Soaipen Sises

I Men Idawehn Sises

Sang Kim Webb Reid

Kasansal kan sang Apryl Stott

Ehu rahno Sises douda pohn sohp ehu. E mahsaniong soun laidko en kihieila sohpo nan sehdo. E ket pohn sohp o oh padahk ohng pokon en aramas o pohn oarohro.

Eri Sises padahkiong sounlaid men adaneki Piter en kesehdi ah uhko nansedo. Piter padahkiong me e sohte koledi mwahmw rahn ehu pwon, ahpw e pahn song pwurehng wia. Ansou wet, Piter koledi mwahmw me itarohng pwoht riau!

Sises mahsaniong sounlaid ko en kihdi wererail pwoht ko oh idahwen la Ih. E mwahuki irail en wiahla Sapwellime werek.

Sapwellimen Sises werek kan rong ansou me E padahngki duwen Sahm Nanleng. Irail kilang Sises ah ketin kamwahuiala me soumwahu oh kasalehiong meteikan duwen limpoak. Mwurin en pwoulahn Sises, werengko wia dahme irail kilang Sises kin wia. Irail padahk, kamwahuiala, oh poakohng aramas akan.

I kak padahkiong ekei duwen Sises sang ni dahme I pahn kosoia oh wia. I kak kamwahuiala en aramas akan pepehm ki kadek. I kak sewese aramas me soumwahu de semwehmwe. Ih pahn kasalehda limpoak, duwehte Sises.

Daropwehn Koaler

Ideidahwen Sises Kin Kahreiong Ai Peren

© 2021 by Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Inglis: 6/19. Kamanaman ong kawehwe: 6/19. Kawehwe pen Padahk en Kempoakepah en Sounpwong kan, Senweri 2021. Pohnpeian. 17466 885