួរចម្បង និងសំណួរបន្ទាប់បន្សំ ។ ១៩ សំណួរចម្បង គឺជាសំណួរស្នូលនៃទីបន្ទាល់មួយ ។ សំណួរទាំងនោះរាប់បញ្ចូលទាំងការដឹងថា ព្រះជាព្រះវរបិតារបស់យើង ព្រះយេស៊ូវគឺជាព្រះគ្រីស្ទ ហើយព្រះគម្ពីរមរមនពិត ។ សំណួរបន្ទាប់បន្សំរួមមានសំណួរអំពីសេចក្ដីពិស្ដារនៃប្រវត្តិសាសនាចក្រ ពហុអាពាហ៍ពិពាហ៍ និងសិទ្ធិអំណាចបព្វជិតភាព ។ សំណួរបន្ទាប់បន្សំអាច និងគួរតែត្រូវបានឆ្លើយតប ប៉ុន្តែវាមិនចេះចប់ទេ ហើយវាកម្រដឹកនាំទៅរកទីបន្ទាល់មួយ ដោយគ្មានការជឿយ៉ាងប្រាកដ និងសំណួរចម្បងជាមុនសិននោះទេ ។
អែលឌើរ រ៉ូប៊ឺត អេស វូដ បានចែកចាយពីដំណើររបស់លោកផ្ទាល់អំពីការចាក់គ្រឹះលើការឆ្លើយសំណួរចម្បង កាលដែលលោកបានឆ្លើយតបចំពោះសំណួរបន្ទាប់បន្សំទាំងឡាយ ។២០ នៅក្នុងការប្រជុំធម្មនិដ្ឋានជាមួយនឹងនិសិត្សនៅ ប៊ី.វ៉ាយ.យូ.–អៃដាហូ អែលឌើរ វូដ បានពិពណ៌នាពីការអត់សម្រាន្តពេញមួយយប់ដើម្បីអានព្រះគម្ពីរមរមន និងការទទួលបានទីបន្ទាល់ដ៏ច្បាស់លាស់ជាលើកទីមួយរបស់លោក អំពីភាពពេញលេញរបស់ព្រះគម្ពីរនេះ ។ នៅសប្ដាហ៍បន្ទាប់ មិត្តម្នាក់ពីសាលាបានប្រាប់លោកថា គាត់មានភស្ដុតាងថាព្រះគម្ពីរមរមនមិនពិតនោះទេ ដោយអះអាងថាមានបញ្ជីនៃការនិយាយខុសនៅក្នុងគម្ពីរនោះ ។ អែលឌើរ វូដ បានប្រាប់មិត្តរបស់គាត់ថា គាត់យឺតពេកហើយ ហើយថាគាត់មានទីបន្ទាល់រួចទៅហើយ ។ និយាយម្យ៉ាងទៀតថា លោកបានមានចម្លើយចំពោះសំណួរចម្បងរបស់លោករួចហើយ ។ ប៉ុន្តែលោកបានស្នើទទួលយកបញ្ជីនោះ ហើយឆ្លើយទៅនឹងសំណួរទាំងនោះ ។ សំណួរមួយចំនួនត្រូវបានឆ្លើយតបភ្លាមៗ ហើយសំណួរផ្សេងទៀតត្រូវការពេលវេលា ។
ក្នុងអំឡុងពេលនោះ អែលឌើរ វូដ បានបម្រើនៅក្នុងសាសនាចក្រ បានរៀបការក្នុងព្រះវិហារបរិសុទ្ធ បានរៀនចប់ ហើយបានចិញ្ចឹមបីបាច់គ្រួសារលោកនៅក្នុងដំណឹងល្អ ។ ពីរបីឆ្នាំបន្ទាប់ពីលោកត្រូវបានហៅជាពួកចិតសិបនាក់មានសិទ្ធិអំណាចទូទៅម្នាក់នៅទីបំផុត ដែលវាត្រូវបានឆ្លើយតបដោយសាស្ត្រាចារ្យមួយរូបនៅសាកលវិទ្យាល័យ ខនណែល ។ តើបងប្អូនអាចស្រមៃឃើញទេ បើអែលឌើរ វូដ រង់ចាំរហូតដល់ឆ្លើយសំណួរបន្ទាប់បន្សំគ្រប់ទាំងអស់ ទើបលោកបន្តឆ្ពោះទៅមុខជាមួយនឹងសេចក្ដីជំនឿ ?
