Nasayud ko og usa ka Awit kabahin Niana!
Ang tagsulat nagpuyo sa Leinster, Ireland.
Sama sa daghang mga bata sa Ireland, si Annie mitungha sa usa ka Katoliko nga eskwelahan. Siya lang ang miyembro sa Ang Simbahan ni Jesukristo sa mga Santos sa Ulahing mga Adlaw.
Si Annie adunay maayo nga magtutudlo kinsa mitudlo mahitungod sa daghang mga butang. Gani mitudlo pa siya kabahin ni Jesus. Si Annie ganahan maminaw og mga istorya kabahin ni Jesus. Parehas kini sa mga istorya nga iyang nakat-unan diha sa Primary ug diha sa panimalay.
Usa ka adlaw ang magtutudlo ni Annie misulti diha sa iyang klase mahitungod niadtong si Jesus milakaw sa tubig. Mipahiyum si Annie. Mao kana ang iyang paborito nga istorya!
Si Annie nakat-on og kanta “Ang Milagro” diha sa Primary. Kana nga kanta nagsulti mahitungod ni Jesus naglakaw sa tubig. Si Annie kanunay mibati og mainiton sa kahiladman kon siya mokanta niini. Gihunahuna niya ang mga pulong nga anaa sa kanta.
“Si Jesus milakaw sa tubig. Siya mipahunong sa unos ug mipakalma sa dagat.”
Gusto si Annie nga ang iyang klase nmasayud usab sa kanta! Siya mipataas sa iyang kamot ug miingon, “Nasayud ko og usa ka awit kabahin niana!”
Mipahiyum ang iyang magtutudlo. Gihangyo niya si Annie sa pagpaambit niini sa klase sa sunod nga adlaw.
Naghinam-hinam si Annie sa dihang nakauli na siya sa panimalay. Mitabang si Mama kaniya sa pagpangita sa kanta diha sa computer aron ang magtutudlo ni Annie makapatukar alang sa iyang klase.
Pagkasunod adlaw si Annie ug ang iyang tibuok nga klase naminaw sa kanta. Mibati si Annie og mainiton nga pagbati nga kanunay niyang gibati diha sa primary. Nalipay siya nga iyang gipaambit kining espesyal nga kanta kabahin ni Jesus.
Mga paghulagway ni Sinéad Poznanski