O Se Savali o le Konafesi mai le Perofeta

O Le A Aveesea e le Faatuatua ia Mauga

Saunia e Peresitene Russell M. Nelson

Sii mai le “Ua Toetu Keriso; O Le Faatuatua ia te Ia O Le A Aveesea ai Mauga, ” Liahona, Me 2021.

O mea lelei uma i le olaga—ma faamanuiaga uma—e amata i le faatuatua. I le Tusi Paia, na folafola mai ai e Iesu afai e tusa lo tatou “faatuatua ma le fua o le sinapi,” o le a mafai ona tatou aveesea mauga (Mataio 17:20). O au mauga atonu o le tuuatoatasi, masalosalo, ma’i, po o isi faafitauli.

O le fua o le sinapi e faatusa i se faatuatua itiiti ae tuputupu ae. O le fua o le sinapi e amata laitiiti ae tuputupu a’e i se laau telē na’ua mo manulele e nonofo ai i ona lala. Ou te fai atu ia te outou e amata i le asō ona faateleina lo outou faatuatua. O nisi nei o auala e mafai ona e fausia ai lou faatuatua ma le faatuatuaina.

1. Aoao e uiga ia Iesu Keriso e ala i le faitauina o tusitusiga paia. A’oa’o e uiga i Ana vavega.

2. Filifili e talitonu ia te Ia. Mafaufau ia te Ia i aso uma.

3. Faatino le faatuatua. Ia papatiso ma ‘ai ma inu i le faamanatuga.

4. Ole atu i le Tama Faalelagi e fesoasoani ia te oe.

O lou faatuatua ia Iesu Keriso o le a aveesea ai mauga. O le a fesoasoani le faatuatua ia te oe e liliu ai luitau i ni avanoa ofoofogia.

E le latalata atili atu le Faaola ia te oe nai lo le taimi ua e feagai ai pe ā’ea ai se mauga i le faatuatua.

Peresitene Russell M. Nelson

Ua Toetu Mai Iesu Keriso

“Ua toetu o Ia e faamanuia olaga o fanau uma a le Atua, po o fea lava o latou nonofo ai.”

Peresitene Russell M. Nelson

Ata na tusia e Jim Madsen

Ata na tusia e Bryan Beach