Bainier ro ilo Aolepān Āne eo
Dinis ej Bōk juon Uwaak
Bunkbed mattress eo ekar nokjōk ke Dinis ej erabwilbwil ioon. Elakkar em̧akūtkūt im erabwilbwil aolepān bon̄ōn eo. Ak ekar jab maron̄ kiki!
Ta eo enaaj waļo̧k n̄e mijenede ro rej kōm̧m̧an bōd? Dinis ekar ļōmņak. Ta eo n̄e ejjab kabun̄ eo em̧ool in ālkin aolep men kein? Ta eo n̄e ipād ilo iaļ in ebōd? Kajjitōk ko reļļakar kabōņōņōiki.
Baam̧le eo an Dinis rekar kobatok ilo Kabun̄ in ruo iiō ko m̧okta ļo̧k, ke ekar 10 an iiō. Ke mijenede ro rekar jino katakin er, Dinis ekar kajju en̄jake bwe ta eo rekar katakin e rem̧ool. Dinis im baam̧le eo an rekar jet iaan armej ro jinointata n̄an kobatok ilo Kabun̄ in ilo Portugal. Dinis ekar juon bainier!
Ak ejjab to ekar jino inepata. Ta eo n̄e i peptaij ak ekar jab juon jokālet ejim̧we?
Dinis ekar ba n̄an aolep ke ekar inepata. Ejjab bratōr im sister ro an. Ejjab ro jinen im jemān. Ak jotenin, ekar ļōmņaki aolep men kein.
Dinis ekar bōk kūtwōn ilo an inepata. Ekar reilaļta ilo tōrerein beet eo Bratōr ro an rekar ainikien lukkun kiki ilo bunk beet eo laļ. Dinis ekar make iaan.
Ekar jeļā ke ekar aikuj kajjitōk ippān Anij eļan̄n̄e Kabun̄ in em̧ool. Ekar bukwelōlō ilo ioļapļapen beet eo an. Ekar jilļo̧k im jino an jar.
“Jouj, Anij,” Dinis ekar mera ainikien an ba. “Kōm̧m̧an bwe in jeļā eļan̄n̄e Josep Smith ekar lukkuun lo eok im Jisōs.”
Dinis ekar jar elōn̄ alen m̧okta. Ak iien in ekar oktak. Dinis ekar lukkuun aikuj jeļā. Ekar lukkuun m̧ool jar jān kar jinoin n̄an jipan̄.
“Ijjab kōņaan bwe in bōd,” ekar unooj dikdik. “Ikōņaan bwe in jeļā ta eo ejim̧we.”
Innem Dinis ekar en̄jake juon men. En̄jake eo ekajoor im emāneen. Ekar eddōkļo̧k m̧ae iien ekar en̄jake ilo aolepān ānbwinnin. Ekar en̄jake an lukkuun obrak kōn lan̄lōn̄!
Dinis ekar jeļā en̄jake eo ej itok jān Jetōb Kwojarjar. Anij ekar uwaake jar eo an! Mijenede ro rekar jim̧we. Josep Smith ekar lukkuun juon rikanaan. Im peptaij ekar jab wōt juon jokālet em̧m̧an wōt. Ekar lukkuun lukkuun em̧m̧an.
Dinis ekar babu lik ļo̧k im reilōn̄ļo̧k n̄an ceiling ko. Inepata ko an rekar jako. Ekar kaņōk tok kooj eo an im kitimi kake. Mokta jān an jeļā, ekar kiki.
Ilo an Dinis rūttoļo̧k, aolep iien ej keememej bon̄ eo ekar jar ilo bunk beet eo an. E ekar jeļā bwe ekar pād ilo juon iaļ ejim̧we āinwōt juon membōr in Kabun̄ eo an Jisōs Kraist. Im ekar jeļā bwe Jemedwōj Ilan̄ renaaj aolep iien ron̄ jar ko an.
Portugal ej juon laļ eo ilo western Europe.
Portugal ewōr juon tampeļ ie. Kar aje ilo 2019 eo.
Portugal ewōr ie juon m̧ōn wia kōn bok jān jemaan im ej make wōt to tata an pād ilo laļ in.
Dinis ekar peptaij ilo juon swimming pool ilo mijen home eo.
Ekar mijen ilo āne ko ilo turin Spain, Portugal, im Africa.
Dinis im aolep ajri ro jein im jatin rekar mijen ilo ejja iien eo wōt!
Kōmeļeļe jān Sammie Francis