Naes Pleiplei

Famli Histri, Gem blong Majem Samting

girl playing matching games with pictures of her family

Eva i blong Rasia. !Hem i laekem blong mekem ol aktiviti blong famli histri! Hem i mekem ol vidio blong soem ol tingting blong hem wetem ol narawan. Hemia i wan we yu save traem.

1. Dro o printim tu pikja blong wanwan memba blong famli—wan taem oli yangfala mo narawan taem oli bigwan o olfala.

2. Putum glu biaen long ol pikja ia mo putum antap long wan hevi pepa. Dekoretem biaen blong pepa. (!Eva i dekoretem blong hem wetem wota kala pen!) Afta, katemaot ol pikja blong mekem ol kad.

3. !Naoia, plei wan gem blong majem olgeta! Putum ol kad i fes daon. Tanem ova tu kad. Sapos tufala i soem defren pipol, putumbak tufala. Sapos tufala i soem semmak man o woman, lego tufala i stap mo tanem tu nara kad bakegen. ?Hamas kad nao yu save majem?

!Sam Moa Aktiviti!

girl holding up photo album of her ancestors

Eva i mekem tu wan foto buk blong evri bubu blong hem. !Yu save mekem blong yuwan! Raetemdaon ol samting we yu save abaot wanwan long olgeta. Afta, dro o putum glu biaen long ol pikja mo putum insaed blong majem olgeta.

Friend, November 2021 Tier 2