Chep ni mornga’agen Yesus

Gu ba’adag ni Nggu Leak Yesus

Yib rok Kim Webb Reid

Sasing riy e yib rok Apryl Stott

Boran riy me yib Yesus nga dakean bbowoch. Fe fith ngak fapi gidii’ ni ta fata’ ni ngar feked fare bbowoch nga maday. Me saki’iy u dakean farengi bbowoch me machib nag fapi gidii’ ni kar pired u dakean e but’ ko binaew.

Me yoeg Yesus ngak baa’ mo’on ni’ir reb fapi gidii’ ni ma fata’ ni ka noeg Peter ngak ni nge pag e nug rok nga maday. Me fulweg Peter ni yoeg ni dawri fal’ wa’athin nga reb e niig, machane bay ki gay rogon bayay. Biney e yay, me kol Peter e niig ni suguy lan l’agruw e bbowoch!

Yesus ni fith ngak fapi gidii’ ni ma fata’ ni ngar paged e bbowoch roraed mi yaed leak. Ya ba’adag ni ngar manged pi gachalpen Rok.

Pi gachalpen Yesus ni yaed be motoyil napan ni Ke fil mornga’agen e Chitamangiy nu Tharmiy. Kar guyed rogon ni ke gol nag Yesus e gidii’ nib m’ar nge rogon e tu’ufeg nike dag ngoraed. Tomuren ni yim’ Yesus, ma pi gachalpen e rrin’ed ni woed rogon ni kar guyed ni rrin’ Yesus. Kar machib niged, gol niged, mi yaed tu’ufeg e gidii’.

Rayag ni nggu fil mornga’agen Yesus ngak e gidii’ ko rogon e thin ni gube yoeg nge tin ni gube rrin’. Rayag ni nggu munguy nag e tafney ku bee’ nike kirbaen’ ko thin nib munguy. Rayag ni nggu pii’ e ayuw ngak e gidii’ nike m’ar fa bagafgow. Gura dag e tu’ufeg, ni woed rogon Yesus.

Babyor ni ngan Achay

Leak Yesus e ma pii’ e Falfalaen’ Ngog

© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Piliyeg ko Monthly Friend Message, January 2021. Yapese. 17466 905