ប្រធាន ណិលសុន បានពន្យល់ទៅយុវមជ្ឈិមវ័យពីរបៀបដើម្បីឆ្លើយតបចំពោះសំណួររបស់ពួកគេ ។
[ ចាប់ផ្ដើមវីដេអូ ]
ប្រធាន ណិលសុន ៖ « បើក្មួយមានសំណួរ—ខ្ញុំសង្ឃឹមថាក្មួយនឹងមាន—សូមស្វែងរកចម្លើយដោយមានបំណងប្រាថ្នាដ៏ក្លៀវក្លាដើម្បីជឿ ។ សូមរៀនអំពីដំណឹងល្អតាមដែលក្មួយអាចរៀនបាន ហើយត្រូវប្រាកដថា បានងាកទៅរកប្រភពដែលពោរពេញដោយសេចក្ដីពិត ដើម្បីសូមការណែនាំ ។ យើងរស់នៅក្នុងគ្រាកាន់កាប់ត្រួតត្រាដែល « គ្មានអ្វីណាមួយដែលត្រូវរក្សាទុកនោះឡើយ » [ គោលលទ្ធិ និង សេចក្ដីសញ្ញា ១២១:២៨ ] ។ ដូច្នេះហើយ លុះពេលវេលាមកដល់ នោះព្រះអម្ចាស់នឹងឆ្លើយរាល់សំណួររបស់យើង » ។២១
[ បញ្ចប់វីដេអូ ]
សេចក្ដីបញ្ចប់
បងប្អូនប្រុសស្រី មិត្តជាទីស្រឡាញ់ យើងរស់នៅក្នុងគ្រាដ៏ពិបាក ។២២ ប៉ុន្តែព្រះអម្ចាស់បានរៀបចំលំនាំមួយក្នុងគ្រប់ការណ៍ទាំងអស់ ដើម្បីកុំឲ្យយើងត្រូវបោកបញ្ឆោត ។ ផ្នែកនៃលំនាំនោះគឺវត្តមានរបស់ព្យាការីនៅក្នុងផែនដី ដើម្បីបង្រៀនសេចក្ដីពិតដល់យើង ។ តើយើងកំពុងស្តាប់ដែរឬទេ ហើយតើវាកំពុងជះឥទ្ធិពលលើរបៀបដែលយើងបង្រៀន និងផ្ដល់ការងារបម្រើដល់សិស្សរបស់យើងដែរឬទេ ?
រាត្រីនេះ ខ្ញុំបានពន្យល់ពីការសង្កត់ធ្ងន់ដែលជាការព្យាករទាំងប្រាំនាពេលបច្ចុប្បន្ន ដែលយើងសូមឲ្យបងប្អូនជញ្ជឹងគិតដល់ ក្នុងតួនាទីរបស់យើងក្នុងនាមជាគ្រូបង្រៀនខាងសាសនា ។ ប្រធានបទទាំងនេះ និងដំណោះស្រាយជាមូលដ្ឋានរបស់វាត្រូវបានសង្ខេបនៅក្នុងតារាងខាងក្រោមនេះ ។
|
ការព្យាករបច្ចុប្បន្នសង្កត់ធ្ងន់ចំពោះយុវមជ្ឈិមវ័យ |
សុន្ទរកថាជាមូលដ្ឋាន |
|---|---|
|
១. ស្គាល់ពីអត្តសញ្ញាណដ៏ទេវភាពរបស់បងប្អូន ។ |
រ័សុល អិម ណិលសុន « Choices for Eternity » ( ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថ្ងៃទី ១៥ ខែ ឧសភា ឆ្នាំ ២០២២ ) នៅលើគេហទំព័រ ChurchofJesusChrist.org |
|
២. ទទួលយកព្រះចេស្ដានៃព្រះយេស៊ូវគ្រីស្ទ និងសេចក្ដីសញ្ញារបស់បងប្អូន ។ |
រ័សុល អិម ណិលសុន « The Temple and Your Spiritual Foundation » Liahona ខែ វិច្ឆិកា ឆ្នាំ ២០២១ ទំព័រ ៩៣–៩៤ ។ ជែហ្វ្រី អ័រ ហូឡិន « A Saint Through the Atonement of Christ the Lord » ( ការប្រជុំធម្មនិដ្ឋាននៅសាកលវិទ្យាល័យព្រិកហាំ យ៉ង់ នៅថ្ងៃទី ១៨ ខែ មករា ឆ្នាំ ២០២២ ) នៅលើគេហទំព័រ speeches.byu.edu |
|
៣. ទុកឲ្យព្រះឈ្នះ ហើយធ្វើតាមព្យាការីរបស់ទ្រង់ ។ |
រ័សុល អិម ណិលសុន « ទុកឲ្យព្រះឈ្នះ » Ensign ឬ Liahona ខែ វិច្ឆិកា ឆ្នាំ ២០២០ ទំព័រ ៩២–៩៣ ។ រ័សុល អិម ណិលសុន « វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង » Ensign ឬ លីអាហូណា ខែ ឧសភា ឆ្នាំ ២០១៨ ទំព័រ ៩៣–៩៦ ។ |
