“Jon Baptaes I Kam Visit,” Fren, Febwari 2021
Evri Manis Fren Mesej, Febwari 2021
Jon Baptaes I Kam Visit
Ol pikja oli kam long Apryl Stott
Wan dei, Josef Smit mo Oliva Kaodri, tufala i gat wan kwestin. ?Wanem nao stret fasin blong kasem baptaes? Tufala i prea blong save ansa.
Wan enjel i bin kam. Hem i Jon Baptaes. Hem i bin baptaesem Jisas. Mo hem i talem long olgeta se oli nidim prishud blong baptaesem ol pipol.
Jon i blesem Josef mo Oliva. Hem i givim long tufala Prishud. Naoia tufala i save baptaesem ol pipol folem fasin we Jisas i bin kasem baptaes.
Josef i baptaesem Oliva long reva. Afta, Oliva i baptaesem Josef. Afta, plante narafala man i bin kasem baptaes tu.
From se Papa long Heven i bin ansarem prea blong Josef Smit, !prishud i kambak long wol! Mi save kasem baptaes olsem Jisas i bin kasem baptaes.
Pej blong Kala
Yumi Save Kasem Baptaes.
?Wanem nao yu save mekem blong folem Jisas Kraes?
© 2021 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6 /19. Translesen blong Monthly Friend Message, January 2021. Bislama. 17463 852