“Yauhas tus uas Muab Neeg Ua Kev Cai Raus Dej Tau Los,” Friend, Ob Hlis Ntuj 2021
Zaj Lus hauv Friend Txhua Hli, Ob Hlis Ntuj 2021
Yauhas tus uas Muab Neeg Ua Kev Cai Raus Dej Tau Los
Muaj ib hnub Joseph Smith thiab Oliver Cowdery muaj ib yam nkawd xav nug. Yuav ua li cas kom ua kev cai raus dej raws li txoj kev yog? Nkawd tau thov Vajtswv kom paub ua li cas.
Ib tug tim tswv tau los. Nws yog Yauhas tus uas Muab Neeg Ua Kev Cai Raus Dej. Nws tau muab Yexus ua kev cai raus dej. Nws tau qhia nkawd tias nkawd yuav tsum muaj lub pov thawj hwj kom muab neeg ua kev cai raus dej.
Yauhas foom koob hmoov rau Joseph thiab Oliver. Nws tau muab lub pov thawj hwj rau nkawd. Ces nkawd thiaj li muaj txoj cai muab neeg ua kev cai raus dej raws li tau muab Yexus ua kev cai raus dej.
Joseph tau muab Oliver ua kev cai raus dej hauv tus dej. Ces Oliver muab Joseph ua kev cai raus dej. Tom qab ntawd, neeg coob ntxiv tau ua kev cai raus dej thiab.
Vim Leej Txiv Saum Ntuj Ceeb Tsheej tau teb Joseph Smith tej lus thov, lub pov thawj hwj los rov qab muaj hauv lub ntiaj teb no lawm! Kuv muaj cib fim ua kev cai raus dej zoo li Yexus.
Phab Ntawv Tha Xim
Peb Muaj Cib Fim Ua Kev Cai Raus Dej
Koj yuav ua dab tsi kom coj raws li Yexus Khetos?
© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/19. Pub txhais ua lus Hmoob: 6/19. Kev txhais Monthly Friend Message, January 2021. Hmong. 17464 295