Mula sa Unang Panguluhan

Ang Plano ng Kaligayahan ng Ama sa Langit

Ni Pangulong Henry B. Eyring

Pangalawang Tagapayo sa Unang Panguluhan

Hango mula sa post sa Facebook, Mayo 20, 2019.

Mahal ka ng Ama sa Langit. Ikaw ay Kanyang anak. Ibinigay Niya sa iyo si Jesucristo bilang iyong Tagapagligtas. Binabantayan ka ng Tagapagligtas nang may pagmamahal.

Sa daigdig ng mga espiritu, bago ka isinilang, binigyan ka ng pagkakataon ng Ama sa Langit na pumili kung iyong tatanggapin o tatanggihan ang Kanyang plano ng kaligayahan. Ginawa Niya ito dahil mahal ka Niya. Pinili nating sundin ang Kanyang plano. Ang kaligayahang nais Niya para sa iyo ay buhay na walang hanggan. Ito ang pinakadakila sa lahat ng Kanyang kaloob.

“Manalangin sa iyong Ama sa Langit sa umaga at sa gabi. Alalahanin ang mga tipang ginagawa mo kapag ikaw ay bininyagan at pumupunta sa templo. Sa gayon ay magkakaroon ka ng kaligayahang nais ng Ama sa Langit para sa iyo.”

Pangulong Henry B. Eyring

Pahinang Kukulayan

Kay gandang daigdig na ibinigay sa atin ng Ama sa Langit upang tirahan!

“Lahat ng bagay na nanggagaling sa lupa … ay ginawa para sa kapakinabangan at gamit ng tao, kapwa upang makalugod sa mata at upang pasiglahin ang puso” (Doktrina at mga Tipan 59:18).

◆ Tingnan sa Pumarito Ka, Sumunod Ka sa Akin para sa Doktrina at mga Tipan 76 at 77–80.

Mga paglalarawan ni Corey Egbert