Jān Būreejtōnji eo Kein Kajuon
Kwoj juon Ajri Eaorōk Nejin Anij
Bōk jān Friend to Friend Broadcast eo n̄an ajri ro: 2021. Alooje ilo ChurchofJesusChrist.org/broadcasts.
Ro jera reddik jitōnbōro, ij iakwe kom̧! N̄e ij loe kom̧, ij ļōmņak kōn ro jibū jibū jibū. Kwaar ke jeļā bwe ilo baam̧le eo aō, elōn̄ jān 100 jibū jibū jibū ium̧win iiō ņe 12? Relukkuun peran im lukkuun aorōk, āinwōt kom̧.
Kwoj juon nejin Anij ejitōnbōro Jouj im keememej m̧ool in. Eļan̄n̄e kwojamin meļo̧kļo̧k bwe m̧ool in, kwomaron̄ jelm̧ae jabdewōt būrabļōm̧ kōn tōmak im peran.
N̄e kwoj peptaij im kapen, kōm̧m̧ane juon kallim̧ur bwe kwonaaj ļoor Irooj. Im E ej kallim̧ur bwe Enaaj jilkinļo̧k jetōb eo An n̄an tōl eok. Ļōmņak kōn meram im iakwe eo kwomaron̄ bōktok n̄an laļ in āinwōt juon rikaļoor eo etōmak ilo Jisōs Kraist!
Ro jera rejitōnbōro, ij lukkuun utiej buruō kōn kom̧ kajjojo! Ijeļā bwe Jemedwōj Ilan̄ ej lale kom̧. E ej lukkuun iakwe kom̧, im āindein bar n̄a.
Karōk eo Ekam̧ōņōņō an Jemedwōj Ilan̄.
Kōļare pija ko n̄an ekkatak eļapļo̧k kōn karōk eo an Jemedwōj Ilan̄. Riit eļapļo̧k ilo Ebream 3–5.
Jaar mour ippān Jemedwōj Ilan̄ m̧okta jān aō kar ļotak tok.
E ekar kajjitōk ippān Jisōs Kraist n̄an kōm̧anm̧an laļ in n̄an kōj.
Jisōs eaar kōm̧anm̧an al, allōn̄, im iju ko.
Jisōs ekar kōm̧anm̧an laļ in aiboojoj kōn wōjke ko im wūt ko. E ekar kōm̧anm̧an ek ko, bao in mejatoto ko, im menin mour ko.
Innem Jemedwōj Ilan̄ ekar likūt Adam im Iv, jinen im jemān ro ad jinoin tata, ioon laļ in.
Jemedwōj Ilan̄ ej iakwe eō im ej lale eō.
Kōmeļeļe ko jān Elise Black