Zaj Lus hauv phau Phooj Ywg Txhua Hli, Ib Hlis Ntuj 2022

Ua Ntej Peb Los hauv Ntiaj Teb No

Vajtswv thiab Yexus Khetos nyob hauv lub ntuj ntsuj plig ua ntej lub neej no

Cov duab los ntawm Apryl Stott

Ua ntej peb yug los, peb tau nyob nrog peb Leej Txiv Saum Ntuj Ceeb Tsheej. Nws qhia peb txog Nws txoj hau kev zoo siab.

me nyuam tub quaj, me nyuam ntxhais nrog lub pob

Vajtswv hais tias peb mam los hauv ntiaj teb no thiab txais lub cev. Peb yuav kawm thiab xaiv ua zoo. Tej lub sij hawm peb yuav ua yuam kev. Peb yuav xav tau ib tug Cawm Seej.

me nyuam ntxhais nrog lub ncaws pob nplij tus me nyuam tub uas quaj

Tus Cawm Seej yuav qhia peb ua neej zoo li cas. Thiab thaum peb xaiv ua yuam kev, peb yuav tau hloov siab lees txim.

Yexus Khetos ua ntej lub neej no

Yexus tau ua siab dawb hais tias, “Kuv nyob no, txib kuv mus.” Leej Txiv Saum Ntuj Ceeb Tsheej tau xaiv Nws los ua peb tus Cawm Seej. Yexus tau cog lus tias Nws yuav los rau hauv lub ntiaj teb no kom cawm peb dim.

Leej Txiv Saum Ntuj Ceeb Tsheej thiab Yexus Khetos nyob hauv lub nceeg vaj xilethi-aus.

Kuv muaj peev xwm coj raws li Yexus. Muaj ib hnub kuv yuav rov mus nrog Leej Txiv Saum Ntuj Ceeb Tsheej nyob.

Phab Ntawv Tha Xim

Kuv yog Vajtswv tus Me Nyuam

me nyuam saib cov hnub qub

Nias daim duab kom muab download.

Daim duab los ntawm Apryl Stott

Koj ua li cas kom hnov Leej Txiv Saum Ntuj Ceeb Tsheej txoj kev hlub?

© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, January 2022. Hmong. 18295 295