|
៤. បង្រៀនសេចក្ដីពិតដោយសេចក្ដីស្រឡាញ់ ។ |
Dallin H. Oaks and Clark G. Gilbert, « Stand Fast with Love in Proclaiming Truth » ( ការប្រជុំធម្មនិដ្ឋាននៅមហាវិទ្យាល័យអីនសាញ ថ្ងៃទី ១៧ ខែ ឧសភា ឆ្នាំ ២០២២ ) នៅលើគេហទំព័រ ensign.edu ឌី ថត គ្រីស្តូហ្វឺសិន « A Message at Christmas » ( ការប្រជុំធម្មនិដ្ឋាននៅសាកលវិទ្យាល័យព្រិកហាំយ៉ង់ ថ្ងៃទី ២២ ខែ មីនា ឆ្នាំ ២០២២ ) នៅលើគេហទំព័រ speeches.byu.edu |
|
៥. ទទួលខុសត្រូវលើទីបន្ទាល់របស់បងប្អូន ។ |
រ័សុល អិម ណិលសុន « Choices for Eternity » ( ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថ្ងៃទី ១៥ ខែ ឧសភា ឆ្នាំ ២០២២ ) នៅលើគេហទំព័រ ChurchofJesusChrist.org សូមមើល លរ៉េនស៍ អ៊ី ឃរប្រ៊ីជ « Stand Forever » ( ការប្រជុំធម្មនិដ្ឋានសាកលវិទ្យាល័យ ព្រិកហាំ យ៉ង់ ថ្ងៃទី ២២ ខែ មករា ឆ្នាំ ២០១៩ ) នៅលើគេហទំព័រ speeches.byu.edu សូមមើល រ៉ូប៊ឺត អេស វូដ « Be Ye Transformed by the Renewal of Your Mind » ( Brigham Young University–Idaho devotional, ថ្ងៃទី ១៣ ខែឧសភា ឆ្នាំ ២០០៣ ) byui.edu/devotionals « ការទទួលបានចំណេះដឹងខាងវិញ្ញាណ », ចំណេះចំណានខាងគោលលទ្ធិ ស.&វ. |
នៅក្នុងការកំណត់ពីប្រធានបទទាំងនេះ យើងបានផ្ដោតលើសារលិខិតគ្រឹះរបស់ព្យាការី « ការជ្រើសរើសដែលជះឥទ្ធិពលលើភាពអស់កល្បជានិច្ច » ។ សារលិខិតជាច្រើនទៀតត្រូវបានដោយព្យាការី និងសាវកមានប្រសាសន៍ដោយផ្ទាល់ទៅកាន់យុវមជ្ឈិមវ័យនៅទូទាំងប្រព័ន្ធអប់រំសាសនាចក្រ ។ ប្រធានបទនីមួយៗទាំងនេះត្រូវបានកំណត់ដោយការពិនិត្យមើលយ៉ាងប្រុងប្រយ័ត្នជាមួយនឹងប្រធានសាកលវិទ្យាល័យ ស៊ី.អី.អេស. ដែលរួមមាន អ្នកគ្រប់គ្រង ស.&វ. បងប្រុស ឆាដ វិប ក៏ដូចជាថ្នាក់ដឹកនាំនៃគណៈកម្មការប្រតិបត្តិរបស់ក្រុមប្រឹក្សាអប់រំនៃសាសនាចក្រផងដែរ ។ យើងសូមលើកទឹកចិត្តឲ្យបងប្អូនសិក្សាសុន្ទរកថាជាមូលដ្ឋានដែលបានយោងទាំងនេះ ។ ស្គាល់អត្ថបទនោះ ។ សូមបញ្ចូលវាទៅក្នុងការបង្រៀនរបស់បងប្អូន និងកម្មវិធីសិក្សារបស់បងប្អូន ។ សំខាន់ជាងនេះទៀត សូមបញ្ចូលវាទៅក្នុងរបៀបដែលបងប្អូនឆ្លើយតបទៅនឹងសំណួរ ព្រមទាំងការងារបម្រើចំពោះតម្រូវការរបស់សិស្សបងប្អូន ។
ខ្ញុំដឹងថា ព្យការីរបស់ព្រះដឹកនាំយើងនៅក្នុងគ្រាដ៏គ្រោះថ្នាក់នេះ ។ សូមឲ្យយើងធ្វើតាមដំបូន្មាននេះ និងការទូន្មានប្រកបដោយការព្យាករផ្សេងៗទៀត ដែលយើងបន្តទទួលបាន នេះគឺជាការអធិស្ឋានរបស់ខ្ញុំ ក្នុងព្រះនាមនៃព្រះយេស៊ូវគ្រីស្ទ អាម៉ែន ៕