Carolina Ej Tōparļo̧k im Jipan̄
Ewi wāween an kar Carolina jipan̄ eo m̧ōttan?
Caroline ekar kajjieon̄ ron̄jake rūkaki eo an. Ak ekar jab maron̄ bōjrak an reilo̧k n̄an eo m̧ōttan etan Ramón. Ekar ejjeļo̧k koļūn bōran!
Koļūn̄ bōran ekar m̧ōrar ilo juon iien aetok. Kiiō ekar biļaļ.
Carolina ekar ron̄jake juon ainikien jān tulikin. Cesar im Luis rekar ettōn̄dikdik. Ekar kōjatdikdik rekar jab ettōn̄ kōn Ramón.
Aolepān jibbon̄ōn eo, Ramón.ekar majid m̧aanļo̧k. Ekar jab kotak pein. Ekar mejān burum̧ōj. Carolina ekar kōņaan bwe en kar jipan̄ kaaenōṃṃan e.
Āliktata ekar iien n̄an ikkure nabōj. Ramón ekar armej eo jinointata ilo opiij eo an. Ke Carolina ekar diwōj nabōjļo̧k, ekar jab maron̄ loe e aolep jikin! Ekar jab ikkure jakad. Ekar jab tallōn̄e bar ko. Im ekar jab ikkure hopscotch jān rūkaki eo.
Im ekar! Ramón ekar jutak ilo kona eo ilo jikin ikkure eo. Im Cesar im Luis rekar bar pād ijo. Carolina ekar kepaakeļo̧k.
“Reilo̧k lale jon̄an an kilep bōran!” Cesar ekar lam̧ōj.
Luis ekar ettōn̄. “Inaaj rājaiki bōra eļan̄n̄e elukkun nana koļūn bōra.”
Pā ko Pein Ramón rekar kilōk im erom̧ nakōļ. Ekar reitok in n̄e āinwōt e jan̄.
Caorlina ekar ettōr ļo̧k n̄an ippān Ramón. “Kwoj ke kōņaan ikkure ippa?” ekar kajjitōk. Ekar jibwe pein, im rekar etetal ļo̧k ippān doon. Rekar etetal laļļo̧k m̧ae rekar epaake rūkaki eo. Ejjeļo̧k juon enaaj kabōņōņōņōik er ijeņ.
“Kwoj ke kōņaan ikkure hopscotch?” Carolina ekar kajjitōk.
Ramón ekar emajidjid. Ekar jin̄n̄aiki lain ko ilo laļ.
“Em̧m̧an ke am̧ m̧our?” ekar kajjitōk.
“Em̧m̧an aō mour kiiō.” Ramón ekar ettōn̄ dikdik. “Kom̧m̧ol kōn am̧ jipan̄ eō.”
Carolina ekar ettōn̄ dikdik. Ekar m̧ōņōņō bwe ekar lukkun peran n̄an jipan̄ eo m̧ōttan!
Kōmeļeļe ko jān Hollie Hibbert