“Ngang uwa Mochen Tapweno Mwirin Jises,” Friend, March 2021
Tutunapan Jises
Ngang uwa Mochen Tapweno Mwirin Jises
Sasing seni Apryl Stott
Ew ran Jises a tota won effoch siip. A eis ngeni kewe sou attau pwe repwe uwau non ewe saat. A uuta won ewe siip me a aiti ewe mwicheichen aramas nukun fonu.
Iwe Jises a ereni emon sou attaw itan Peter pwe epwe oturatiw neun ewe cheuw non ewe saat. Peter a apasa pwe ese mwo niap iik non unusen ewe ran, nge epwe sossot safan. Ei fansoun, ukukun niapen Peter iik a ourano ruefoch mwota!
Jises a tungorei kewe sou attaw repwe feino seni waar kewe mwota me repwe tapweno mwirin I. A mwochen pwe repwe Neun Chon Kaeo.
Noun Jises chon kaeo ra ousening nupwen A aiti ngenir usun ewe Sam non Nang. Ra katon an Jises echikara kewe mi semwen me pwarano an tongei ekkoch. Mwirin an Jises mano, ekkewe chon kaeo ra fori met ra fen kuna Jises a fori. Ra afanafana, echikara, me tongei.
Ngang uwa tongeni aiti ekkoch usun Jises ren met uwa apasa me fori. Ngang uwa tongeni echikara riafoun netipen aramas ren kirekiroch. Ngang uwa tongeni aninis ne tumunu aramas mi semwen ika weungaw. Ngang upwe pwarano tong, usun Jises.
Peichen Enuwa
Tapweno mwirin Jises a Fori ai Upwe Pwapwa
© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Friend Message, March 2021. Chuukese. 17466 901