Al ko im Soap Bubble Ko
Alice ekar ettōn̄ dikdik ke ekar ļōmņak kōn Būreejtōn Kimball ej al ippān juon kau.
Alice ekar lutōkļo̧k juon jikup in ramiin̄ n̄an bool in m̧ōn̄ā eo an brother eo an. Liin eaar iakwe bratōr im sister ro an me reddik—aolepeer lalem! Ekar m̧ōņōņō in jipan̄ er. Ak ekar pen ilo an juon rūtto tata jet iien. Jān ke ekar wōr juon nin̄nin̄ ej kab ilo m̧weo, ekar aikuj lukkun jipan̄. Ekar lukkun ļap boub ilo m̧weo im̧ōn!
“Ta eo ekar ekkatak kake ilo m̧ōn jar eo rainin?” Baba ekar kajjitōk.
“Jisōs!” Leddik jidikdik eo jatin Alice ekar ba. Ekar iook dakdake applesauce eo ilo pileej eo an.
Alice ekar ettōn̄ dikdik. Sarah ekar lukkuun likatu. Im bar katonoon jidik.
“Ikar ekkatak kōn Būreejtōn Kimball …” Alice ekar jino ba. Ak innem Mama ekar ikkūr jān ruum eo juon. Ekar aikuj jipan̄ eo an Baba kōn nin̄nin̄ eo.
“Joļo̧k bōd,” Baba ekar ba. “Inaaj bar ro̧o̧l tok.”
Ke Baba ekar jipan̄ Mama, Alice ekar jipan̄ aolep. Eric ekar kōlaļļaļe kūlaaj in milk eo nimen. Alice ekar karreoiki. Sarah ekar jino jan̄. Alice ekar atbokwoje. Clara ekar kōņaan m̧ōn̄ā ramiin̄. Alice ekar bar leļo̧k jidik kijen.
Men̄e Baba ekar itok, jikin m̧ōn̄ā eo ekar obrak wōt kōn kauwaron̄ron̄ im ettoon. Alice ekar kōņaan bwe en pidodo n̄an en̄jake aeņōm̧m̧an.
Āliktata, ekar m̧ootļo̧k iien m̧ōn̄ā in raelep. Alice ekar jipan̄ ro jein im jatin bōk kōnno ko aer n̄an jikin kwaļkwoļ pileej ko. Alice ekar rūtto im jeļā ke en jab bar rubi men ko. Kōn menin ekar bōk koņaan ilo kwaļkwoļ pileej ko. Ekar kobrak jikin kwaļkwoļ pileej eo kōn dān ej joob boob.
Ilukkuun kōņaan bwe in jab kōm̧m̧an jabdewōt jerbal, Alice ekar ļōmņak. Innem ekar keememej ta eo ekar ekkatak ilo Būraimere kōn Būreejtōn Spencer W. Kimball. Ke ekar dik, ekar bar lukkun lōn̄ an jerbal. Ekkein al al in jar ko n̄e ej kattoor milik jān kau ko!
Alice ekar pijaikiļo̧k an Būreejtōn Kimball an al ippān juon kau. Ekar ettōn̄.
Innem ekar wōr juon an ļōmņak. Emaron̄ kar erom̧ juon rikanaan! Ekar bōk juon bok in al in jar im kōpeļļo̧k n̄an al eo jinointata.
Ekar aikuj pukot kilen an kōpeļļo̧k. Alice ekar likūt bok eo ilo turin winto eo. Ekar kalbwin tōrerein bok eo ilo tulikin juon nien kein ekkat wūt. Innem ekar kalbwin bar rajet eo juon ilikin juon kap eddo. Kiiō ekar maron̄ loe ke ekar jerbale.
Ke Alice ekar iri booļ, kap ko, im jibuun ko, ekar al al in jar. Bubble ko rejoboob remāneen im rejoboob ekar em̧m̧an an en̄jaki ilo pein. Im al eo ekar kōm̧m̧an an m̧ōņōņō.
Raan eo tok juon, Alice ekar bar al. Im bar raan eo juon. Ekar kajjieon̄ keememej naan ko an kajjojo al in jar eo. Innem ekar em̧m̧akūt n̄an bar juon. Alice ekar ekkatak al in jar ko rekāāl! Ekar aikuj bōk jet katak ikkijeen piano ium̧win jejjo wiik. Ke ekar jab jeļā juon al in jar, ekar ekkatak no̧o̧t ko ilo piano eo.
Ejjab to Alice ekar jab watōk ilo an ļap an kwaļkwoļ pileej. Jet iien āinwōt em̧m̧an ippān! Ekar em̧m̧an n̄an al im ļōmņak kōn Jisōs. Ekkatak kajjojo al in jar ekāāl ekar āinwōt am̧ bar jeļā kajjien juon m̧ōttam̧ ekāāl. Jekdo̧o̧n jon̄an an kauwaron̄ron̄ ipeļakin, al in jar ko rekar jipan̄ e en̄jake aeņōm̧m̧an.
Kōmeļeļe jān Erin Taylor