Tusia e Oe

O La’u Anapogi Muamua

Saunia e Alice A., 9 tausaga, Initiana, ISA

Sa matou matamata ma lo’u aiga ia Peresitene Nelson i le TV ina ua ia saunoa mai i se mea na ou gauai atu i ai. Na ia fai mai o le a faia se anapogi i le lalolagi atoa!

Sa ou manao ou te anapogi, ae ou te lei faia muamua lava. Talu ai nei na amata pepesei ai le faama’i o le KOVITI-19, ma na matou nonofo ai i le fale. Sa ou iloaina e tatau ona fai la’u vaega. Sa le mafai ona anapogi lo’u tina ona sa i ai sana pepe i ni nai masina ua mavae. Sa laiti tele lou uso ma ou tuagane e anapopogi. E na o au ma lo’u tama.

Sa tonu ia te au e na o le faamisi lava o le ti o le taeao aua o lou taimi muamua lea ua anapogi ai, ma ou te lei iloa po o le a le umi o le a ou oo i ai. I le po o le Aso Toonai sa lelei la’u aiga o le afiafi, ona faia lea e lou aiga se tatalo mo a’u ma lo’u tama e amata ai le ma anapogi.

O le aso na sosoo ai sa faia ai le matou lotu i le fale, o le mea lena sa matou faia talu mai le amataga o le faama’i. Sa ou taumafai e faatosina ese au mai le mea moni e faapea, sa ’ai lo’u uso ma sa ou fiaai tele. Ina ua uma le lotu, sa ou taina viiga i le piano. Mulimuli ane sa ou tilotilo atu i le uati, ma sa toetoe lava a oo i le taimi o le ’aiga o le aoauli! Sa ou le iloaina le vave o le alu o le taimi. Na matuai galo lava ia te au sa ou anapogi!

Sa ou filifili e fai se tatalo e tatala ai lau anapogi. I le taimi o le tatalo, sa ou lagonaina malosi ai le Agaga nai lo se isi lava taimi muamua. Sa ou lagonaina o le a manuia mea uma. Sa o se aafiaga sili.

Talu mai lava lena anapogi muamua, ua ou faia anapogi uma ua talosagaina i tatou e le perofeta e fai, ma sa malosi lava lou lagonaina o le Agaga i taimi uma.