Jōņōļ eo an Baba
Bwebwenato in ekar bōk jikin ilo Tahiti.
Allan ekar jijet ioon juon jikin jijet inabōjin m̧weo im̧ōn. Al eo ekar tak. Wōjke palm ko rekar jutak kijjeen wōt mejatoto eo ilan̄ eo epiin̄ im eoran.
Ekar ālōk ļo̧k peij in bok eo ekar riiti. Ekar ejjeļo̧k pija ie. Ak Allan ekar jab watōk. Ekar em̧m̧an ippān riiti bok in!
Mej ko mejān rekar ir ilo an lale jeje ko an Baba me relukkun erreo. Ekar keememej m̧ōttan in! Ekar aolep iien kōm̧m̧an menin an ettōn̄.
Ejjab to, Baba ekar diwōj nabōj tak. “Ta in ekōjak?”
“Ij riiti juon iaan bok ko am̧.” Allan ekar ettōn̄. “Ikōņaan m̧ōttan eo kōn ni eo.”
“O, kwoj ba kōn jōņōļ ko aō.” Baba ekar jijet turin Allan. “Rej ba kōnono kōn bwebwenato in mour eo aō. Ak rekar jab kōn eō. Kwoj pād ilo er barāinwōt. Im barāinwōt Mama, im brother im sister ro am̧.”
“Āinwōt Nipai!” Allan ekar ba. “Ekar je bwebwenato ko kōn mour eo an, im ekar je kōn barāinwōt baam̧le eo an.”
“Ejim̧we!” Baba ekar ba.
“Em̧m̧an tata ippa paat ko kōn kwe,” Allan ekar ba. “Ke kwar juon mijenede ijin ilo Tahiti.”
“Em̧m̧an tata ippa bwebwenato ko kōn kwe,” Baba ekar ba. “Kwar ke jeļā bwe jej ņa etam̧ jān riabin etan Elder Bednar?”
“Kwojjan̄in kar ba n̄an eō menin! Ijjab maron̄ kōttar n̄an riiti paat in.”
Baba ekar ettōn̄ dikdik. “Ekanooj lōn̄ bwebwenato ko ilo jōņōļ eo aō. Eto aō jeiki ilo jōņōļ ko jān ke ikar ruwalitōk aō iiō.
“Jān ke kwar ruwalitōk?” Allan ekar kajjitōk. “Ej juon iien eo elukkuun, lukkuun to.”
Baba ekar ettōn̄. “Ijjab lukkuun rūtto.”
Allan ekar ļōmņak jidik. “Ij pojen ruwalitōk ejjab to jān kiiō,” ekar ba. “Imaron̄ ke bōk juon jōņōļ kōn raan in ļotak eo aō?”
“Aeet!” Baba ekar ba.
“Innem imaron̄ je bwebwenato ko aō bwe juon raan ajri ro nejū remaron̄ riiti.”
“Āinwōt juon iminene an juon baam̧le em̧m̧an!” Baba ekar ba.
Kōmeļeļe ko jān Alessia Girasole